ទេព បូព្រឹក្ស នាំយកសិល្បៈបុរាណខ្មែរច្រើនទម្រង់ បែបសហសម័យ ទៅសម្តែងខ្នាតធំជាលើកដំបូង នៅម៉ាឡេស៊ី

នេះអាចចាត់ទុកថាជាមោទនភាពនិងរឿងដ៏អស្ចារ្យផងដែរ ខណ:ដែលតារាចម្រៀងល្បីឈ្មោះរបស់ខ្មែរអ្នកនាង ទេព បូព្រឹក្ស បានដឹកនាំសិល្បករសិល្បការិនីមានច្រើនទម្រង់ ទៅសម្តែងខ្នាតធំជាលើកដំបូងបែបសហសម័យនៅប្រទេសម៉ាឡេស៊ី។

បើតាមការឱ្យដឹងអ្នកនាង ទេព បូព្រឹក្ស និងក្រុមការងារសិល្ប:របស់ខ្មែរចេញទៅសម្តែងនៅលើទឹកដីប្រទេសម៉ាឡេសុីលើកដំបូងនេះ ក្នុងកម្មវិធី ROUND FESTIVAL Let’s ។ លោក G-Devith ដែលជាស្វាមីអ្នកនាង ទេព បូព្រឹក្ស បានឱ្យដឹងដែរថា ក្នុងឱកាសបង្ហាញខ្លួនរបស់ភរិយាលើឆាកអន្តរជាតិលើកនេះ លោកធ្វើតួនាទីជា Manager ជូនប្រពន្ធទៅសម្តែងនៅ Malaysia ដោយនាំយករបាំវប្បធម៌ខ្មែរទៅផ្សព្វផ្សាយយកកិត្តិយសជូនជាតិ។ 

ចំណែកអ្នកនាង ទេព បូព្រឹក្ស បានបញ្ជាក់ថា អ្នកនាងបានដឹកនាំសិល្បករសិល្បការនីច្រើនទម្រង់ដូចជា របាំបុរាណ, ល្ខោនខោល, របាំអប្សរា, របាំមណីមេខលា ព្រមទាំងល្បុក្កតោជាដើម ដែលនេះជាកិត្តិយសសម្រាប់ការសម្តែងខ្នាតធំជាលើកដំបូងបែបសហសម័យ នៅប្រទេសម៉ាឡេស៉ី ។

តារាចម្រៀង ទេព បូព្រក្ស បានបន្តថាការចេញទៅសម្តែងជាលើដំបូងនេះនឹងសង្ឃឹមថា នឹងនាំយកនៅភាពជោគជ័យត្រឡប់មកវិញជាមួយការពាំនាំយករបាំវប្បធម៌ខ្មែរទៅផ្សព្វផ្សាយយកកិត្តិយសជូនជាតិ។ ទេព បូព្រឹក្ស បានបន្ថែមថា ការចេញទៅលើនេះនាងពិត ជារំភើបខ្លាំងណាស់ដែលបានដឹកនាំក្រុមសិល្បករសិល្បការិនីមានច្រើនទម្រង់ចេញទៅបង្ហាញនៅក្រៅប្រទេស៕ ចាន់រ៉ា