ប៉ូលីស បង្ហាញលម្អិតបែបនេះ អំពីករណីឧក្រិដ្ឋកម្មផ្លូវភេទរបស់ Tae il

កាលពីថ្ងៃទី២៨ ខែសីហា កន្លងទៅនេះ ផលិតកម្ម SM Entertainment បានប្រកាសថា Tae il ត្រូវបានដកចេញពីក្រុម NCT 127 ហើយ ដោយចេញមកបញ្ជាក់មូលហេតុខ្លួនឯងថា តារាប្រុសរូបនេះ បានពាក់ព័ន្ធនឹងករណីឧក្រិដ្ឋកម្មផ្លូវភេទ ដែលកំពុងតែត្រូវប៉ូលីសធ្វើការស៊ើបអង្កេតយ៉ាងយកចិត្តទុកដាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ថ្មីៗនេះ ប៉ូលីស បានបង្ហាញព័ត៌មានលម្អិតមួយទៀតថា ករណីផ្លូវភេទនេះ កើតឡើងទៅលើជនរងគ្រោះ ដែលជាស្ត្រីពេញវ័យ។ បន្ថែមពីលើសេចក្តីថ្លែងការណ៍របស់ SM គឺបានបញ្ជាក់ថា Tae il ស្ថិតនៅក្រោមការស៊ើបអង្កេតចាប់តាំងពីខែមិថុនាមកម្ល៉េះ។

ចំណែកឯ ព័ត៌មានលម្អិតពាក់ព័ន្ធទៅនឹងការចោទប្រកាន់ជាក់លាក់ ឬពេលវេលានៃឧក្រិដ្ឋកម្មកើតឡើង គឺប៉ូលីសនៅមិនទាន់បង្ហាញច្បាស់លាស់នៅឡើយនោះទេ រងចាំការស៊ើបអង្កេតចប់សិន។ គួរបញ្ជាក់ដែរថា Tae il គឺជាសមាជិកក្រុម NCT 127 ដែលមានកេរ្តិ៍ឈ្មោះល្បីល្បាញ ហើយអ្នកគាំទ្រក៏មិននឹកស្មានថា រឿងបែបនេះកើតឡើងទៅលើ Tae il ដែរ ពួកគេពិតជាមានការសោកស្ដាយ និង ខកចិត្តមែនទែន៕

ប្រភព៖ Koreaboo