ជីវិតកម្សាន្ដ
តារាអង់គ្លេស នាង Lily សុំទោសតារាអាមេរិកនាង Katy Perry រឿងហោះហើរទៅទីអវកាស
តារាចម្រៀង Lily Allen បានសម្ដែងនូវការសោកស្ដាយជាពន់ពេក ចំពោះទង្វើដែលខ្លួនបានបង្កឡើងទៅលើរៀមច្បង Katy Perry និងក្រុមនារីទាំងអស់ដែលរួមមានអ្នកកាសែត Gayle King និងគូដណ្តឹងរបស់មហាសេដ្ឋីបច្ចេកវិទ្យា លោក Jeff Bezos គឺអតីតពិធីករ Lauren Sánchez សម្រាប់ការធ្វើដំណើររួមគ្នាដ៏ខ្លីរបស់ពួកគេទៅកាន់ទីអវកាសតាមគន្លងតារាវិថីកាលពីដើមខែនេះ។
តាមរយៈការចាក់ផ្សាយពីការជជែក (podcast) មួយ តារាចម្រៀងវ័យ៣៩ឆ្នាំ បាននិយាយថា៖«ខ្ញុំពិតជាចង់សុំទោសចំពោះការនិយាយអាក្រក់ៗ អំពី Katy Perry កាលពីសប្តាហ៍មុន ដែលពេលនោះ ខ្ញុំបានរិះគន់សិល្បករយ៉ាងចាស់ដៃ ចំពោះការធ្វើដំណើរទៅលំហអវកាសរបស់ក្រុមនារីប៉ុន្មានរូបនោះ»។
នៅក្នុងកម្មវិធីមួយពិធីករម្នាក់បានចោទសួរទៅកាន់តារាចម្រៀង នាង Lily Allen ថា តើរូបនាងចង់និយាយអំពី Katy Perry និងមិត្តរួមការងាររបស់នាងទាំងអស់គ្នា នៅពេលដែលពួកគេបានក្លាយជាក្រុមនារីដំបូងគេបានហោះហើរទៅកាន់លំហអាកាស តាមរយៈរ៉ុក្កែត New Shepardឬទេ?។
នាពេលនោះ តារាចម្រៀងជនជាតិអង់គ្លេស បាននិយាយឡូងៗថា «វាដូចជានរក! ពួកយើងកំពុងឈានដល់ដំណាក់កាលនៃវិបត្តិសេដ្ឋកិច្ច មនុស្សពិតជាមានការលំបាកក្នុងការស្វែងរកដំណោះស្រាយ និងទទួលបានអាហារដាក់នៅលើតុរបស់ពួកគេ»។
ទោះជាយ៉ាងណាក៏ដោយ នាង Lily ពេលនោះគ្រាន់តែមានទស្សនៈខុសគ្នាលើបញ្ហានេះ ហើយបានសម្ដែងការសោកស្ដាយចំពោះការដាក់គោលដៅលើតារាចម្រៀងប៉ុបវ័យ៤០ឆ្នាំខ្លាំងពេក។ នាងបានបកស្រាយថា ស្ថានភាពរបស់ខ្លួនមិនមែនចងគំនុំនឹង នាង Katy Perry ទេ។ ប៉ុន្តែនាងគ្រាន់តែមិនយល់ស្របនឹងអ្វីដែលពួកគេធ្វើ នៅពេលដែលពិភពលោកកំពុងមានវិបត្តិប៉ុណ្ណោះ។
Lily បន្តថា៖ «អញ្ចឹងហើយខ្ញុំសុំទោស! ខ្ញុំនឹងឈឺចាប់ប្រសិនបើវាជាខ្ញុំ ប្រសិនបើមាននរណាម្នាក់នៅក្នុងឧស្សាហកម្ម ប្រើខ្ញុំ និងរម្លឹកពីឈ្មោះរបស់ខ្ញុំក្នុងន័យមិនល្អ។ ខ្ញុំសុំទោស Katy Perry ខ្ញុំដឹងថាអ្នកមិនបានស្តាប់កម្មវិធីនេះ ប៉ុន្តែពិតជាសុំការអភ័យទោសដោយស្មោះត្រង់ពិតមែន»។
ទោះជាយ៉ាងណាក៏ដោយ នាង Lily មិនមែនជាតារាតែម្នាក់គត់ដែលបង្ហាញការមិនពេញចិត្តរបស់នាង ចំពោះការហោះហើរក្នុងលំហអាកាសរបស់ក្រុមហ៊ុន Blue Origin នោះទេ។ ជាកស្ដែង តារាម៉ូដែល និងសម្តែង Emily Ratajkowski បានដាក់រិះគន់ដែរថា នេះវាលើសពីការលេងសើចហើយ។
នៅក្នុងវីដេអូ TikTok មួយ តារាសម្ដែងវ័យ៣៣ឆ្នាំ បាននិយាយថា បេសកកម្មអវកាស វាហួសពីការលេងសើច។ មនុស្សគ្រប់គ្នានិយាយថា ខ្លួនជាអ្នកស្រលាញ់ធម្មជាតិ ស្រលាញ់ផែនដី ក៏ប៉ុន្តែទង្វើរបស់ពួកគេឡើងលើយានអវកាសដែលត្រូវបានសាងសង់និងចំណាយដោយក្រុមហ៊ុនដែលបំផ្លាញភពផែនដី។ ក្រឡេកមើលស្ថានភាពនៃពិភពលោក ហើយគិតថា តើធនធានប៉ុន្មានដែលដាក់ស្ត្រីទាំងនេះចូលទៅក្នុងលំហ។ សម្រាប់អ្វី? តើទីផ្សារនៅទីនោះគឺជាអ្វី និងដើម្បី?
គួររម្លឹកដែរថា តារាចម្រៀងដ៏មានប្រជាប្រិយជនជាតិអាមេរិក នាង Katy Perry បានលុតជង្គង់ឱនថើបផ្ទៃដី បន្ទាប់ពីបេសកម្មហោះហើរទៅកាន់លំហអាកាសលើកដំបូងររបស់នាងនិងក្រុមមនុស្សល្បីឈ្មោះមួយចំនួនទៀត តាមរយៈរ៉ុក្កែត New Shepard បានចុះចតដោយជោគជ័យ កាលពីថ្ងៃទី១៤ខែមេសា ឆ្នាំ២០២៥៕
អត្ថបទ៖ សាង ស្រីល័ក្ខ
ចុចអាន៖តារាចម្រៀងអាមេរិក Katy Perry ឱនថើបដី ពេលយានអវកាសចុះចតជោគជ័យ
តារាអង់គ្លេស នាង Lily សុំទោសតារាអាមេរិកនាង Katy Perry រឿងហោះហើរទៅទីអវកាស
ជំនួយរាប់លានដុល្លារពីអឺរ៉ុបលើវិស័យជលផលកម្ពុជាដោយសារចម្លាក់រូបត្រីនៅជញ្ជាំងប្រាសាទខ្មែរ
គ្រោះថ្នាក់ចរាចរណ៍ដ៏សាហាវនៅហ្វីលីពីន បណ្តាលឱ្យស្លាប់១០នាក់ និងរបួសរាប់សិបនាក់
អ៊ីស្រាអែលមានភ្លើងឆេះព្រៃដ៏ធ្ងន់ធ្ងរមិនធ្លាប់មាន ចំថ្ងៃរំឭកខួបឯករាជ្យ១ឧសភា
ប្រាក់រង្វាន់ជ័យលាភីសិស្សពូកែទូទាំងប្រទេសលេខ ១ ទទួលបាន ៣ លាន ៥សែន រៀល
ស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
ថៃបិទច្រកអានសេះ ដោយមិនជូនដំណឹងប្រាប់មុន
បាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
សមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ ខណៈកម្ដៅក៏កើនឡើងដែរ
-
សន្តិសុខសង្គម២០ ម៉ោង agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៤ ថ្ងៃ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម៦ ថ្ងៃ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
សន្តិសុខសង្គម២៣ ម៉ោង agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ១ សប្តាហ៍ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ៦ ម៉ោង agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានអន្ដរជាតិ១ សប្តាហ៍ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
សេចក្ដីជូនដំណឹង៦ ថ្ងៃ agoក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”