Idol ទាំងអស់ មិនមែនសុទ្ធតែជោគជ័យ K-pop មួយក្រុមនេះ បង្កើតបានប៉ុន្មានខែ ស្រាប់តែបំបែកគ្នាវិញ

ថ្មីៗនេះ ក្រុម K-pop ប្រុសមួយក្រុម ដែលជាក្រុមចំណូលថ្មី ក្នុងជំនាន់ទី៥នេះ ត្រូវបានបំបែកក្រុម បន្ទាប់ពីបង្ហាញខ្លួនក្នុងវិស័យ ទើបតែបាន៤ខែតែប៉ុណ្នោះ។ ក្រុម Celes1a មានសមាជិក7នាក់ បានប្រកាសជាសាធារណៈអំពីដំណឹងដ៏សោកស្ដាយនៃការបំបែកក្រុមរបស់ពួកគេតាមរយៈបណ្ដាញសង្គម។

នៅក្នុងនោះ​ ពួកគេមិនបានប្រាប់អំពីមូលហេតុពិតប្រាកដនៃការសម្រេចឈានដល់ការបំបែកក្រុមនេះឡើង ដោយពួកគេគ្រាន់តែបានប្រាប់ថា ក្រោយពីបានពិភាក្សារជាមួយនឹងសមាជិកទាំងអស់ ព្រមទាំងភ្នាក់ងារ អំពីអនាគត់នៃក្រុម Celes1a ដែលឈានដល់ចំណុចមួយដែលសមាជិកទាំងអស់ព្រមព្រៀងគ្នា សម្រេចថានឹងមិនបន្ដជាក្រុមទៀតទេ។

មិនតែប៉ុណ្ណោះ គេបានបញ្ជាក់ទៀតដែរថា ឈ្មោះសមាជិកម្នាក់ៗនឹងបាត់អំពី កម្មវិធីជជែកជាមួយហ្វេន នៅត្រឹមម៉ោង១២រំលងអាធ្រាតនេះហើយ។ ចុងក្រោយពួកគេ សូមអរគុណដល់ការគាំទ្រកន្លងមក ចំពោះក្រុម Celes1a ដែលមានសមាជិកទាំង7នាក់ ហើយក៏សូមឲ្យបន្ដគាំទ្រនូវសកម្មភាពបន្ទាប់របស់ពួកគេរៀងៗនូវពេលអនាគត់ផងដែរ។

គួរបញ្ជាក់ផងដែរថា ក្រុមមួយនេះ បានបង្កើតឡើងនៅក្នុងកម្មវិធីប្រឡងសមត្ថភាព K-Pop House ដែលត្រូវបានផលិតដោយ Eunhyuk សមាជិកក្រុម Super Junior និង Jongwoo មកពីក្រុម ONE PACK ហើយសមិទ្ធផលគឺទទួលបានកក្រុម Celes1a ដែលបាន Debut កាលពីខែមិថុនា ឆ្នាំ២០២៤ កន្លងទៅនេះ៕

ប្រភព៖ Koreaboo