ក្រុម Kpop នារីថ្មី សមាជិកម្នាក់ អាយុក្មេងជាងគេពេក ត្រូវហ្វេនដេញឲ្យទៅរៀនវិញ

កាលពីថ្មីៗនេះ ផលិតកម្ម Starship Entertainment បានប្រកាសអំពីការបង្ហាញខ្លួនរបស់ក្រុមនារីថ្មីរបស់ខ្លួន ដែលមានឈ្មោះថា Kiikii ដែលសមាជិកម្នាក់ Jiyu ទាក់ទាញចំណាប់អារម្មណ៍មហាជនជាខ្លាំង ដោយនាងមានអាយុក្មេងជាងគេ ទើបតែ១៤ឆ្នាំប៉ុណ្នោះ។

បើយោងទៅតាមព័ត៌មានដែលបានលាតត្រដាងអំពីអាយុរបស់ Jiyu បានបង្ហាញថានាងកើតនៅថ្ងៃ១៨ ខែធ្នូ ឆ្នាំ២០១០ បើគិតតាមអាយុទូទៅគឺ ១៤ឆ្នាំ។ ទន្ទឹមនឹងនោះ អ្នកលេងបណ្ដាញសង្គមនាំគ្នាមិនសូវពេញចិត្តជាមួយនឹងការបង្ហាញខ្លួនរបស់ Jiyu នោះទេ ក៏ព្រោះតែនាងនៅក្មេងពេក ហើយចង់ឲ្យនាងបញ្ចប់ការសិក្សាថ្នាក់វិទ្យាល័យសិន។

ផ្ទុយទៅវិញ អ្នកគាំទ្រជនជាតិកូរ៉េ បែរជាបញ្ចេញមតិយោបល់បកទៅកាន់អ្នកលេងបណ្ដាញសង្គមវិញថា Jiyu មានទេពកោសល្យល្អ និងមានក្ដីស្រម៉ៃចង់ក្លាយជាតារា Kpop ហើយនាងមានសមត្ថភាពអាចក្លាយជាសមាជិកក្រុម Kiikii បាន មិនមានអ្នកណាបង្ខំនោះទេ៕