ព្រះបរមរាជវាំង អង់គ្លេស ដកងារព្រះអង្គម្ចាស់ Andrew ក្រោយជាប់បទល្មើសផ្លូវភេទ

នៅក្នុងសេចក្តីថ្លែងការណ៍មួយកាលយប់ថ្ងៃព្រហស្បតិ៍ទី៣០តុលា ព្រះបរមរាជវាំង Buckingham បានចេញសារមួយដោយបញ្ចាក់ថា ក្សត្រ Andrew នឹងអស់ងារជាព្រះអង្គម្ចាស់ ហើយត្រូវតែចាកចេញពីវិមាន Windsor គឺ Royal Lodge បន្ទាប់ពីការត្រួតពិនិត្យយ៉ាងម៉ត់ចត់អស់រយៈពេលជាច្រើនសប្តាហ៍ លើទំនាក់ទំនងរបស់់ទ្រង់ជាមួយជនល្មើសផ្លូវភេទ Jeffrey Epstein ដែលត្រូវកាត់ទោសកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុត្រាទីពីររបស់ម្ចាស់ក្សត្រី Elizabeth II ដែលទើបនឹងសោយទិវង្គត បានជាប់ពាក់ព័ន្ធនឹងភាពចម្រូងចម្រាសនាពេលថ្មីៗនេះ ដែលនាំឲ្យកេរ្តិ៍ឈ្មោះរបស់ទ្រង់កាន់តែអាប់អួរ។ ជាពិសេស ចំពោះទំនាក់ទំនងទ្រង់ ជាមួយ Jeffrey Epstein ដែលជាជនល្មើសផ្លូវភេទល្បីកក្រើកប្រទេស។

ការចេញផ្សាយសៀវភៅអនុស្សាវរីយ៍ Nobody’s Girl របស់នាង Virginia Giuffre កាលពីដើមខែនេះ បានធ្វើការចោទប្រកាន់ម្តងទៀតថា កាលនៅជាក្មេងជំទង់ នាងបានរួមភេទជាមួយព្រះអង្គម្ចាស់ Andrew នៅលើកោះរបស់លោក Jeffrey Epstein ក្នុងឱកាសដាច់ដោយឡែកពីគ្នាចំនួនបី។ ប៉ុន្តែព្រះអង្គបានបដិសេធការអះអាងមួយនេះ ដោយនាំឲ្យជនរងគ្រោះ ឈានដល់សម្លាប់ខ្លួនកាលដើមឆ្នាំ២០២៥។

យ៉ាងណា នៅក្នុងសេចក្តីថ្លែងការណ៍របស់ខ្លួន ព្រះបរមរាជវាំងបាននិយាយថា ព្រះមហាក្សត្រនៅថ្ងៃនេះបានផ្តួចផ្តើមដំណើរការជាផ្លូវការមួយដើម្បីដករចនាបថ ងារ និងកិត្តិយសរបស់ព្រះអង្គម្ចាស់ Andrew។ ក្រៅពីងារនេះ ព្រះរាជវាំងបាននិយាយថា ការជូនដំណឹងជាផ្លូវការត្រូវបានប្រគល់ឲ្យ Royal Lodge ជាអ្នកដោះស្រាយ។

ដោយឡែក ចំពោះបុត្រី២អង្គរបស់ទ្រង់គឺព្រះនាង Eugenie និងព្រះនាង Beatrice នឹងនៅតែរក្សាងារជាព្រះនាងដដែល ។ ចំណែក អតីតភរិយាទ្រង់ក៏នឹងផ្លាស់ចេញពី Royal Lodge ហើយនឹងធ្វើការរៀបចំការរស់នៅផ្ទាល់ខ្លួនផងដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ផ្កាយដុះកន្ទុះនៅថៃ ជាជំនឿថា ប្រទេសជាតិកំពុងវឹកវរឬយ៉ាងណា?