ខ្វះអីបុរសសុំស្នេហ៍ តែ Yoona បែរជាលង់ស្នេហ៍តារាប្រុសដែលមានគូស្នេហ៍រួចទៅហើយ​

ជឿជាក់ថា ប្រិយមិត្តច្បាស់ជាដឹងហើយថា តារាសម្ដែងស្រី Yoona គឺជាតារាស្រីដែលមានសមត្ថភាពសម្ដែងដ៏អស្ចារ្យ នាងតែងតែធ្វើឲ្យទស្សនិកជនជក់ចិត្តជាមួយនឹងសាច់រឿងផងដែរ។ មិនតែប៉ុណ្ណោះ​ រូបសម្រស់ដ៏ស្រស់ស្អាត មានរាងស្រឡូន និង ក្មេងជាងវ័យរបស់ Yoona បានធ្វើឲ្យនាងក្លាយជានារីក្នុងសុបិនរបស់បុរសគ្រប់រូប។

នៅក្នុងវ័យ 34 ឆ្នាំ តារាស្រីរូបនេះ នៅមិនទាន់មានម្ចាស់បេះដូងនៅឡើយនោះទេ ខណៈដែលរូបនាងគឺជារាជនីសម្រស់និងជាអាយដលរបស់ តារាប្រុសស្រី ជាច្រើននាក់ នៅក្នុងវិស័យសិល្បៈ។ ដោយឡែក ក្រឡេកមកមើលបុរសក្នុងក្ដីសុបិនរបស់ Yoona វិញ នាងហាក់ដូចជាមិនលាក់បាំងនោះទេ មានតារាសម្ដែងប្រុសម្នាក់ដែលខ្លួនលួចស្នេហ៍។

តាមរយៈការដាក់រូប តារាសម្ដែងហូលីវូដ Timothée Chalamet ទៅក្នុង Story នៅក្នុងគណនី Instagram របស់នាង បានបង្ហាញឲ្យឃើញថា រូបនាង ស្រឡាញ់​ និង គាំទ្រ តារាប្រុសរូបនេះ ពេញទំហឹង។ មិនតែប៉ុណ្នោះ សមាជិកក្នុងក្រុម SNSD ក៏បានដឹងគ្រប់គ្នាដែរថា Yoona លង់ស្នេហ៍ Tim។

យ៉ាងណាមិញ Yoona ហាក់ដូចជាមិនទាន់បានជួបមុខតារាប្រុសជនជាតិ អាមេរិក រូបនេះ នៅឡើយនោះទេ បើទោះបីជាអ្នកទាំងពីរធ្លាប់បានចូលរួមកម្មវិធីនៅបារាំងក៏ដោយ។ អ្វីដែលធ្វើឲ្យអ្នកគាំទ្រភ្ញាក់ផ្អើលទៀតនោះគឺ Yoona ក៏ធ្លាប់ឆ្លើយថា ខ្លួនព្រមធ្វើជាមិត្តស្រីរបស់ Timothée ហើយ ក៏ព្រមទោះបីខាងប្រុសចាប់ថើបក្ដី។

ទោះបីជាតួឯកស្រីរូបនេះ បង្ហាញក្ដីស្រឡាញ់បែបនេះក្ដី ប៉ុន្ដែវាត្រឹមតែជាការស្រឡាញ់ចូលចិត្ត ដូចដែលយើងស្រឡាញ់អាយដលយើងដូចគ្នា ណាមួយ Timothée ក៏មានគូស្នេហ៍រួចទៅហើយ ដែលជា Kylie Kadasian ដែលជាតារាស្រី និង ជាមហាសេដ្ឋីវ័យក្មេងលំដាប់ពិភពលោកទៀតផង៕