ជីវិតកម្សាន្ដ
ពេជ្រ ចរណៃ និង ឡៃ ថៃចាន់ សម្រេចបំណងថតផ្សព្វផ្សាយវប្បធម៌ខ្មែរនៅប្រាសាទអង្គរវត្ត
ទីបំផុតបំណងប្រាថ្នារបស់តារាសម្ដែង និងគ្រូគុនល្បុក្កតោខ្មែរ កញ្ញា ពេជ្រ ចរណៃ និងលោក ឡៃ ថៃចាន់ បានសម្រេចហើយ គឺការចូលរួមថតផ្សព្វផ្សាយវប្បធម៌ខ្មែរនៅលើទឹកដី នៃប្រាសាទអង្គរវត្តខេត្តសៀមរាប។
គេធ្លាប់ចាំបានថាកាលពីថ្មីៗ កន្លងទៅ តារាសម្តែងរូបស្រស់កញ្ញា ពេជ្រ ចរណៃ បានត្អូញត្អែរពីផលលំបាករបស់ខ្លួនដោយបង្ហាញបំណងថតផ្សព្វផ្សាយសិល្បៈវប្បធម៌ខ្មែរនៅប្រាសាទអង្គរវត្ត ប៉ុន្តែក្តីប្រាថ្នាមួយនេះមិនបានសម្រេច។ ពេលនេះ នាង និងលោក ឡៃ ថៃចាន់ មានឱកាសចូលរួមផ្សព្វផ្សាយដូចបំណងប្រាថ្នាហើយ។
តារាប្រុសលោក ឡៃ ថៃចាន់ បានបង្ហោះខ្លឹមសារភ្ជាប់វីដេអូខ្លីថា «ទីបំផុតពួកខ្ញុំគឺបានសម្រេចបំណងប្រាថ្នាហើយ»។ ចំណែកកញ្ញា ពេជ្រ ចរណៃ បានលើកឡើដែរថា នាងពិតជាសប្បាយចិត្តខ្លាំងមែនដែលមានឱកាសបានមកចូលរួមថតនៅតំបន់ទេសចរដ៏អច្ឆរិយប្រាសាទអង្គរវត្តរបស់ព្រះរាជាណាចក្រកម្ពុជា។
តារាសម្តែងកញ្ញា ពេជ្រ ចរណៃ និយាយទៀតថា «ខ្ញុំពិតជាអរគុណដល់អាជ្ញាធរអប្សរា និងថ្នាក់ដឹកនាំដែលបានសម្របសម្រួលឲ្យក្រុមពួកខ្ញុំបានមកថតនៅតំបន់អង្គរវត្ត ដើម្បីផ្សព្វផ្សាយពីគុនល្បុក្កតោខ្មែរ ក៏ដូចជាវប្បធម៌-អរិយធម៌ខ្មែរ»។
ជាមួយគ្នានេះ កញ្ញា ពេជ្រ ចរណៃ និងលោក ឡៃ ថៃចាន់ ក៏បានបំផុសឲ្យប្រជាពលរដ្ឋខ្មែររួមគ្នាផ្សព្វផ្សាយអំពីតំបន់ទេសចរណ៍ក្នុងទឹកដីខេត្តសៀមរាបផងដែរ។
សូមជម្រាបដែរថា តារាសម្តែងកញ្ញា ពេជ្រ ចរណៃ កន្លងមក តែងបានចេញមុខបំផុសដល់យុវជនឲ្យចូលរួមលើកស្ទួយ និងបង្ហាញសិល្បៈវប្បធម៌របស់ខ្មែរទៅកាន់ពិភពលោកតាមរយៈសកម្មភាពនានាដូចជា, ការបង្ហាញក្បាច់គុនល្បុក្កតោ,ល្ខោនខោល និងបង្ហោះរូបភាពស្លៀកពាក់សំលៀកបំពាក់បុរាណខ្មែរជាដើម។ ម្យ៉ាងទៀត នាងក៏បានចេញមកអំពាវនាវដល់យុវជនខ្មែរ គួរនាំគ្នាចូលរួមលើកស្ទួយផ្សព្វផ្សាយវប្បធម៌ខ្មែរប្រសើរជាងតាមដានរឿងអត់ប្រយោជន៍ផងដែរ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម