ជីវិតកម្សាន្ដ
ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ
ក្រោយពិធីសម្ពោធ MV បទ«ទេវរាជ» រំលងបានមួយថ្ងៃ អ្នកនាង ទេព បូព្រឹក្ស បានប្រកាសពីការសម្រេចចិត្តរបស់ខ្លួន ដាក់បទចម្រៀងដែលចំណាយទុន និងកម្លាំងមនុស្សច្រើនក្នុងការផលិតមួយនេះ ចូលរួមប្រកួតប្រជែង Award នៅក្រៅប្រទេស និងស្នើឱ្យអ្នកទស្សនាបទនេះ ងាកមកទស្សនាតាមរយៈ YouTube វិញ ដើម្បីបន្ថែម Views ឱ្យបានច្រើន។នេះបើតាមការបញ្ជាក់ឱ្យដឹងពីហ្វេសប៊ុកផេក របស់តារាចម្រៀងស្រីល្បីឈ្មោះរូបនេះ នៅរសៀលថ្ងៃទី២៩ ខែឧសភា ឆ្នាំ២០២៤ ។
![](https://www.kampucheathmey.com/wp-content/uploads/2024/05/8-35-1024x576.jpg)
តាមរយៈសំណេររបស់ម្ចាស់បទ « ទេវរាជ » បញ្ជាក់ថា ចំពោះការសម្រេចនេះ ខ្លួននឹងប្រឹងប្រែងឱ្យអស់ពីលទ្ធភាព ទោះជាមិនដឹងថានឹងមានលទ្ធផលបែបណាក៏ដោយ។ តារាចម្រៀងរូបនេះ បន្ថែមទៀតថា “គួរតែសាកល្បង ឈ្នះក៏យើងចំណេញ ទោះចាញ់ក៏យើងមិនខាត ព្រោះគោលដៅមួយយ៉ាងហោចណាស់ក៏អាចបង្ហាញនៅលើ Screen ពីស្នាដៃល្អឯកមួយរបស់យើងដែលផ្តល់ផលចំណេញផ្សេងទៀតតាមរយៈអត្តសញ្ញាណ”។
![](https://www.kampucheathmey.com/wp-content/uploads/2024/05/9-35-1024x576.jpg)
គួរជម្រាបថា បទ«ទេវរាជ» គឺជាស្នាដៃនិពន្ធរបស់លោក ងួន ចាន់ដេវីត (G-Devith) ឆ្លុះបញ្ជាំងពីវប្បធម៌ អរិយធម៌ និងការកកើតនៃនគរខ្មែរ បង្ហាញដល់ទៅ ៣សម័យកាល ដែលច្រៀងដោយអ្នកនាង ទេព បូព្រឹក្ស។ MV បទនេះ ក៏ទទួលបានការគាំទ្រដោយក្រសួងវប្បធម៌ និង វិចិត្រសិល្បៈ និងសហការរៀបចំទីតាំងដោយអជ្ញាធរអប្សរាផ្ទាល់ ក្នុងការផលិត ហើយត្រូវបានសម្ពោធខ្នាតធំ កាលពីថ្ងៃអាទិត្យ ទី២៦ ខែឧសភា ឆ្នាំ២០២៤។
បើតាមប្រភពដដែល បញ្ជាក់ទៀតថា សម្រាប់អ្នកដែលមិនបានចូលរួមទស្សនាផ្ទាល់ ក្នុងព្រឹត្តិការណ៍វប្បធម៌មួយកាលពីថ្ងៃអាទិត្យនោះ អាចរង់ចាំទស្សនាការចាក់ផ្សាយកម្មវិធីនេះពីដើមរហូតដល់ចប់ នៅម៉ោង ៧ល្ងាច ថ្ងៃសុក្រ ទី៣១ ខែឧសភា ខាងមុខនេះ៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ