ព័ត៌មានអន្ដរជាតិ

កូរ៉េខាងជើង៖ កិច្ចព្រមព្រៀងនាវាមុជទឹកអាមេរិក-កូរ៉េខាងត្បូង អាចបង្កអស្ថិរភាព និងការប្រជែងអាវុធនុយក្លេអ៊ែរ

បានផុស

៣ ម៉ោង មុន

នៅ

ថ្ងៃអង្គារ ១៨ វិច្ឆិកា ២០២៥

ដោយ

Chheang

កូរ៉េខាងជើងបានឆ្លើយតបដោយកំហឹងចំពោះកិច្ចព្រមព្រៀងសន្តិសុខថ្មីរវាងកូរ៉េខាងត្បូង និងសហរដ្ឋអាមេរិក ដែលរួមបញ្ចូលផែនការសម្រាប់ក្រុងវ៉ាស៊ីនតោនក្នុងការជួយក្រុងសេអ៊ូលសាងសង់នាវាមុជទឹកដើរដោយថាមពលនុយក្លេអ៊ែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការចុះផ្សាយរបស់ប្រព័ន្ធផ្សព្វផ្សាយរដ្ឋ KCNA នាថ្ងៃអង្គារទី១៨ខែវិច្ឆិកាឆ្នាំ២០២៥ កូរ៉េខាងជើងបានហៅទង្វើនេះថាជាការប្រឈមមុខដាក់គ្នា«ដ៏គ្រោះថ្នាក់» ដែលនឹងធ្វើឲ្យតំបន់អាស៊ី-ប៉ាស៊ីហ្វិកទាំងមូលអស្ថិរភាព។ ក្រុងព្យុងយ៉ាងបានព្រមានថា ចលនានេះនឹងបង្កឲ្យមាន«ផលប៉ះពាល់នៃទ្រឹស្ដីដូមីណូនុយក្លេអ៊ែរ (nuclear domino)» ដែលធ្វើឲ្យប្រទេសដទៃទៀតក្នុងតំបន់ស្វែងរកអាវុធនុយក្លេអ៊ែរផងដែរ និងបង្កជាការប្រណាំងប្រជែងអាវុធដ៏ធំមួយ។

ទ្រឹស្ដីដូមីណូនុយក្លេអ៊ែរ គឺជាសម្មតិកម្មមួយដែលថា ប្រសិនបើប្រទេសមួយទទួលបានអាវុធនុយក្លេអ៊ែរ នោះវានឹងបង្កឲ្យមានប្រតិកម្មបណ្ដាក់គ្នានៃរដ្ឋជិតខាង ឬរដ្ឋគូប្រជែងផ្សេងទៀតស្វែងរកកម្មវិធីអាវុធនុយក្លេអ៊ែររៀងៗខ្លួន ដើម្បីធានាសន្តិសុខរបស់ពួកគេ ឬរក្សាតុល្យភាពអំណាច។

ការរិះគន់របស់កូរ៉េខាងជើង កើតឡើងបន្ទាប់ពីប្រធានាធិបតីកូរ៉េខាងត្បូងថ្មីៗនេះ លោក Lee Jae Myung បានផ្តល់សំណើបើកការចរចាយោធាឡើងវិញជាមួយកូរ៉េខាងជើង ដើម្បីកាត់បន្ថយភាពតានតឹង ដែលជាសំណើលើកដំបូងក្នុងរយៈពេល៧ឆ្នាំកន្លងមកនេះ។ យ៉ាងណាមិញ មកទល់នឹងបច្ចុប្បន្ន កូរ៉េខាងជើងមិនទាន់ឆ្លើយតបនឹងកិច្ចចរចាសន្តិភាពនោះទេ ហើយបែរជាជ្រើសរើសផ្តោតលើការថ្កោលទោសកិច្ចព្រមព្រៀងនាវាមុជទឹកនុយក្លេអ៊ែរជាសាធារណៈទៅវិញ៕

ប្រែសម្រួល៖ ឈាង