ជីវិតកម្សាន្ដ

ឆ្លៀតពេលកំពុងព្យាបាលកូវីដ-១៩លោក លី ស៊ីនហួន និពន្ធចម្រៀងដ៏មានអត្ថន័យចេញពីមន្ទីពេទ្យ

បានផុស

៤ years មុន

នៅ

ថ្ងៃអាទិត្យ ២១ មីនា ២០២១

ដោយ

វាចារពិតចេញពីមន្ទីរព្យាបាលកូវីដ- ១៩ គឺជាចំណងជើងបទថ្មីដែលជាស្នាដៃនិពន្ធដោយលោក លី ស៊ីនហួន ដែលជាអ្នកនិពន្ធនិងជាអ្នកដឹកនាំសម្ដែងមួយរូបប្រចាំផលិតកម្មហង្សមាសខណៈដែលបច្ចុប្បន្នលោកកំពុងសម្រាកព្យាបាលជំងឺកូវីដ-១៩នៅឯមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនិពន្ធល្បីឈ្មោះរូបនេះបន្ទាប់រកឃើញឆ្លងជំងឺកូវីដ-១៩កាលពីថ្មីៗមកនោះ បច្ចុប្បន្នគឺកំពុងតែសម្រាកព្យាបាលនៅសណ្ឋាគារ The Great Duke។ ប៉ុន្តែយ៉ាងណាមិញអំឡុងពេលនៃការសម្រាកព្យាបាលជំងឺដ៏កាចសាហាវនេះដែរ លោកក៏បានឆ្លៀតនិពន្ធទំនុកច្រៀងបទ៖«វាចារពិតចេញពីមន្ទីរព្យាបាលកូវីដ១៩» ដែលមានខ្លឹមសារនិងអត្ថន័យអប់រំនិងបង្ហាញពីផលលំបាកដែលបង្កដោយជំងឺមួយនេះ។

បទនេះគឺជាស្នាដៃនិពន្ធទំនុកច្រៀងដោយលោក លី ស៊ីនហួន ,និពន្ធបទភ្លេងដោយលោក រ៉ុង សេរីវណ្ណ,ច្រៀងដោយអ្នកនាងសូរ ស្រីមុំ និងដឹកនាំផលិតនិងគ្រប់គ្រងខ្លឹមសារដោយឯកឧត្តម អេង កេងឈុន ខណៈបទនេះទទួលបានការគាំទ្រនិងសរសើរយ៉ាងច្រើនពីមហាជន។

តាមរយៈវីដេអូបទចម្រៀងដែលមានរយៈពេលជាង៤នាទីនេះដែរលោក លី ស៊ីនហួន ក៏បានចេញសារមកផ្ដាំផ្ញើចំពោះបងប្អូនប្រជាពលរដ្ឋខ្មែរទាំងអស់គ្នាថាសូមចងចាំនូវពាក្យ៣កុំ និង៣ការពារដែលជាអនុសាសន៍ដ៏ថ្លៃថ្លារបស់សម្ដេចតេជោទាំងអស់គ្នា៕

អត្ថបទ ៖ ចាន់រ៉ា