វ៉ាន់ វល័ក្ខ រំលឹកយុវជនខ្មែរ គួរតែមានការឈឺចាប់ចំពោះទង្វើមើលងាយរបស់ភាគីថៃ មកលើខ្មែរ

តារាសម្តែងកញ្ញា វ៉ាន់ វល័ក្ខ បានចេញមុខបំ ផុសនិងក្រើនរំលឹកដល់យុវជនខ្មែរថា យើងគួរតែមានការឈឺចាប់ចំពោះទង្វើរខាងភាគីថៃដែលបាននឹងកំពុងមើលងាយមកលើខ្មែរ។

ការលើកឡើងរបស់តារាស្រីរូបនេះ ស្របពេលដែលប៉ុន្មានថ្ងៃនេះ បានផ្ទុះនូវរឿងរ៉ាវដ៏ក្តៅគគុកបន្ទាប់ពីមើលឃើញនូវទង្វើរបស់អ្នកគ្រប់គ្រងកម្មវិធី Miss Grand International 2024 គឺ លោក Nawat និង បវរកញ្ញាថៃនាង Lin Malin ដែលមិនឲ្យតម្លៃនិងមើលងាយប្រជាជនកម្ពុជាថែមទាំងដកសិទ្ធិកម្ពុជាធ្វើជាម្ចាស់ផ្ទះ MGI 2024។

កញ្ញា វ៉ាន់ វល័ក្ខ បានលើកឡើងទស្សន:ថាខ្ចិលនិយាយច្រើនគ្រាន់ចង់សួរមួយថា អ្នកដែលធ្លាប់តាមដានមើលរឿងភាគថៃឥឡូវនៅចង់មើលទៀតឬអត់ គេមើលងាយខ្មែរដល់ដ៏ថ្នាក់នឹងហើយ។ការលើកឡើងនេះមានមតិមួយចំនួនបានបង្ហាញការគាំទ្រដោយយល់ឃើញដូចតារាស្រីរូបនេះ។

ជាការពិតគេសង្កេតឃើញថាមកដល់ថ្ងៃនេះគឺមានមហាជនអ្នកគាំទ្រ និងអ្នកសិល្ប:របស់ខ្មែរជាច្រើន បានផ្ទុះនូវប្រតិកម្មដោយសម្តែងនូវការខកចិត្តយ៉ាងខ្លាំង បន្ទាប់ពីផេកផ្លូវការរបស់ MGI បានប្រកាសកាលពីយប់ថ្ងៃទី ០៦ ខែតុលា ថា កម្ពុជាមិនអាចបន្តធ្វើជាម្ចាស់ផ្ទះនៃកម្មវិធី Miss Grand International 2024 ទៀតទេ៕ អត្ថបទ៖ ចាន់រ៉ា