ជីវិតកម្សាន្ដ

ជំងឺបានធូរស្រាល ! ឌីជេ ក្តិប ខំប្រឹងច្រៀងរៀបរាប់ដើម្បីអរគុណគ្រូពេទ្យ

បានផុស

៥ years មុន

នៅ

ថ្ងៃអង្គារ ៦ មេសា ២០២១

ដោយ

ភ្នំពេញ ៖ តារាចម្រៀងរ៉េបលោក ចាន់ សំណាងហៅឌីជេ ក្តិប បន្ទាប់ពីចូលសម្រាកព្យាបាលជំងឺច្រើន ថ្ងៃមកនោះ ពេលនេះអាការៈជំងឺលោកបានធូរស្រាលខ្លះហើយ។នេះបើយោងតាមការបញ្ជាក់ឲ្យដឹងពី សាមីខ្លួន។

ឌីជេ ក្តិប បានបង្ហោះរូបភាពដោយទឹកមុខស្រស់ថ្លាថា” អរុណសួស្តីបងប្អូនខ្ញុំសង្ហាជាងមុនទេអរគុណបងប្អូនសម្រាប់ក្តីបារម្ភរួមនឹងអរគុណដល់លោក គ្រូអ្នកគ្រូពេទ្យទាំងអស់ដែលបានមើលថែខ្ញុំបាទផងដែរ។ ខ្ញុំធូរច្រើនហើយបងប្អូនអរគុណអ្នកជួយគ្រប់គ្នា។

ទន្ទឹមគ្នានៃការបញ្ជាក់ខាងលើនេះដែរឌីជេ ក្តិប ក៏ស្រាប់តែបានបង្ហើរសំនៀងច្រៀងរៀបរាប់ពីការដឹងគុណចំពោះក្រុមគ្រូពេទ្យទាំងអស់ផងដែរពិសេសគ្រូពេទ្យដែលកំពុងប្រយុទ្ធប្រឆាំងជំងឺកូវីដ១៩។

ក្រៅពីនេះ លោកក៏បានធ្វើការអំពាវនាវឲ្យប្រជាពលរដ្ឋទូទាំងប្រទេសត្រូវតែមានការប្រុងប្រយ័ត្នជំងឺដ៏កាចសាហាវកូវីដ-១៩និងអនុវត្តន៍វិធានការណែ នាំ ៣កុំ ៣ការពារ។

គួររម្លឹកថា កាលពីថ្មីៗកន្លងទៅនេះមានការសង្ស័យនិងចុះផ្សាយដោយដកស្រង់សំណេររបស់ឌីជេ កណ្តុរ ដែលបានលើកឡើងថា ឌីជេ ក្តិប បានឆ្លងជំងឺកូវីដ-១៩ក្រោយពេលធ្វើដំណើរទៅដល់ខេត្តសៀមរាប ប៉ុន្តែដំណឹងនេះត្រូវបានឌីជេ ក្តិប បានចេញ មុខបញ្ជាក់ថាខ្លួនមិនទាន់រកឃើញវិជ្ជមានកូវីដ- ១ ៩ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលនោះតារាចម្រៀងរ៉េបឌីជេ ក្តិប បានរៀបរាប់ថា “ខ្ញុំនៅមិនទាន់មានកូវិដនៅឡើយទេបងប្អូន។អរគុណបងប្អូនគ្រប់គ្នាដែលបារម្ភ។ខ្ញុំយកសំណាក២ដ ងហើយតែមិនទាន់មានកូវីដទេគ្រាតែសុខភាពខ្ញុំមានការរលាកសួតផងអីផងប៉ុន្តែក៏នៅមិនដឹងច្បាស់ដែរបងប្អូនឥឡូវកំពុងសម្រាកព្យាបាលតាមដានសុខភាពសិន”៕

ដោយ ៖ ចាន់រ៉ា