ជីវិតកម្សាន្ដ

ឈ្នះពានរង្វាន់ Grammy លើកទី ១៣ ភ្លាម Taylor Swift ឆ្លៀតប្រកាសអាល់ប៊ុមថ្មីភ្លែត

បានផុស

២ years មុន

នៅ

ថ្ងៃចន្ទ ៥ កុម្ភៈ ២០២៤

ដោយ

ក្នុងអំឡុងពេលសុន្ទរកថាទទួលពានរង្វាន់ទី១៣ ក្នុងកម្មវិធី Grammys លើកទី៦៦ កាលពីថ្ងៃទី០៤ ខែកុម្ភៈ តារាចម្រៀងប៉ុប Taylor Swift បានប្រកាសថា អាល់ប៊ុមបន្ទាប់របស់នាងដែលមានចំណងជើងថា The Tortured Poet’s Department នឹងមកដល់នៅថ្ងៃទី ១៩ ខែមេសាខាងមុខនេះ។

យោងតាមការចុះផ្សាយពីសាព័ត៌មាន People បញ្ចាក់ថា អាល់ប៊ុម Midnights របស់ Taylor Swift បានឈ្នះពានរង្វាន់ Best Pop Vocal Album លើបេក្ខភាពផ្សេងទៀតដូចជា Olivia Rodrigo’s Guts, Ed Sheeran’s -, Miley Cyrus’ Endless Summer Vacation និង Kelly Clarkson’s Chemistry។

ក្នុងនោះផងដែរទស្សនិកជនក្នុងកម្មវិធីបានឃើញតារាចម្រៀងប្រុស Bono សមាជិកក្រុមតន្រ្តីរ៉ុក U2 បានប្រគល់ពានរង្វាន់ដល់ Taylor Swift ខណៈដែលពានរង្វាន់មួយនេះជាពានទី១៣ដែលទទួលបាន ហើយដូចដែលនាងបានចង្អុលបង្ហាញក្នុងអំឡុងពេលសុន្ទរកថា លេខ ១៣ គឺជាលេខសំណាងរបស់នាង ។

ចេញផ្សាយក្នុងខែតុលា ឆ្នាំ ២០២២ Midnights បានសម្គាល់អាល់ប៊ុមស្ទូឌីយោដើមទីដប់របស់ Swift និងបង្កើតបានការពេញនិយមយ៉ាងខ្លាំងនៅលើ Billboard Hot 100 ជាមួយនឹង “Anti-Hero” ដែលជាប់លេខ១ទទួលបានកំណត់ត្រាប្រចាំឆ្នាំ ជាបទចម្រៀងប្រចាំឆ្នាំ និងការសម្តែងទោលល្អបំផុត ចំណែក “Lavender Haze” និង “Karma” ដែលទាំងពីរឈានដល់លេខ ២ នៅលើតារាង រហូតត្រូវបានតែងតាំងនៅក្នុងប្រភេទ Best Pop Duo/Group Performance ថែមទៀតផង។

លើសពីនេះទៀតដែរ ជាការភ្ញាក់ផ្អើលមួយក្នុងអំឡុងពេលសុន្ទរកថារបស់នាងនៅក្នុងកម្មវិធី Video Music Awards2022 នៅពេលដែលនាងបានឈ្នះពានរង្វាន់សម្រាប់វីដេអូប្រចាំឆ្នាំជាមួយនឹង “All Too Well (10 Minute Version) (Taylor’s Version)” ជាមួយនឹងជ័យជម្នះនោះ នាងបានបំបែកឯតទគ្គកម្មសម្រាប់ VMAs ភាគច្រើនសម្រាប់វីដេអូប្រចាំឆ្នាំ។ ឆ្នាំនេះជាលើកទី ២ ដែលតារាចម្រៀងប៉ុបបានឈ្នះពានរង្វាន់ Best Pop Vocal Album នៅ Grammys ដែលពីមុន នាងធ្លាប់ឈ្នះកាលឆ្នាំ ២០១៦ ម្ដងរួចទៅហើយ៕

អត្ថបទ៖ សាង ស្រីល័ក្ខ

ចុចអាន៖អ្នកនាំពាក្យសេតវិមានចេញមុខនិយាយ ក្រោយធ្លាយរូបថតអាសអាភាសរបស់ Taylor Swift