សេង រដ្ឋា ក្តាប់បាន​តួឯកថ្មី​ ក្រោយពេល​របូត​តំណែ​ង​ Miss Grand Cambodia
Connect with us
Helistar Cambodia - Helicopter Charter Services

ជីវិតកម្សាន្ដ

សេង រដ្ឋា ក្តាប់បាន​តួឯកថ្មី​ ក្រោយពេល​របូត​តំណែ​ង​ Miss Grand Cambodia

បានផុស

នៅ

​អតីត​ម្ចាស់​ជយលាភី​ Miss Grand Cambodai កញ្ញា សេង រដ្ឋា ថ្មីៗ​នេះ​បាន​ផ្ទុះ​រឿងរ៉ាវ​ដ៏​ចម្រូងចម្រាស ​ជុំវិញ​ការ​ដកតំណែង​ពី​ខាង​ភាគី​ក្រុមហ៊ុន ​ដែល​មិន​បន្ត​ឲ្យ​នាង​គ្រង​មកុដ​ជា​កញ្ញា​ឯង​ទៀត​ទេ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ការប្រកាស​ដក​តំណែង​របស់​កញ្ញា​ សេង ​រដ្ឋា​ នោះ​ទី​ផុត​ ក៏​ត្រូវ​បាន​ធ្វើ​ឡើង​ដោយមាន​ការព្រមព្រៀង​គ្នា​ រវាង​នាង​និង​ភាគី​ក្រុមហ៊ុន​តាម​រយៈ​ការ​រំលាយ​ចោល​កិច្ចសន្យា​ហើយ​ប្រគល់​មកុដ​រួម​ទាំង​ប្រាក់​រង្វាន់ ​ដែល​ទទួល​បាន​ទៅ​ក្រុមហ៊ុន​វិញ​។ ​យ៉ាងណាមិញ​បើ​ទោះ​បី​ជា សេង រដ្ឋា ត្រូវ​បាន​របូត​តំណែង Miss Grand Cambodia ចេញពី​ក្នុង​ដៃ​ក៏​ពិត​មែន​ តែ​ត្រូវ​បាន​ប្រភព​បង្ហើប​ថា រដ្ឋា ពេលនេះ​កំពុង​ក្តាប់​បាន​ឱកាស​ណែន​ពេញដៃ​ ខណៈថ្មីៗ​នេះ​ទទួល​បាន​តំណែង​ថ្មី​គ្រង​តំណែង​តួ​ឯង​ទៀតផង​។​

​បើ​យោង​តាម​ប្រភព​ច្បាស់​ការ​ពី​អ្នក​សិល្បៈរួម​អា​ជីព​បាន​ប្រាប់​កម្ពុជា​ថ្មី​ឲ្យ​ដឹង​ថា​ កញ្ញា សេង រដ្ឋា ថ្វី​ត្បិត​របូត​តំណែង​ពី​ដៃ​ក៏​ពិត​មែន តែ​ពេលនេះ​ នាង​ក៏​ចាប់ផ្តើម​មានឱកាស​សម្តែង​ជា​ច្រើន​ ខណៈ​ឥឡូវ​នាង​ក្តាប់​បាន​តំណែង​តួឯក​ក្នុង​សាច់រឿង​ភាគ​ថ្មី​ ដែល​គ្រោង​ថត​ឆាប់ៗ​នេះ​។ ​ប្រភព​បាន​លើក​ឡើង​ថា​ សាច់រឿង​ដែល សេង រដ្ឋា ត្រៀម​នឹង​ចាប់​ផ្តើម​ថត​នោះ​ មាន​ចំណងជើង​ថា “បាប​ស្នេហ៍​អតីត” ​។​

​ដោយឡែក ​បើ​តាម​ការ​ឲ្យ​ដឹង​បន្ថែម​ពី​លោក សា​វិ​ន ហ្វី​លី​ព ដែល​បាន​តំណែង​ជា​តួ​អង្គ​ឪពុក​ក្នុង​សាច់រឿង​នេះ ​បាន​បញ្ជាក់​ដែរថា ​ភាពយន្ត​ភាគ​ថ្មី​នេះ​ នឹង​ធ្វើ​ពិធី​ក្រុង​ពាលី​នៅ​ថ្ងៃស្អែក​។​ ខណៈ កញ្ញា សេង រដ្ឋា ទទួល​បាន​តំណែង​ថ្មី​ជា​តួឯក​ស្រី ហើ​យ​ខ្ញុំ​នឹង​សម្ដែង​ជា​ឪពុក​របស់​លោក ឃឹម ហ្សា​នី​ត ដែល​នឹង​សម្ដែង​ជា​តួឯក​ប្រុស​៕

អត្ថបទ៖ ចាន់​រ៉ា

សូមចុចអាន៖ ​អ្នកនិពន្ធ សុន រដ្ឋា បង្ហើប​ស្នាដៃ​ល្បីៗ​ដែល​ធ្វើ​ឲ្យ អនុស្សាវរីយ៍ សាង​កេរ្តិ៍ឈ្មោះ​ដល់​បច្ចុប្បន្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services