ព័ត៌មានអន្ដរជាតិ
កូរ៉េខាងជើង និងឡាវសន្យាពង្រឹងចំណងទាក់ទងនិងកិច្ចសហប្រតិបត្តិការលើបញ្ហាសកល
រដ្ឋមន្ត្រីការបរទេសនៃប្រទេសកូរ៉េខាងជើង និងឡាវ បានឯកភាពគ្នាលើកកម្ពស់ទំនាក់ទំនងទ្វេភាគី និងពង្រីកកិច្ចសហប្រតិបត្តិការលើកិច្ចការអន្តរជាតិ។ នេះបើតាមការផ្សាយរបស់ប្រព័ន្ធផ្សព្វផ្សាយរដ្ឋនាថ្ងៃព្រហស្បតិ៍ទី១៣ខែវិច្ឆិកាឆ្នាំ២០២៥។
យោងតាមទីភ្នាក់ងារព័ត៌មានកណ្តាលកូរ៉េ (KCNA) រដ្ឋមន្ត្រីការបរទេសកូរ៉េខាងជើង លោកស្រី ឆូ សុនហ៊ុយ (Choe Son-hui) បានជួបសមភាគីឡាវ លោក ថងសៈវ៉ាន់ ភំវិហ៊ាន (Thongsavanh Phomvihane) នៅទីក្រុងព្យុងយ៉ាង បន្ទាប់ពីគណៈប្រតិភូឡាវបានទៅដល់កាលពីថ្ងៃអង្គារ។
ភាគីទាំងពីរបានប្តេជ្ញាអនុវត្តកិច្ចព្រមព្រៀងដែលបានឯកភាពគ្នាដោយមេដឹកនាំរបស់ពួកគេកាលពីខែតុលា ដើម្បីពង្រឹងបន្ថែមនូវអ្វីដែលពួកគេហៅថា«ចំណងមិត្តភាពប្រពៃណី»រវាងប្រជាជាតិទាំងពីរ។ ទីភ្នាក់ងារ KCNA បានឲ្យដឹងថា ពួកគេក៏បានពិភាក្សាអំពីមធ្យោបាយដើម្បីលើកកម្ពស់ការគាំទ្រគ្នាទៅវិញទៅមក និងការសម្របសម្រួលលើឆាកសកលផងដែរ។
ជំនួបនេះធ្វើឡើងបន្ទាប់ពីការចរចាកាលពីខែតុលារវាងមេដឹកនាំកូរ៉េខាងជើង លោក គីម ជុងអ៊ុន និងប្រធានាធិបតីឡាវ លោក ថងលូន ស៊ីស៊ូលីត (Thongloun Sisoulith) ដែលបានបំពេញទស្សនកិច្ចនៅទីក្រុងព្យុងយ៉ាងសម្រាប់ខួបទី៨០នៃគណបក្សពលករកូរ៉េ។ ឡាវជាប្រទេសមួយក្នុងចំណោមប្រទេសមួយចំនួនតូចដែលបានបញ្ជូនតំណាងជាន់ខ្ពស់ទៅចូលរួមពិធីអបអរសាទរនោះ ដែលរួមមានទាំងក្បួនដង្ហែយោធាផងដែរ។
កូរ៉េខាងជើង និងឡាវបានបង្កើតទំនាក់ទំនងការទូតនៅឆ្នាំ១៩៧៤ ហើយបានរក្សាចំណងមិត្តភាពតាំងពីពេលនោះមក៕
ប្រែសម្រួល៖ ឈាង
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៩ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង