Connect with us

ជីវិតកម្សាន្ដ

មាន សូនីតា ចាត់ទុកភាពជោគជ័យលើឆាកអន្តរជាតិមិនមែនតែនាងទេ គឺសម្រាប់កូនខ្មែរទាំងមូល

បានផុស

នៅ

ភាព​ជោគជ័យ​របស់​តារា​សម្តែង​កញ្ញា មាន សូនីតា ពេលនេះ​កើតចេញ​ពីការ​តាំង​ចិត្តខ្ពស់​ ការ​តស៊ូ​ជម្នះ​រាល់​ឧបសគ្គ​ដែល​ទទួល​បាន​ការ​លើក​ទឹកចិត្ត និង​គាំទ្រ​ពី​មហាជន​ទូទៅ។ នាង​ក៏មាន​មោទនភាព​ខ្លាំង​ក្រោយ​ទទួល​បាន​ការ​គាំទ្រ​ពី​ទស្សនិកជន​ និង​មាន​បណ្ដា​​សារព័ត៌មាន​ធំ​ៗ​របស់​បរទេស​ចុះផ្សាយ​អំពី​វត្តមាន​នាង​លើ​កម្រាល​ព្រំ​ក្រហម​ក្នុង​កម្មវិធី​មហោស្រព​ នា​ទីក្រុង​កាន​ ប្រទេស​បារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេល​ជា​មួយគ្នា​នៃ​ភាព​លេច​ធ្លោនេះដែរ តារា​ស្រី មាន សូនីតា បាន​ចាត់​ទុក​ថា ភាព​ជោគជ័យ​លើ​ឆាក​អន្តរជាតិ​មិនមែន​តែ​នាង​ទេ​​គឺ សម្រាប់​កូនខ្មែរ​ទាំង​​មូល។ មាន សូនីតា បាននិយាយថា នាងពិត​ជាមិនដឹង​យកពាក្យ​អ្វី​​មក​បរិយាយ​ពី​​អារម្មណ៍​​ដ៏​រំភើប​នៅ​​ពេល​នេះ​ទេ​​ ជា​ពិសេស​​នៅ​ពេល​ដែល​អ្នក​ទាំង​អស់​គ្នា​បាន​សាទរ​ជា​​មួយ​នឹង​សំលៀកបំពាក់​ដែល​បង្ហាញ​​ពី​​អត្តសញ្ញាណ​ជាតិ​ខ្មែរ​ដែល​រួមមាន ក្រមា​​ខ្មែរ ​មួក​ស្លឹក​ត្នោត យ័ន្ត​ខ្មែរ ផ្កា​ច័ន​អង្គរ ទៅ​កាន់​ឆាក​អន្តរជាតិ។

មាន សូនីតា បញ្ជាក់​ថា «គ្រប់គ្នា​នៅទីនោះ​មិន​ថា​​ជា​អ្នកកាសែត តារា​បរទេស គឺ​ងាក​មើល​មិន​ដាក់​​ភ្នែក​នូវ​ភាព​​ទាក់ទាញ​នៃ​​រចនាបថ និង​បាន​ស្ញប់ស្ញែង​ពី​ភាព​ប៉ិន​ប្រសប់ និង​ការ​ផ្ចិតផ្ចង់​ក្នុង​ការ​​ច្នៃ ម៉ូត​របស់​កូនខ្មែរ ដែល​បាន​​បង្កើត​ឡើង​នូវ​រ៉ូប​ដ៏​ប្លែក និង​ឥត​ខ្ចោះ​ដែល​​នេះ​សបញ្ជាក់​ឲ្យពិភពលោក​ឃើញ​យ៉ាង​ច្បាស់​ពី​ភាព​ដែល​អាច​​ទៅរួច និង​ធ្វើបាន​របស់​យើង មិន​មែន​តែខ្ញុំ និង​ក្រុមការងារ​ គឺ​របស់គ្រប់គ្នា​ដែលជា​កូនខ្មែរ»។

កញ្ញា មាន សូនីតា បាន​និយាយ​ទៀត​ថា “នាង​ខ្ញុំ មាន សូនីតា សូម​ផ្ញើ​ជូន​មហា កិត្តិយស​មួយ​នេះ​ទៅ​កាន់​ប្រទេស​កម្ពុជា(រាជិនី​ក្រមា​យ័ន្ត​ខ្មែរ) អភិវឌ្ឍ​ដើម្បី​អភិរក្ស​បុរាណ​មិន​យឺត​សម័យ​ មិន​បរទេស”

ប្រាកដ​ណាស់​មុន​នេះ គេ​កត់​សម្គាល់​សម្រាប់​​វត្តមាន​របស់​តារា​ខ្មែរ​កញ្ញា មាន សូនីតា នៅ​លើ​កម្រាល​ព្រំក្រហម​ទីក្រុង​កាន​នេះ គឺ​​នាង​បាន​រំលេច​ខ្លួន​យ៉ាង​ស្រស់​ស្អាត​លេចធ្លោ​ជា​មួយ​ឈុត​​ក្រមា​​ខ្មែរ​អមព័ន្ធ​ដោយ​អក្សរយ័ន្ត​រំលេច​ឌិន​​ដាម​តាម​រចនាបថ​បុរាណ​ ទំនើប​ និង​មួក​ក្រមា​កែខៃ​ច្នៃ​តាម​ដាន​នៃ​មួក​ស្លឹកត្នោត​​កសិករ​ខ្មែរ និង​ឈុត​ផ្កា​ច័ន​អង្គរ​យ៉ាង​ប្រណិត៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៥ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ២១ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ២១ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានជាតិ២២ ម៉ោង មុន

អតីតនាយករដ្ឋមន្រ្តីកម្ពុជា បង្ហាញ​កម្មវិធី​បណ្តាញ​សង្គមថ្មី ​អភិវឌ្ឍ​ដោយអ្នកជំនាញខ្មែរ មាន​មុខងារ និង​សុវត្ថិភាពខ្ពស់

Sokha Hotels

ព័ត៌មានពេញនិយម