ផ្ទុះការវែកញែក តើហេតុអ្វីបានជា តារាស្រី Hwasa សរសេរសារ ជេរ អ្នកគាំទ្រ?​

ប្រិយមិត្តដែលនិយមគាំទ្រតារាចម្រៀងកូរ៉េ ច្បាស់ជាស្គាល់ Hwasa ដែលជាតារាចម្រៀងសម្លេងស្រទន់ និងជាសមាជិកក្រុម Mamamoo ផងដែរ។ តារាស្រីរូបនេះ ទទួលបានភាពជោគជ័យជាខ្លាំងនៅក្នុងវិស័យ Kpop ក្នុងនាមជា Soloist តារាចម្រៀងទោល ដែលល្បីខ្លាំងក្នុងបទ Maria។

ថ្មីៗនេះ នាងបានធ្វើឲ្យអ្នកគាំទ្រក្រៅប្រទេសមានការខឹងសម្បារ ជាមួយនឹងការបង្ហោះសារ​ មានន័យ ជេរ អ្នកគាំទ្រ ដោយខេបសិននោះសរសេរជាអក្សរកូរ៉េ ប៉ុន្ដែបកប្រែជាភាសារអង់គ្លេសថា “For the Dumb mfs that would be choked” បកប្រែខ្មែរថា ” សម្រាប់ពួកល្ងង់ខ្លៅ ដែលនឹងត្រូវបានឆ្លក់” ដែលត្រូវបានបកប្រែស្វ័យប្រវត្តិដោយ Instagram។

ជាមួយគ្នានេះ អ្នកគាំទ្រនាំគ្នាចូលខមិន មានការហួសចិត្ត និង នាំគ្នាអន់ចិត្តថា ហេតុអ្វី Hwasa និយាយភាសារអាក្រក់បែបនេះដាក់អ្នកគាំទ្រខ្លួនអញ្ចឹង ហើយអ្នកខ្លះទៀតក៏ខមិនប្រាប់ថា ជ្រុលពេកហើយ។​ ដោយឡែក តាមពិតទៅ វាគ្រាន់តែជាការយល់ច្រឡំតែប៉ុណ្នោះ ព្រោះតែការបកប្រែស្វ័យប្រវត្តិរបស់ Instagram បកប្រែខុសពីអ្វីដែល Hwasa សរសេរដាច់ ទាល់តែហ្វេនកូរ៉េ ទើបយល់ថា នាងចង់សរសេរពីអ្វី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតទៅ បើតាមការបកប្រែរបស់ហ្វេនៗ សារនេះ បកប្រែថា “សម្រាប់ Moomoos ដែលបានទន្ទឹងរងចាំ”​ ដែល Moomoos នេះ ជាឈ្មោះតំណាងឲ្យហ្វេនរបស់នាងនេះឯង។​ តួយ៉ាង មានអ្នកគាំទ្រជាច្រើននាក់ផងដែរ បានជួយខមិនប្រាប់ថា កុំយល់ច្រឡំ តាមពិតអន្ថន័យរបស់ Hwasa ចង់សរសេរផ្សេងពីការបកប្រែនោះទេ៕

ប្រភព៖ Koreaboo