ជីវិតកម្សាន្ដ

ភឹម ស្រីនោ ស្នើអ្នកគាំទ្រ កុំភ្លេចនាង ខណៈដល់ថ្ងៃត្រូវផ្ទេរតំណែងឲ្យអ្នកថ្មី

បានផុស

២ years មុន

នៅ

ថ្ងៃសុក្រ ១២ កក្កដា ២០២៤

ដោយ

ម្ចាស់មកុដ Miss Grand Cambodia ២០២៣ កញ្ញា ភឹម ស្រីនោ បានបង្ហាញអារម្មណ៍រំជួលក្នុងចិត្ត ខណៈដែលតំណែង និងមកុដកំពុងត្រូវបានត្រៀមប្រគល់សម្រាប់អ្នកថ្មីនៅក្នុងការប្រកួត Miss Grand Cambodia ២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពេលវេលានៃឱកាសដែលនឹងត្រូវផ្ទេរតំណែងជូនចំពោះបេក្ខភាពម្ចាស់មកុដនាវគ្គផ្ដាច់ព្រ័ត្ររបស់កម្មវិធីប្រឡង Miss Grand Cambodia ២០២៤ នេះដែរ កញ្ញា ភឹម ស្រីនោ បានថ្លែងសារទៅកាន់អ្នកគាំទ្ររបស់ខ្លួនកាលពីថ្ងៃទី១១ ខែកក្កដា ម្សិលមិញថា ពេលវេលាបានកន្លងផុតទៅយ៉ាងលឿន។ ថ្ងៃស្អែកនេះ (១២.កក្កដា) តំណែងត្រូវប្រគល់ឱ្យអ្នកថ្មីហើយ។

ស្រីស្អាតម្ចាស់មកុដ Miss Grand Cambodia ២០២៣ កញ្ញា ភឹម ស្រីនោ បានស្នើចំពោះអ្នកគាំទ្ររបស់ខ្លួនដែរថា ” នាងខ្ញុំសូមអរគុណចំពោះក្ដីស្រលាញ់មួយនេះ សង្ឃឹមថាអ្នកទាំងអស់គ្នានឹងមិនភ្លេចនារីម្នាក់ឈ្មោះថា ស្រីនោ ទេ”។ នាងថា ជួបគ្នានៃក្នុងរាត្រីនេះវគ្គផ្ដាច់ព្រ័ត្រកម្មវិធីកញ្ញាឯកដ៏អស្ចារ្យកម្ពុជា២០២៤ ។

កញ្ញា ភឹម ស្រីនោ បាននិយាយបន្ថែមទៀតថា តើអ្នកណាទៅ និងមានសមត្ថភាពក្លាយជាអ្នកបន្តវេនក្នុងការគ្រងតំណែងបន្ទាប់ពីនាងខ្ញុំ ភឹម ស្រីណូ Miss Grand Cambodia ២០២៣។ នាងបន្តដែរថា មិនដឹងគួររៀបពាក្យនិយាយបែបណាឱ្យខ្លីត្រឹមតែ ១០នាទីទេសម្រាប់រយៈពេល ១ឆ្នាំកន្លងមកលើតំណែង Miss Grand Cambodia ២០២៣។

សូមជម្រាបថា ខណៈពេលដែលកម្មវិធីប្រឡង កញ្ញាឯកដ៏អស្ចារ្យនៃកម្ពុជា ឆ្នាំ២០២៤ បាននឹងកំពុងដំណើរការនេះដែរ ស្រាប់តែកាលពីថ្មីៗកន្លងទៅមានការបញ្ចេញនូវមកុដតម្លៃជាង 1M របស់ MGC 2024 រំលេចរូបរាងដ៏ប្រណិតរចនារូបហង្សពាំតំណក់ទឹកនៃគ្រាប់ពេជ្ររាប់ពាន់គ្រាប់។ ទស្សនិកជនកំពុងរង់ចាំមើលថា តើបវរកញ្ញារូបណាដែលក្លាយជាម្ចាស់ជ័យលាភីបានគ្រងមកុដពេជ្រដ៏ស្រស់ស្អាតនាវគ្គផ្ដាច់ព្រ័ត្រក្នុងរាត្រីថ្ងៃទី១២ ខែកក្កដា ឆ្នាំ២០២៤ នេះ៕

អត្ថបទ៖ ចាន់រ៉ា