តារារ៉េប K-pop រូបនេះ ត្រូវបានប៉ូលីស កោះហៅ ករណីវាយគ្នាតាមផ្លូវ

កាលពីថ្មីៗនេះ តារារ៉េបកូរ៉េ San E ដែលមានឈ្មោះពិតថា Jung San កំពុងតែរងការចោទប្រកាន់ និងត្រូវបានប៉ូលីស ធ្វើការកោះហៅ ដើម្បីធ្វើការស៉ើបសួរអំពី ករណី បំពានរាងកាយ លើបុរសម្នាក់នៅតាមដងផ្លូវ។ ករណីនេះ បានធ្វើឲ្យមហាជនមានការភ្ញាក់ផ្អើល ដែលករណីបែបនេះ កើតឡើងចំពោះតារា Kpop ជាញឹកញាប់ ហើយមិនដែលរួចខ្លួននោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មានបានឲ្យដឹងថា កាលពីថ្ងៃទី១៩ ខែសីហានេះ ស្ថាន៏យ៍ប៉ូលីស ក្នុងក្រុង សេអ៊ូល បានប្រកាសថា តារាចម្រៀងរ៉េប San E ត្រូវបានចាប់ខ្លួននៅថ្ងៃទី១៧ ខែសីហា កន្លងទៅ ពីបទរំលោភបំពានកម្រិតធ្ងន់ធ្ងរ។ តារាប្រុសរូបនេះ ត្រូវបាន គេ​ចោទ​ប្រកាន់​ពី​បទ​វាយ​ដំបុរសម្នាក់ ​ដែល​ត្រូវ​បាន​គេ​ស្គាល់​ថា​ជា​លោក A នៅ​ថ្ងៃ​ទី 28 ខែ​កក្កដា វេលា​ម៉ោង 8:30 យប់ នៅ​ជិត​ច្រក​ចូល​ឧទ្យាន​ក្នុង​ទីក្រុង Mapo-gu ទីក្រុង​សេអ៊ូល។

តាមសេចក្តីរាយការណ៍ គេថា San E បានប្រាប់ឲ្យលោក A ឱ្យ “រុញកង់ឱ្យត្រឹមត្រូវ” ហើយបន្ទាប់មកបានប្រើទូរស័ព្ទ និងវត្ថុផ្សេងទៀត ដើម្បីវាយទៅកាន់លោក A។ មិនតែប៉ុណ្នោះ លោក A បាន​អះអាង​ថា មុខ​របស់​លោក​បាន​រង​របួស​នៅ​ជិត​ភ្នែក ហើយ​ធ្មេញ​របស់​លោក​ខ្លះ​បាន​ខូច ប៉ូលីសដែលបានទៅកាន់កន្លែងកើតហេតុ បានធ្វើការស៊ើបអង្កេតបឋម មុនពេលអនុញ្ញាតឱ្យ San E និងជនរងគ្រោះចាកចេញ។

ក្រោយមកប៉ូលីសបានកោះហៅ តារាប្រុសរូបនេះ មកសាកសួរបន្ថែម ហើយស្វែងរកហេតុផលសម្រាប់ការចោទប្រកាន់នោះ បានកោះហៅ ជាផ្លូវការនៅថ្ងៃទី 17 ខែសីហា ហើយបានចាប់ផ្តើមការស៊ើបអង្កេតជាផ្លូវការ។

មន្ត្រី​ប៉ូលិស​ម្នាក់​បាន​បញ្ជាក់​ថា “លោក A ក៏​ត្រូវ​បាន​ចាប់​ខ្លួន​ក្នុង​បទ​វាយ​ដំ​ដែរ ព្រោះ​ជា​ករណី​ប្រើ​អំពើ​ហិង្សា​ទៅ​វិញ​ទៅ​មក ប៉ុន្តែ​ត្រូវ​បាន​គេ​បញ្ជាក់​ថា លោក A មិន​បាន​ប្រើ​វត្ថុ​ណា​មួយ​ជា​អាវុធ​ទេ”។ ទាក់ទិន​នឹង​ឧបទ្ទវហេតុ​នេះ តំណាង​ក្រុមហ៊ុន San E បាន​បញ្ជាក់​ថា “យើង​មិន​មាន​ការ​អត្ថាធិប្បាយ​បន្ថែម​ទៀត​ទេ​នៅ​ពេល​នេះ យើង​សូម​អភ័យទោស”។

គួរបញ្ជាក់ផងដែរថា តារារ៉េប San E ចូលប្រឡូកក្នុងឧស្សាហកម្មតន្ត្រីក្នុងឆ្នាំ 2010 បន្ទាប់ពីត្រូវបានចុះកុងត្រាជាមួយនឹងក្រុមហ៊ុនកម្សាន្តដ៏ល្បីមួយក្នុងឆ្នាំ 2008។ ក្រោយមកលោកក៏ទទួលបានភាពល្បីល្បាញក្នុងនាមជាផលិតករក្នុងកម្មវិធីដ៏ពេញនិយម “Show Me the Money”៕