ជីវិតកម្សាន្ដ

ខាត់ សុឃីម ៖ «ខ្ញុំធ្លាប់គេប្រមាថមើលងាយបំបាក់ទឹកចិត្ត តែពុំធ្លាប់មានចិត្តចង់បោះបង់ ឬ ចុះចាញ់ឡើយ»

បានផុស

២ years មុន

នៅ

ថ្ងៃសុក្រ ១ មីនា ២០២៤

ដោយ

អ្នកនាង ខាត់ សុឃីម បច្ចុប្បន្នត្រូវបានគេកត់សម្គាល់ថា នាងជាតារាស្រីពហុជំនាញរបស់ខ្មែរមួយរូប ដែលកំពុងតែទទួលបានផ្លែផ្កាជោគជ័យលើមុខជំនួញផ្ទាល់ខ្លួន ក៏ដូចជាអាជីពសិល្បៈ ទាំងសម័យ និងបុរាណជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសកម្មភាពនេះ អាចចាត់ទុកថាជាជោគជ័យដ៏ធំរបស់អ្នកនាង ខាត់ សុឃីម បន្ថែមទៀត បន្ទាប់ពីអាជីពសិល្បៈបច្ចុប្បន្នកំពុងមមាញឹកនៅតាមបណ្តាកម្មវិធីមង្គលការមួយចំនួន ហើយនាងក៏នៅតែរក្សាបានសន្ទុះ នៃការគាំទ្រ និងមានប្រជាប្រិយភាពខ្លាំង មិនចាញ់មិត្តភ័ក្ដិរួមជំនាន់ឡើយ។

យ៉ាងណាមិញភាពជោគជ័យទាំងនេះ ត្រូវបាន ខាត់ សុឃីម បញ្ជាក់ថាកើតចេញពីភាពប្រឹងប្រែង តស៊ូ ដោយមិនបោះបង់ ឬ ចុះចាញ់នូវរឿងរ៉ាវដែលធ្លាប់បានប្រឈមមួយចំនួននាពេលកន្លងមក។ អ្នកនាង ខាត់ សុឃីម បាននិយាយថា កន្លងមក នាងក៏ធ្លាប់មានបញ្ហាមួយចំនួនបោកបក់មកលើជីវិតផងដែរ។

តារាពហុជំនាញ ខាត់ សុឃីម បានបញ្ជាក់ដែរថា «ខ្ញុំធ្លាប់ដួល ធ្លាប់ឈឺចាប់ ធ្លាប់គេប្រមាថមើលងាយ ធ្លាប់គេបំបាក់ទឹកចិត្ត ធ្លាប់បាត់បង់ ធ្លាប់ស្ទើរតែគ្រប់រឿង តែខ្ញុំពុំធ្លាប់មានចិត្តចង់បោះបង់ និងចុះចាញ់ឡើយ (ជីវិត គឺជាជម្រើស)»។ ការលើកឡើងនេះ បានធ្វើឲ្យអ្នកគាំទ្រនាងមួយចំនួនសរសើរពីការខិតខំរបស់តារាស្រីរូបនេះ ដោយមិនបោះបង់ក្តីស្រមៃរបស់ខ្លួនឡើយ។

ដោយឡែកសម្រាប់រឿងជីវិតគ្រួសារ ក៏ត្រូវបាន អ្នកនាង ខាត់ សុឃីម រម្លឹកដែរថា សេចក្ដីសុខសម្រាប់នាងគឺមានប្តីម្នាក់ដែលស្រលាញ់ ម្តាយឪពុកក្មេកពេញចិត្ត បងប្អូនថ្លៃយល់ចិត្ត ញាតិមិត្ត ពិសេស ប្អូនៗ បង្កើត និងកូនៗ យល់ពីទឹកចិត្ត នាងគឺសប្បាយពេកហើយ៕

អត្ថបទ ៖ ចាន់រ៉ា