ជីវិតកម្សាន្ដ

រងការរិះគន់សាច់ដូចគីង្គក់ ម្ចាស់មកុដ Miss Grand 2023 ភឹម ស្រីនោ ផ្ទុះប្រតិកម្មឆ្លើយតបភ្លាមៗ

បានផុស

២ years មុន

នៅ

ថ្ងៃចន្ទ ២០ ឧសភា ២០២៤

ដោយ

ម្ចាស់មកុដ Miss Grand Cambodia 2023 កញ្ញា ភឹម ស្រីនោ បានបញ្ចេញប្រតិកម្មឆ្លើយតបភ្លាមៗ ដោយសម្តែងការហួសចិត្តជាខ្លាំង បន្ទាប់ពីមានបុគ្គលម្នាក់ បានធ្វើការរិះគន់លើរូបសម្ផស្សរបស់នាងថា មានរូបរាងមិនស្អាត ថែមទាំងសាច់ស្បែកដូចសត្វគីង្គក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរិះគន់ពីសំណាក់ម្ចាស់គណនីហ្វេសប៊ុកឈ្មោះ Phanet Sroch ទៅលើបវរកញ្ញា ភឹម ស្រីនោ បានធ្វើឲ្យអ្នកគាំទ្រនាងមួយចំនួនក៏បានចេញមុខការពារផងដែ។ ខ្លឹមសារដែលម្ចាស់គណនីហ្វេសប៊ុកខាងលើរិះគន់ ស្រីនោ បាននិយាយថា«តែកុំភ្លេចមើលរូបរាងខ្លួនឯងផង បវរកញ្ញាស្អីសាច់ឲ្យដូចគីង្គក់ ខំយកស្បៃបាំងយ៉ាងណាក៏បាំងមិនជិតដែរសាច់ដូចមនុស្សមានកូន ៤ ឬ ៥នាក់ ធាត់ក៏ធាត់ យាក៏យា ត្រឡប់ទៅមើលការដើរខ្លួនឯង»។

ឆ្លើយតបការរិះខាងលើនេះកញ្ញា ភឹម ស្រីនោ បានបញ្ជាក់ថា «តើអ្នកទាំងអស់គ្នាយល់ឃើញយ៉ាងណាដែរចំពោះខំមិនបែបនេះ? កុំអាងតែមានFacebookមួយក្លាយជាអ្នករិះគន់គេ មើលងាយគេ ក្លាយជាអ្នកវិភាគ អ្នកកាត់ក្ដីគេ រត់តាមហេតុការណ៍ឲ្យតែឃើញមិនចាំថារឿងហេតុមកពីអ្វីល្អ ឬអាក្រក់ទេប្រើអារម្មណ៍អគតិរបស់ខ្លួនវាយប្រហារគេ គ្រប់យ៉ាងមានដែនកំណត់»។

ម្ចាស់មកុដ Miss Grand Cambodia 2023 កញ្ញា ភឹម ស្រីនោ បានបន្ថែមដោយខ្លីទៀតថា «នាងសុំការពារសិទ្ធិខ្លួនឯងម្ដង»។ ចំណែកឯអ្នកនាង អ៊ឹម សុគ ន្ធា ដែលជាអ្នកគ្រប់គ្រងស្ថាប័ន Miss Grand Cambodia បានបញ្ចេញប្រតិកម្មដែរថា «មនុស្សបែបនេះមិនគួរកើតឈាមជ័រជាប្រជាជនខ្មែរសោះ»។

សូមបញ្ជាក់ថា ចំពោះការរិះគន់របស់បុគ្គលរូបនេះស្របពេលដែលកញ្ញា ភឹម ស្រីនោ បានបង្ហោះខ្លឹមសារមួយដោយលើកឡើងថា កុំជឿជាក់ខ្លាំងពេក រហូតមើលមកអ្នកដទៃដូចមិនស្មើរខ្លួន ធ្វើអ្វីក៏ដោយកុំលើសពេក រៀនមើលមុខ មើលក្រោយខ្លះផង តម្លៃពិតគឺគេមើលលើមារយាទ និងសម្តី៕

អត្ថបទ៖ ចាន់រ៉ា