ជីវិតកម្សាន្ដ

អបអរសាទរ! លីវ ជីលី Miss Grand Cambodia 2020 ជាប់Top1 ក្នុង Challenge

បានផុស

៥ years មុន

នៅ

ថ្ងៃអង្គារ ១៦ មីនា ២០២១

ដោយ

កញ្ញា លីវ ជីលី Miss Grand Cambodia 2020 បច្ចុប្បន្នកំពុងតែស្ថិតនៅឯប្រទេសថៃ ដើម្បីត្រៀមខ្លួនប្រកួតកម្មវិធីដ៏អស្ចារ្យ Miss Grand International 2020-2021 ដែលមានកញ្ញាឯកតំណាងប្រទេសជាច្រើនបានចូលរួមប្រកួត ដោយប្រទេសថៃជាម្ចាស់ផ្ទះនៃកម្មវិធីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ខណៈពេលដែល កញ្ញាឯកតំណាងប្រទេសនីមួយៗ កំពុងតែធ្វើចត្តាឡីស័ករយៈពេល១៤ថ្ងៃនៅក្នុងសណ្ឋាគារនោះ កម្មវិធី Miss Grand International 2020-2021 ក៏បានធ្វើការប្រកួត Challenge ជាបន្តបន្ទាប់ ដែលតម្រូវឲ្យកញ្ញាឯកតំណាងប្រទេសនីមួយៗធ្វើសកម្មភាពផ្សេងៗបង្ហោះលើបណ្ដាញសង្គម Miss Grand International ដើម្បីឲ្យមហាជនចូលរួមបោះឆ្នោតដល់កញ្ញាឯកទាំងនោះ។ ដោយឡែកថ្មីនេះ កម្មវិធីមាន ការប្រកួត Challenge មួយទៀត ហៅថា Challenge “Queen with the Golden Crown” ដែលពិតជាពិសេស និងចូលរួមអបអរសាទរដល់ Miss Grand Cambodia 2020 កញ្ញា លីវ ជីលី បានជាប់ចំណាត់ថ្នាក់លេខ១ ក្នុងការប្រកួត Challenge “Queen with the Golden Crown” នេះ នៅក្នុងចំណោម Top 5។

ជាមួយគ្នានោះ មហាជនខ្មែរ ក៏បានចូលរួមអបអរសាទរគ្រប់គ្នាផងដែរ ហើយក៏បន្តការជួយបោះឆ្នោត ក៏ដូចជាការផ្ដល់កម្លាំងចិត្ត និងលើកទឹកចិត្ត ដល់ កញ្ញា លីវ ជីលី ព្រមទាំងជូនពរឲ្យនាងទទួលបានជ័យជំនះនៅក្នុងវគ្គបន្តបន្ទាប់ទៀត រហូតឈានដល់វគ្គផ្ដាច់ព្រ័ត្រផងដែរ៕