ជីវិតកម្សាន្ដ
កោសល្យវិច្ច័យដំបូងលើសព YouTuber កូរ៉េមួយរូប ពេលនេះដឹងការពិតហើយ
សេវាកោសល្យវិច្ច័យជាតិ (NFS) បានចេញមតិបឋមទាក់ទងនឹងមូលហេតុនៃការស្លាប់របស់ YouTuber ជនជាតិកូរ៉េ មួយរូប ដែលមានឈ្មោះថា Na Dong Hyun អាយុ ៤៦ ឆ្នាំ រហស្សនាម «Great Library» ដោយបញ្ជាក់ថា មិនមានភស្តុតាងនៃសកម្មភាពឧក្រិដ្ឋកម្មនោះទេ។
យោងតាម Allkpop នៅថ្ងៃទី ៨ ខែកញ្ញា ស្ថានីយ៍ប៉ូលិស Gwangjin ក្នុងទីក្រុងសេអ៊ូលបានប្រកាសថា បន្ទាប់ពី NFS បានធ្វើកោសល្យវិច័យលើ YouTuber ពួកគេបានបញ្ចេញមតិដោយពាក្យសំដីដំបូងដែលបង្ហាញថា មិនមានសញ្ញានៃការធ្វើអត្តឃាត ឬការសង្ស័យព្រហ្មទណ្ឌផ្សេងទៀតទេ ។ បច្ចុប្បន្ន ប៉ូលិសកំពុងផ្តោតលើលទ្ធភាពដែលថា គាត់បានស្លាប់ដោយសារជំងឺមូលដ្ឋាន ហើយគ្រោងនឹងបិទករណីនេះនៅពេលដែល NFS ចេញរបាយការណ៍ចុងក្រោយនៃការធ្វើកោសល្យវិច័យរបស់ខ្លួន។ មិត្តភ័ក្តិរបស់សពក៏បានប្រាប់ដែរថា សពតែងតែត្អូញត្អែរពីការឈឺបេះដូង មុនពេលគាត់ទទួលមរណភាព។
Na Dong Hyun ត្រូវបានគេប្រទះឃើញស្លាប់នៅថ្ងៃទី៦ ខែកញ្ញា នៅផ្ទះរបស់គាត់ក្នុងសង្កាត់ Gwangjin ទីក្រុងសេអ៊ូល។ អាជ្ញាធរបានឆ្លើយតបវិញ បន្ទាប់ពីមិត្តភ័ក្តិម្នាក់បានរាយការណ៍ថា គាត់មិនបានបង្ហាញខ្លួនក្នុងការប្រជុំដែលបានកំណត់ពេលវេលា និងមិនអាចទាក់ទងបាន ប៉ុន្តែគាត់បានស្លាប់បាត់ទៅហើយពេលពួកគេមកដល់។ លើសពីនេះ ប៉ូលិសមិនបានឃើញលិខិតអត្តឃាត ឬសញ្ញានៃសកម្មភាពឧក្រិដ្ឋកម្មណាមួយ នៅកន្លែងកើតហេតុឡើយ។
ទោះបីជាយ៉ាងណាក៏ដោយ បន្ទាប់ពីការស្លាប់ភ្លាមៗរបស់គាត់ ពាក្យចចាមអារ៉ាមដែលមិនបានបញ្ជាក់អំពីសកម្មភាពកាលពីអតីតកាលរបស់គាត់ និងអតីតភរិយារបស់គាត់ គឺអ្នកផ្សាយព័ត៌មាន Yumdaeng ត្រូវបានផ្សព្វផ្សាយតាមអ៊ីនធឺណិត។
Na Dong Hyun បានចាប់ផ្តើមអាជីពរបស់គាត់នៅប្រហែលឆ្នាំ ២០១០ ជាអ្នកផ្សាយអ៊ីនធឺណិតជំនាន់ទីមួយ។ គាត់បានបង្កើតវីដេអូប្រតិកម្មហ្គេមជាចម្បង ហើយប៉ុស្តិ៍ YouTube របស់គាត់មានអ្នកជាវ ១.៤៤ លាននាក់។
ថ្មីៗនេះ Great Library បានចូលរួមកម្មវិធី S/S Seoul Fashion Week ឆ្នាំ២០២៦ នៅ Dongdaemun Design Plaza (DDP) ក្នុងទីក្រុង Jung-gu ទីក្រុងសេអ៊ូល។ លោកក៏បានរៀបចំការផ្សាយផ្ទាល់នៅថ្ងៃទី ៣ ខែកញ្ញាផងដែរ។
ដោយឡែក សម្រាប់ពិធីបុណ្យសពរបស់គាត់នឹងត្រូវធ្វើឡើង នៅសាលពិធីបុណ្យសពរបស់មន្ទីរពេទ្យ Konkuk ។ អ្នកកាន់ទុក្ខដែលត្រូវបានគេរាយឈ្មោះនោះគឺប្អូនស្រីរបស់គាត់ និងអតីតភរិយាឈ្មោះ Yumdaeng។ ពិធីបុណ្យសពនឹងធ្វើឡើងនៅម៉ោង៨ ព្រឹក ថ្ងៃទី ៩ ខែកញ្ញា នៅកន្លែងបូជាសពក្រុងសេអ៊ូលតែម្ដង៕
អត្ថបទ៖ សាង ស្រីល័ក្ខ
ចុចអាន៖ភាពយន្ត «ចុងភៅឆ្លងភព» ទទួលបានចំណាត់ថ្នាក់ខ្ពស់ ដោយសារតែ Yoona
-
សន្តិសុខសង្គម៣ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ១ សប្តាហ៍ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
សេដ្ឋកិច្ច១៦ ម៉ោង agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានអន្ដរជាតិ១ សប្តាហ៍ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៦ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៧ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៥ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៦ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា