ជីវិតកម្សាន្ដ

ការបញ្ចុះសព សាន់ឆាយ នៅតែរងភាពចម្រូងចម្រាស ខណៈកូនទាំង២អវត្តមាន

បានផុស

១ សប្តាហ៍ មុន

នៅ

ថ្ងៃសុក្រ ២១ មីនា ២០២៥

ដោយ

កាលពីថ្ងៃទី២០ ខែមីនា ប្រព័ន្ធផ្សព្វផ្សាយតៃវ៉ាន់បានបង្ហាញព័ត៌មានថា កូនបង្កើតរបស់ Barbie Hsu ឬតួសាន់ឆាយ ទាំងពីរនាក់មិនបានដឹងពីការបញ្ចុះសពម្តាយរបស់ពួកគេ។ ភ្លាមៗ អ្នកលេងអ៊ីនធឺណិតជាច្រើនបានសម្ដែងការខឹងសម្បារដោយនិយាយថា នេះជាសកម្មភាពមិនគួរឲ្យជឿ និង មិនសមហេតុផលហើយថែមទាំងចោទជាសំណួរជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរកត់សម្គាល់ថា លើកនេះ គ្រួសារតារារបស់សពសាន់ឆាយបានជ្រើសរើសនៅស្ងៀម រួមជាមួយនឹងភាពស្ងៀមស្ងាត់ដ៏កម្រពីសារព័ត៌មានតៃវ៉ាន់ ។ ដំបូងឡើយ ប្រព័ន្ធផ្សព្វផ្សាយបានរាយការណ៍ថា កូនពីរនាក់របស់ Barbie មានវត្តមាននៅឯពិធីបញ្ចុះសព ខណៈដែលអតីតស្វាមីគឺលោក Wang Xiaofei បានអវត្តមានដែរ។

យ៉ាងណាក៏ដោយ Mandy ជាភរិយាបច្ចុប្បន្នរបស់ Wang Xiaofei បានចេញមុខបដិសេធព័ត៌ ដោយបញ្ជាក់ថា កូនទាំងពីរពិតជាមិនបានបង្ហាញខ្លួនក្នុងពិធីបុណ្យសពទេ។ នេះធ្វើឲ្យមនុស្សជាច្រើនចោទសួរពីភាពត្រឹមត្រូវនៃរឿងរ៉ាវទាំងនោះថា ហេតុអ្វីកូនបង្កើតមិនបានចូលរួមបញ្ចុះសពម្ដាយចុងក្រោយ។

លើសពីនេះ Wang Xiaofei បានស្នើទិញផ្នូរឲ្យអតីតភរិយា ប៉ុន្តែម្តាយនាងមិនព្រម ដោយហេតុផលគោរពតាមបំណងកូនស្រី ពោលគឺចង់ធ្វើពិធីបញ្ចុះសព (ដាំដើមឈើអនុស្សាវរីយ៍ជំនួសការបញ្ចុះសព)។ ទីបំផុត ប្តីទីពីររបស់សាន់ឆាយ គឺ DJ Koo ជាអ្នកបញ្ចុះនៅទីបញ្ចុះសពដោយផ្ទាល់វិញ ។

ក្នុងអំឡុងពេលផ្សាយផ្ទាល់ ប្រព័ន្ធផ្សព្វផ្សាយបានរិះគន់ DJ Koo ដែលតែងតែព្យាយាមកសាងរូបភាព។ បីឆ្នាំបន្ទាប់ពីរស់នៅជាមួយគ្នាជាមួយ Barbie Hsu គាត់នៅតែមិនអាចប្រាស្រ័យទាក់ទងគ្នាជាភាសាចិនបាន ហើយអាចនិយាយបានត្រឹមតែឃ្លាសាមញ្ញមួយចំនួនប៉ុណ្ណោះ។ អ្វីដែលធ្វើឲ្យមហាជនខឹងសម្បារខ្លាំងបំផុតនោះ គឺកូនទាំងពីររបស់នាង មិនត្រូវបានគេជូនដំណឹងឲ្យមកនិយាយលាម្តាយរបស់ពួកគេឡើយ ។ តាមទំនៀមទំលាប់ប្រពៃណី ពេលដែលឪពុកម្តាយទទួលមរណៈភាព កូនៗត្រូវតែមានវត្តមានដើម្បីមើលសពជាលើកចុងក្រោយ។ ប៉ុន្តែនៅថ្ងៃបុណ្យសពក្មេងទាំងពីរមិនបានដឹងឡើយ។

ការស្លាប់របស់សាន់ឆាយ បានបន្សល់ទុកនូវសោកស្ដាយជាច្រើន ប៉ុន្តែវិធីដែលគ្រួសារនាងរៀបចំពិធីបុណ្យសពបានបង្កឲ្យមានភាពចម្រូងចម្រាសកាន់តែខ្លាំង។ សំខាន់បំផុត តើកូនទាំងពីរនឹងមានអារម្មណ៍យ៉ាងណា នៅពេលដែលដឹងថា ពួកគេត្រូវបានទុកចោលក្នុងគ្រាចុងក្រោយរបស់ម្តាយពួកគេ?