ជីវិតកម្សាន្ដ

សាយ បំផុសកម្មវិធី”រត់ដោយបេះដូង” ដើម្បីបរិច្ចាគទៅកាន់សាលាទន្សាយអនាគតកុមារអូទីហ្សឹម

បានផុស

១ year មុន

នៅ

ថ្ងៃអង្គារ ២១ ឧសភា ២០២៤

ដោយ

តារាចម្រៀង Original Song លោក អ៊ួន បឋម ហៅ សាយ បានចេញមកបំផុសជាថ្មីនូវកម្មវិធីមនុស្សធម៌”រត់ដោយបេះដូង” ដើម្បីស្វែងរកការចូលរួមបរិច្ចាគទៅកាន់សាលាទន្សាយ ដើម្បីអនាគតកុមារអូទីហ្សឹម ដែលត្រៀមរត់នៅថ្ងៃទី ០១ ខែមិថុនា នាពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាយ បានធ្វើការប្រកូកប្រកាសថា សម្រាប់អ្នកដែលមានបំណងចូលរួមរត់នៅក្នុងកម្មវិធី”រត់ដោយបេះដូង” ជាមួយនឹងកុមារអូទីហ្សឹម នៅថ្ងៃទី ០១ ខែមិថុនា ឆ្នាំ ២០២៤ នាពហុកីឡដ្ឋានជាតិអូឡាំពិក សូមធ្វើការបរិច្ចាគទៅកាន់សាលាទន្សាយ គឺ ចាប់ពី ៥០ ដុល្លារ ឡើងទៅ ដើម្បីទទួលបានឱកាសចូលរួមរត់ក្នុងកម្មវិធី “រត់ដោយបេះដូង” ជាមួយនឹងកុមារអូទីហ្សឹម។

សាយ បានបញ្ជាក់ថា រាល់ការបរិច្ចាគលើសពី ៥០ ដុល្លារ ឡើងទៅ សូមដាក់ក្នុង “Remark” នូវ “ឈ្មោះ និងលេខទូរស័ព្ទ” បន្ទាប់មកសូមថតរូប (Screenshot) ការបរិច្ចាគរួចផ្ញើមកកាន់តេឡេក្រាមខាងក្រោម ដើម្បីបញ្ជាក់។ បន្ទាប់មក ក្រុមការងារ នឹងទំនាក់ទំនងទៅដើម្បីផ្ញើលិខិតអញ្ជើញចូលរួមកម្មវិធីជាយើង។

លោកបន្តថា តស់ៗ ចូលរួមបរិច្ចាគទៅកាន់សាលាទន្សាយ ដើម្បីអនាគតកុមារអូទីហ្សឹមទាំងអស់គ្នា ចូលរួមរត់ជាមួយពួកយើង ដើម្បីអនាគតកុមារអូទីហ្សឹម (Run For A Better Future of Autism Kids) ចូលរួមជាមួយពួកយើង ដើម្បីកិច្ចការងារមនុស្សធម៌ Join Us For Humanitarian Mission។

សូមបញ្ជាក់ដែរថា តារាចម្រៀង Original Song លោក អ៊ួន បឋម ហៅ សាយ ត្រូវបានមហាជនអ្នកគាំទ្រចាត់ទុកថា លោកគឺជាសិល្បករខ្មែរមួយរូបដែលលេចធ្លោតាមរយៈកិច្ចការងារចូលរួមសង្គម ពិសេសកន្លងមក សាយ បានបង្កើតកម្មវិធីរត់ដើម្បីប្រមូលថវិកាជូនដល់មន្ទីរពេទ្យគន្ធបុប្ផា និងមន្ទីរពេទ្យកុមារអង្គរជាដើម៕

អត្ថបទ ៖ ចាន់រ៉ា