ជីវិតកម្សាន្ដ

សម្រស់ Shu Qi ត្រូវគេប្រៀបនឹងស្រាម៉ឺនឆ្នាំ ក្រោយរូបភាពកាល ២៦ ឆ្នាំមុនលេចឡើង

បានផុស

២ years មុន

នៅ

ថ្ងៃសុក្រ ១៣ កញ្ញា ២០២៤

ដោយ

តារាសម្តែងតៃវ៉ាន់ Shu Qi និងស្វាមីដែលអ្នកដឹកនាំរឿងហុងកុងលោក Stephen Fung បានជួបជុំគ្នាម្តងទៀតជាមួយតារាសម្តែងហុងកុង-អាមេរិក Daniel Wu ដើម្បីអបអរសាទរការងាររួមគ្នារបស់ពួកគេ នៅលើខ្សែភាពយន្ត “Bishonen” ឆ្នាំ ១៩៩៨ ។

យ៉ាងណា Daniel Wu បានបង្ហោះនូវរូបភាពមួយសន្លឹកកាត់បញ្ចូលគ្នាដោយមួយតាំងពីឆ្នាំ១៩៩៨ និងរូបមួយទៀតពួកគេជួបគ្នានាពេលថ្មីៗនេះ ហើយដាក់ចំណងជើងលើគណនី Instagram ថា «២៦ឆ្នាំក្រោយមក កាលណោះពួកយើងទាំងបីនាក់កំពុងផ្សព្វផ្សាយខ្សែភាពយន្តរបស់យើង ‘Bishonen’s វាជារឿងរបស់ Stephen Fung និងភាពយន្តដំបូងរបស់ខ្ញុំ។ ពិតជាអស្ចារ្យណាស់ ដែលមិនមានការផ្លាស់ប្តូរច្រើននោះទេ លើកលែងតែពួកយើងមានសក់ពណ៌ស ហើយអ្នកទាំងពីរនៅខាងឆ្វេង [Fung និង Shu Qi] បានរៀបការជាមួយគ្នាហើយ»។

អ្នកដឹកនាំរឿង Stephen Fung តារាសម្តែង Shu Qi និងតារាសម្តែង Daniel Wu
**រូបថតរបស់ Instagram**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីរូបភាពរបស់អ្នកទាំង៣បានបង្ហោះលើអ៉ិនធើណេត ភ្លាមៗនោះដែរទស្សនិកជនជាច្រើនបានចូលមកបញ្ចេញដោយរំលេចរូបរាងរបស់ Shu Qi ហាក់មិនមានការផ្លាស់ប្តូរសូម្បីតែបន្តិច។ អ្នកប្រើ Instagram ម្នាក់ បានកត់សម្គាល់ថា Shu Qi មើលទៅដូចវ័យពីមុនដដែល។ នាងកាន់តែចាស់ កាន់តែប្រៀបន័យថាជាស្រាល្អកម្ររកបានណាស់។

យ៉ាងណាមិញ បើនិយាយអំពីសម្រស់របស់អតីតតួកុនអាសអាភាសរូបនេះវិញ ជារឿយៗនាងតែងតែត្រូវបណ្ដាញអ៉ិនធើណេតលើកមកជជែកដោយសារតែនាងមានវ័យ៥០ឆ្នាំហើយ ប៉ុន្តែមិនថាមុខមាត់ឬប្រជាប្រិយភាពនោះទេតារាស្រីរូបនេះតែងតែស៊ីដាច់គេពេញមួយកម្មវិធី៕