ជីវិតកម្សាន្ដ

តួកាច Panward បញ្ចេញភាពស៊ិចស៊ីយ៉ាងចាស់ដៃ អបអរខួបកំណើតក្នុងវ័យ ៤៤ ឆ្នាំ

បានផុស

៣ ខែ មុន

នៅ

ថ្ងៃព្រហស្បតិ៍ ២៨ ធ្នូ ២០២៣

ដោយ

តារាសម្ដែង Panward Hemmanee បញ្ចេញសម្រស់ស្វាគមន៍ឈានចូលវ័យ៤៤ឆ្នាំ ជាមួយរូបភាពស៊ិចស៊ី ក្នុងខួបកំណើតនៅថ្ងៃទី២៨ ខែធ្នូ ខណៈអ្នកគាំទ្រជាច្រើនថានាងសក្តិសមជារាជិនីសម្រស់ក្នុងវិស័យកម្សាន្តរបស់ប្រទេសថៃពិតៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ២៨ ខែធ្នូ ឆ្នាំ២០២៣ ក្នុងឱកាសខួបកំណើតគម្រប់ ៤៤ ឆ្នាំ របស់ Panward បានបង្ហោះរូបថតនំខួបកំណើតសូកូឡាមួយដុំធំនៅចំពោះមុខ ដើម្បីជាការអបអរសម្រាប់ខ្លួននាងផ្ទាល់។ តាមរយៈ Instagram ផ្ទាល់ខ្លួនតារាស្រីនិយមដើរតួកាចរូបនេះ បានធ្វើឲ្យអ្នកលេងអ៊ីនធឺណេតភ្ញាក់ផ្អើលបំផុតក្នុងការបង្ហោះនេះគឺមិនមែនរូបភាពនំខេកនោះទេ។ ប៉ុន្តែវាជារូបភាពនៃសម្រស់ដ៏ក្តៅគគុករបស់នាងក្នុងវ័យ៤៤ឆ្នាំឯណោះវិញទេ។

នៅក្នុងសំណុំរូបថតខួបកំណើតឆ្នាំនេះ អ្នកម្ដាយកូន២ Panward បានស្លៀកឈុតពណ៌ស លាក់ដោយភាពសិចស៊ី ស្រដៀងនឹងឈុតប៊ីគីនី ខណៈសកម្មភាពដែលនាងបញ្ចេញ បានធ្វើឲ្យអ្នកគាំទ្រជាច្រើនសម្រុកចុច Like និងសរសើរលើសម្រស់របស់នាងស្អាតដូចកាលនៅក្រមុំ។ ជាពិសេសនោះគឺភាពសិចស៊ី មិនអាចលាក់បានពីក្នុងរូបរាងវ័យ៤៤ឆ្នាំ។

លើសពីនេះ មហាជនជាច្រើនបានជូនពរនាងឲ្យកាន់តែមានសម្រស់ស្អាតកាន់តែខ្លាំង និងមានសុខភាពល្អ។ ហើយនៅតែបង្ហាញមុខលើកញ្ចល់ទូរទស្សន៍ឲ្យទស្សនិកជនបានឃើញវត្តមាននាងរហូត។

យ៉ាងណាមិញ នេះសបញ្ចាក់យ៉ាងច្បាស់ថា ពេលវេលាពិតជាមិនអាចធ្វើអ្វីបានចំពោះតារាសម្ដែងសាច់សខ្ចី Panward Hemmanee ដែលគេស្គាល់ថា នាងតែងបង្ហាញភាពឥតខ្ចោះនិងសិចស៊ីលើបណ្ដាញសង្គមផ្ទាល់ខ្លួនជានិច្ច។ ទោះបីជាពេលនេះ នាងជាម្ដាយមានកូនពីរក៏ដោយ ប៉ុន្តែសម្រស់នៃភាពហឹរមិនបានថមថយចុះទាល់តែសោះ ទោះបីជាអាយុរបស់នាងកើនឡើងជារៀងរាល់ថ្ងៃ៕