ជីវិតកម្សាន្ដ

តារាតៃវ៉ាន់ នាង Joe Chen រិះគន់បុគ្គលិកអាកាសចរណ៍ហុងកុង គ្មានវិជ្ជាជីវៈនិងប្រើសម្ដីឈ្លើយដាក់ភ្ញៀវ

បានផុស

១ year មុន

នៅ

ថ្ងៃចន្ទ ១៩ ឧសភា ២០២៥

ដោយ

តារាសម្ដែងតៃវ៉ាន់ នាង Joe Chen បានបង្ហោះសារយាងវែងអន្លាយនៅលើ Instagram ផ្ទាល់ខ្លួន រៀបរាប់រឿងរ៉ាវផ្ទាល់ខ្លួនដែលមានជម្លោះជាមួយបុគ្គលិកអាកាសចរណ៍ ដោយហៅបុគ្គលិកនៅអាកាសយានដ្ឋានអន្តរជាតិហុងកុង ថា ពួកគេមានអាកប្បកិរិយាគ្មានវិជ្ជាជីវៈ និងមិនគោរពការងារក្នុងអំឡុងពេលដំណើរការឡើងយន្តហោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងវ័យ៤៦ឆ្នាំ បានសរសេរនៅក្នុងគណនី Instagram របស់នាង ដោយពន្យល់បែបនេះថា «នេះជាលើកទីមួយរបស់ខ្ញុំដែលឃើញបុគ្គលិកជាន់ខ្ពស់ប្រើសម្ដីឈ្លើយបែបនេះ។ ពេលនាងកំពុងឡើងយន្តហោះទៅកាន់ទីក្រុង Adelaide ប្រទេសអូស្ត្រាលី។ បុគ្គលិកបានស្រែកហៅអ្នកដំណើរឡើងយន្តហោះជាបន្ទាន់»។

តារាល្បី Joe Chen បាននិយាយទៀតថា កន្លែងឡើងជិះគឺមានមនុស្សកកកុញ និងមានភាពវឹកវរដោយសារតែចំនួនអ្នកដំណើរច្រើន។ ប៉ុន្តែក្នុងពេលដែលស្ថានភាពកំពុងតែច្របូកច្របល់ និងការពន្យារពេលអាចយល់បានក្នុងកាលៈទេសៈបែបនេះ បុគ្គលិកមិនបានជួយដោយស្ងប់ស្ងាត់ទេ តែជំនួសមកវិញ ដោយការស្រែកដូចមនុស្សបាត់បង់ការអត់ធ្មត់។

តារាស្រីថែមទាំងបានសរសេរ ដោយសង្កត់ធ្ងន់លើសារៈសំខាន់នៃវិជ្ជាជីវៈក្នុងតួនាទីជួរមុខ ជាពិសេសនៅពេលទំនាក់ទំនងជាមួយអ្នកដំណើរ។ ក្នុងនោះនាង បញ្ចាក់ថា អ្នកដំណើរមិនគួររងទុក្ខដោយសារអារម្មណ៍មិនល្អរបស់អ្នកទេ។ នេះគឺជាការងាររបស់អ្នក និងជំនាញរបស់អ្នក។ ប្រសិនបើអ្នកមិនចេះអត់ធ្មត់ខ្លាំង អ្នកគួរតែទៅផ្ទះ ហើយសម្រាកចុះ។ អ្នកដំណើរគ្រាន់តែចង់ឡើងយន្តហោះដោយរបៀបរៀបរយ។ អ្នកទទួលបានប្រាក់ខែ ដើម្បីធ្វើការងារនេះ។

ទោះជាយ៉ាងណាក៏ដោយ ការអត្ថាធិប្បាយរបស់តួតៃវ៉ាន់រូបនេះ បានកើតឡើងត្រឹមតែមួយខែ បន្ទាប់ពីអាកាសយានដ្ឋានអន្តរជាតិហុងកុងជាប់ចំណាត់ថ្នាក់ទី៦ ក្នុងបញ្ជីអាកាសយានដ្ឋានកំពូលទាំង១០០ របស់ពិភពលោកឆ្នាំ ២០២៥ របស់ Skytrax ដែលកើនឡើងពីចំណាត់ថ្នាក់ទី ១១ កាលពីឆ្នាំមុន។

គួរបញ្ចាក់ដែរថា នាង Joe Chen ត្រូវបានគេស្គាល់យ៉ាងទូលំទូលាយថា ជា ម្ចាស់ក្សត្រីនៃ Idol Dramas សម្រាប់តួនាទីនាំមុខរបស់នាង នៅក្នុងរឿងភាគជាច្រើនដូចជា «The Prince Who Turns into a Frog» «Fated to Love You» និង «The Queen of SOP»៕