បេក្ខភាព​លេចធ្លោ​​ក្នុងកម្មវិធី Miss Universe ថៃ រង​ការ​រិះគន់ចាស់ដៃ​ ដោយសារ​ខ្មើត​​ដាក់អតីតម្ចាស់មកុដឆ្នាំ ២០២៣

​នាង Veena Praveenar Singh បេក្ខភាពលេចធ្លោបំផុតនៃបវរកញ្ញាចក្រវាលថៃឆ្នាំ ២០២៥ ត្រូវបានអ្នកគាំទ្រសម្រស់ថៃរិះគន់យ៉ាងចាស់​ដៃ​​ ចំពោះការ​មិនចុចតាមដាន (Unfollow) រៀមច្បង គឺបវរកញ្ញា Anntonia Porsild ដែលជាអតីតម្ចាស់មកុដ Miss Universe នៃ​ប្រទេសថៃ​ កាលឆ្នាំ២០២៣ និង​​ជាប់លំដាប់រងលេខ​មួយ​ក្នុងកម្មវិធីបវរកញ្ញា​ចក្រវាល ក្នុង​ឆ្នាំដដែល។

នៅលើបណ្តាញទំនាក់ទំនងសង្គម អ្នកគាំទ្រសម្រស់ជាច្រើនបានរកឃើញថា Veena ដែលជាបេក្ខភាពលេចធ្លោសម្រាប់ការប្រកួតបវរកញ្ញាចក្រវាលថៃឆ្នាំ ២០២៥ បានចុច មិន​តាមដាន នាង Anntonia ដោយមិនដឹងថាមូលហេតុពិតប្រាកដ។

ទោះជាយ៉ាងណាក៏ដោយ​ កន្លងមក រាជិនីសម្រស់ទាំងពីរធ្លាប់បានចូលរួមការប្រកួត Miss Universe Thailand កាលឆ្នាំ២០២៣ ហើយនាង Anntonia ទទួលបានតំណែងខ្ពស់ជាងគេ ខណៈនាង Veena ទទួលបានចំណាត់ថ្នាក់ ត្រឹមលេខ២ប៉ុណ្ណោះ។

​ទោះបី​​យ៉ាងណា ហេតុផលនៅពីក្រោយសកម្មភាពរបស់ Veena ត្រូវបានគេលើកមកនិយាយយ៉ាងភ្លូកទឹកភ្លូកដីថា ជាសម្ពាធពីលោក ណាវ៉ាត់ ដែលជាម្ចាស់កម្មសិទ្ធិបញ្ញាថ្មីរបស់បវរកញ្ញាចក្រវាលថៃ។ បន្ទាប់ពីទិញកម្មសិទ្ធិបញ្ញា Miss Universe Thailand លោកបានបង្ហាញអាកប្បកិរិយាដ៏រើស​អើង​​ ដោយមិនចង់ពាក់ព័ន្ធជាមួយម្ចាស់កម្មសិទ្ធិបញ្ញាចាស់នោះគឺ TPN Global ។

មិនតែប៉ុណ្ណោះ លោក ណាវ៉ាត់ ក៏បានបញ្ជាមិនឲ្យបវរកញ្ញាដែលធ្លាប់បានចូលរួមក្នុងកម្មវិធីប្រកួតរបស់ TPN Global ចូលរួមក្នុងកម្មវិធីប្រកួតប្រជែងចំនួនពីរដែលលោកទទួលបានសិទ្ធិថតផ្ដាច់មុខនោះគឺ Miss Grand Thailand និង Miss Universe Thailand។

ជាពិសេស​ជាង​នេះ​ទៅ​ទៀត​ ដើម្បីផ្គាប់ចិត្ត លោក ណាវ៉ាត់ នាង Veena មិនចង់មានទំនាក់ទំនងជាមួយ TPN Global ដូច្នេះទើបបណ្ដាលឲ្យនាង unfollow ទៅលើ Anntonia ចោល​តែម្តង​​។ កន្លង​មក​នាង​ក៏​បាន​បញ្ចប់​ទំនាក់ទំនង​ការងារ​ជាមួយ​ក្រុមការងារ​ចាស់​ ដើម្បី​ផ្តោត​ទាំងស្រុង​លើ​ការ​ប្រកួត​បវរកញ្ញា​ចក្រវាល​ថៃ​ឆ្នាំ​២០២៥ដែរ។

ទង្វើ​របស់​ Veena ធ្វើ​ឲ្យ​នាង​រង​ការ​រិះគន់និងវាយប្រហារ​ពី​អ្នក​គាំទ្រ​សម្រស់​ថៃជាច្រើន។ មនុស្សជាច្រើនគិតថាបេក្ខភាពរូបនេះអាក្រក់ពេក ព្រោះនាងមិនសមតំណាងឲ្យទង់ជាតិថៃទៅប្រកួតលើឆាកឡើយ។ លើសពីនេះទៀត មហាជនជាច្រើន​​សម្រុក​ផ្ដោត​លើក្រុមអ្នកគាំទ្រទៅលើបវរកញ្ញារូបនេះ ថាមនុស្សជ្រុលនិយម គ្មានសីលធម៌។

ជាពិសេសនាពេលកន្លងមក នាង Veena ត្រូវបានគេរិះគន់ថា មិនបានបង្ហាញពីការគាំទ្រដល់ Anntonia នៅពេលដែលនាងតំណាងឲ្យប្រទេសថៃ ក្នុងកម្មវិធី Miss Universe 2023 ដែលធ្វើឡើងនៅប្រទេស El Salvador។

បន្ទាប់ពីការប្រកួតបវរកញ្ញាចក្រវាលឆ្នាំ ២០២៣ វគ្គផ្តាច់ព្រ័ត្រ នាង Anntonia ទទួលបានតែតំណែងជើងឯករងទី១ ប៉ុណ្ណោះ។ កាលណោះ នាង Veena បានបង្ហោះសារនៅលើបណ្តាញសង្គម​ Instagram ផ្ទាល់ខ្លួនជាមួយនឹងចំណងជើងថា មកុដទី៣ គឺសម្រាប់តែ នាង​ Veena ហើយ​បានបង្ហោះសារមួយទៀតដើម្បីអបអរសាទរបវរកញ្ញាចក្រវាល​ឆ្នាំ ២០២៣ នាង Sheynnis Palacios ដោយមិននិយាយពី Anntonia សូម្បីតែបន្តិច។

សូមជម្រាបជូនថា នាង Veena Praveenar Singh មានអាយុ ២៩ឆ្នាំ និងជាស្ត្រីជនជាតិថៃ-ឥណ្ឌាដ៏ស្រស់ស្អាតម្នាក់។ នាងមានកម្ពស់១ម៉ែត្រនិង៧៨សង់ទីម៉ែត្រ ជាមួយនឹងរូបរាងកាយដ៏​ស៊ិចស៊ី​ទាក់ទាញ​​មែនទែន​​ និងស្រស់ស្អាតទាន់សម័យ។ នាង Veena បាន​បញ្ចប់​ការ​សិក្សា​ថ្នាក់​ជំនាញ​ពីរ​ផ្នែក​ផ្នែក​សិល្បៈ​រុស្ស៊ី​និង​សេរី​និយម​ពី​សាកល​វិទ្យាល័យ Thammasat ស្ទាត់​ជំនាញ​ភាសា​អង់គ្លេស និង​រុស្ស៊ី៕

អត្ថបទ៖ សាង ស្រីល័ក្ខ

ចុចអាន៖ភាពយន្ត «ណាចា» រកចំណូលលើសគេ តែលេច​ឮ​ថា ​អ្នកដឹកនាំរឿងកំពុងរស់ក្រោម​សម្ពាធ​ធំ