ជីវិតកម្សាន្ដ

លីវ ជីលី ចាត់ទុកថា ដេត ស្រីនាឌ ខ្វះការតស៊ូ អត់ធ្មត់ និងទំនួលខុសត្រូវ

បានផុស

២ years មុន

នៅ

ថ្ងៃចន្ទ ២ ធ្នូ ២០២៤

ដោយ

អតីតបវរកញ្ញាដែលជារៀមច្បងកញ្ញា លីវ ជីលី បានចាត់ទុកថាបវរកញ្ញា ដេត ស្រីនាឌ នៅមានភាពក្មេងខ្ចីនៅឡើយពិសេសគឺខ្វះការតស៊ូ អត់ធ្មត់ ទំនួលខុសត្រូវនិងខ្វះអ្វីៗជាច្រើនទៀត។

ការចេញមុខលើកឡើងពីសំណាក់កញ្ញា លីវ ជីលី នាពេលនេះបានធ្វើឡើងបន្ទាប់ពីនាងបានឃើញកាបកស្រាយរបស់ ដេត ស្រីនាឌ ពីមូលហេតុនៅពីក្រោយដែលធ្វើឱ្យនាងសម្រេចធ្វើចិត្តពហិការ មិនចូលរួមការប្រកួតកម្មវិធី Miss Planet International នៅវគ្គផ្តាច់ព្រ័ត្រកាលពីថ្មីៗកន្លងមកនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតបវរកញ្ញា Miss Grand Cambodia ២០២០ កញ្ញា លីវ ជីលី បាននិយាយថា “ក្រោយពីបានស្តាប់ការបកស្រាយចប់សព្វគ្រប់ បងក៏អត់មានអី្វត្រូវនិយាយទៀតទេ ប្អូននៅក្មេងខ្ចីនៅឡើយ ខ្វះការតស៊ូ អត់ធ្មត់ ទំនួលខុសត្រូវខ្វះអ្វីៗជាច្រើនទៀតអ៊ីចឹងសូមមហាជនបញ្ចប់ត្រឹមនេះចុះ”។

សូមបញ្ជាក់ថា កញ្ញា ដេត ស្រីនាឌ បវរកញ្ញាតំណាងឲ្យប្រទេសកម្ពុជាកាលពីរសៀលថ្ងៃទី៣០ ខែធ្នូ ឆ្នាំ២០២៤នេះបានចេញមកបញ្ជាប់ប្រាប់ពីហេតុផលដកខ្លួនមិនចូលរួមប្រកួតកម្មវិធី MPI 2024 កាលពីថ្ងៃប្រឡងក្នុងវគ្គផ្តាច់ព្រ័ត្រ កាលពីថ្ងៃទី២៧ ខែវិច្ឆិកា ឆ្នាំ២០២៤។

តាមរយៈនៃការបកស្រាយរបស់ ដេត ស្រីនាឌ បានបញ្ជាក់ថា ការសម្រេចចិត្តមិនចូលរួមប្រកួតវគ្គផ្តាច់ព្រ័តត្រនោះ គឺដោយសារនាងបានឃើញពីការមើលងាយ ដែលមិនឱ្យតម្លៃខ្មែរ អំឡុងពេលថតឈុតតំណាងជាតិនៅប្រាសាទអង្គរវត្ត ។ដេត ស្រីនាឌ បានបង្ហាញហេតុផលថា “ខ្ញុំឈឺចាប់ខ្លាំងបំផុតរឿងដែលកើតឡើងនៅខេត្តសៀមរាប ជាថ្ងៃថតឈុតតំណាងជាតិ…ខ្ញុំពិតជាឈឺចាប់ខ្លាំងណាស់ដែលគេមិនឲ្យតម្លៃខ្មែរ គេមើលងាយខ្មែរយើងនិងមើលងាយប្រជាជនរបស់ខ្ញុំ”៕ អត្ថបទ៖ ចាន់រ៉ា

Related Topics:បវរកញ្ញា ដេត ស្រីនាឌ