គ្រួសារតារាស្រី អះអាងថា មានរូបភាពរសើបរវាង Kim Soohyun និង Kim Sae Ron ជាង200រូប ទុកជាភស្ដុតាង 

បន្ទាប់ពីការសេចក្តីថ្លែងការណ៍បដិសេធទំនាក់ទំនងរបស់ Kim Soo-hyun ប្រព័ន្ធផ្សព្វផ្សាយចិន 163 បានរាយការណ៍ថា អ្នកសរសេរប្លុកកម្សាន្តចិនឈានមុខគេ បានបង្ហាញថាគ្រួសាររបស់ Kim Sae-ron មានភស្តុតាងជាក់លាក់របស់តារាសម្តែង “Queen of Tears” ជាមួយអនីតិជន។

ទន្ទឹមនឹងនោះ ភស្តុតាង ​ត្រូវ​បាន​គេ​និយាយ​ថា​រួម​មាន​រូបថត​ស្និទ្ធស្នាល​ចំនួន ២០០ សន្លឹក​របស់ Kim Soo-hyun និង Kim Sae-ron ក្នុង​កំឡុង​ពេល​ណាត់​ជួប​របស់​ពួក​គេ។ យោងតាមរបាយការណ៍ ឪពុកម្តាយរបស់ Kim Sae-ron គ្រោងនឹងប្រើប្រាស់រូបភាពទាំងនេះ ដើម្បីចោទប្រកាន់ Kim Soo-hyun ថាបានធ្វើខុសលើកូនស្រី។

លើសពីនេះទៀត អ្នកនិយមលេងអ៉ិនធឺណិតចិន បានរកឃើញភស្តុតាងដែលគាំទ្រការអះអាងថារូបថតរបស់ Kim Sae-ron និង Kim Soo-hyun ត្រូវបានថតក្នុងឆ្នាំ 2016 ។ អ្នកនិយមលេងអ៉ិនធឺណិតចិនបានកត់សម្គាល់ឃើញថាម៉ូដសក់ និងសម្លៀកបំពាក់របស់ Kim Soo-hyun ក្នុងការថតរូប Selfie ដូចគ្នាទៅនឹងរូបដែលគាត់មានពេលផ្សព្វផ្សាយម៉ាកស្មាតហ្វូន ZUK ក្នុងឆ្នាំ 2016 ចំណែកឯ Kim Saeron មានអាយុត្រឹមតែ 16 ឆ្នាំប៉ុណ្នោះ នៅក្នុងឆ្នាំ2016នោះ។

នៅពេលនេះ ភាពចម្រូងចម្រាសផ្ទុះឡើងកាន់តែច្រើន សាធារណជនកំពុងរង់ចាំយ៉ាងអន្ទះសារសម្រាប់ព័ត៌មានបន្ថែមទៀតនៅក្នុងរឿងអាស្រូវជីវិតផ្ទាល់ខ្លួនរបស់ Kim Soo-hyun៕