Connect with us

ជីវិតកម្សាន្ដ

ខេម រំភើបចិត្តខ្លាំងបានរួមចំណែកជួយក្មេងៗ នៅមណ្ឌលកុមារកំព្រាខេត្តស្វាយរៀង

បានផុស

នៅ

តារា​ចម្រៀង​សំឡេង​ស្អក​លោក ខេម បង្ហាញ​អារម្មណ៍​រំភើប និង​សប្បាយ​ចិត្ត​ខ្លាំង បន្ទាប់ពី​បាន​រួម​ចំណែក​ក្នុង​ការ​ជួយ​ដល់​ក្មេងៗ នៅ​មណ្ឌល​កុមារ​កំព្រា​ខេត្ត​ស្វាយរៀង តាមរយៈ​ការ​ប្រកួត​បាល់ទាត់ ដើម្បី​ប្រមូល​ថវិកា​ពី​សប្បុរសជន​នានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជា​ការ​ពិត​ណាស់ កាលពី​ថ្មីៗ នេះ មាន​រៀបចំ​ការ​ប្រកួត​បាល់ទាត់​សប្បុរសធម៌ ក្រោម​ប្រធានបទ​”កីឡា​បាល់ទាត់​ក្តី​ស្រឡាញ់ និង​សប្បុរសធម៌ ក្រោម​ម្លប់​សន្តិភាព​” រវាង​ក្រុម​ខេ​ម​បូ​ឌា​ហ្វូ​តបល សូ​ពើ​ស្តារ vs ថ្នាក់​ដឹកនាំ​ខេត្ត​ស្វាយរៀង ស្ថិតនៅ​កីឡដ្ឋាន​ខេត្ត​ស្វាយរៀង ដោយ​មាន​ទស្សនិកជន​ជា​ច្រើន​បាន​ចូល​ទស្សនា​យ៉ាង​ជក់ចិត្ត​ផង​ដែរ។

បន្ទាប់ពី​ការ​ប្រកួត​ចប់ តារា​ចម្រៀង​លោក ខេម បាន​លើក​ឡើង​ថា «ខ្ញុំបាទ ខេម ពិត​ជា​មាន​ក្ដី​រំភើប រីករាយ​សប្បាយ​ចិត្ត​ជា​ខ្លាំង ហើយ​ក៏​ជា​ការងារ​ចងចាំ​មួយ​ដែល​មាន​តម្លៃ ដែល​ជា​ចំណែក​មួយ​ក្នុង​ការ​ជួយ​ដល់​ក្មួយៗ ក្នុង​មណ្ឌល​កុមារ​កំព្រា​ខេត្ត​ស្វាយរៀង យើងខ្ញុំ សូម​ថ្លែង​អរគុណ​ដល់​សប្បុរសជន​ដែល​បាន​បរិច្ចាគ​ថវិកា​មាន​ចំនួន​ជាង​(៤២ លាន​រៀល​)»។

តារា​ចម្រៀង​លោក ខេម បាន​បញ្ជាក់​ទៀត​ថា ការ​ប្រកួត​សប្បុរសធម៌​នេះ បាន​ប្រមូល​ថវិកា​ពី​សប្បុរសជន​ជា​ថវិកា​សរុប​ចំនួន​ជាង​សែសិប​ពីរ​លាន​រៀល​(​ជាង​មួយ​ម៉ឺន​ដុល្លារ​អាមេរិក​) ដើម្បី​ឧបត្ថម្ភ​ដល់​មណ្ឌល​កុមារ​កំព្រា​នៅ​ខេត្ត​ស្វាយរៀង។

ជាមួយ​នេះ លោក ខេម ក៏បាន​អរគុណ​ដល់​ថ្នាក់ដឹកនាំ នៃ​រដ្ឋបាល​ខេត្ត​ស្វាយរៀង គណៈកម្មការ​រៀបចំ និង ក្រុម​កីឡាករ​ទាំងពីរ​ក្រុម ដែល​បាន​ចូលរួម និង​គាំទ្រ​ដល់​ដំណើរការ​រៀបចំ និង​ការ​ប្រកួត​ដើម្បី​បុព្វហេតុ​សប្បុរសធម៌​នេះ​ផង​ដែរ។

តាមរយៈ​សកម្មភាព​នេះ ក៏​មាន​ការ​គាំទ្រ និង​សរសើរ​ពី​សំណាក់​មហាជន​មួយ​ចំនួន​ធំ​ចំពោះ​ការ​បង្កើត​ឲ្យ​មាន​ព្រឹត្តិការណ៍ នៃ​ការ​ប្រកួត​បាល់ទាត់​សប្បុរសធម៌​ក្រោម​ប្រធានបទ​”កីឡាបាល់ទាត់​ក្តី​ស្រឡាញ់ និង​សប្បុរសធម៌ ក្រោម​ម្លប់​សន្តិភាព​” ដើម្បី​ប្រមូល​ថវិកា​ជួយ​ដល់​ក្មេងៗ ស្ថិត​ក្នុង​មណ្ឌល​កុមារ​កំព្រា៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ២ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៣ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម