ព័ត៌មានអន្ដរជាតិ

ប្រេស៊ីលស្នើឲ្យស្ត្រីពន្យារពេលមានផ្ទៃពោះបារម្ភវីរុសបំប្លែងថ្មីវាយលុកខ្លាំង

បានផុស

៥ years មុន

នៅ

ថ្ងៃសៅរ៍ ១៧ មេសា ២០២១

ដោយ

ប្រទេសប្រេស៊ីលបានស្នើឲ្យស្ត្រីពន្យារពេលមានផ្ទៃពោះរហូតដល់វិបត្តិធ្ងន់ធ្ងរកូវីដ-១៩ល្អប្រសើសិន ដោយនិយាយថា វីរុសបំប្លែងថ្មីបានកំពុងបំផ្លាញប្រទេសអាមេរិកខាងត្បូងមួយនេះទំនងជាប៉ះពាល់ខ្លាំងដល់ស្ត្រីមានផ្ទៃពោះជាងវីរុសកូវីដ-១៩មុន។

អនុសាសន៍ពន្យារពេលនេះបានធ្វើឡើងស្របពេលដែលប្រទេសប្រេស៊ីលបន្តធ្ងន់ធ្ងរពីកូវីដ-១៩ដែលបានកំពុងសម្លាប់ប្រជាជនប្រេស៊ីលប្រចាំថ្ងៃច្រើនជាងកន្លែងណាៗទាំងអស់នៅក្នុងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីក្រសួងសុខាភិបាលលោក Raphael Parente បាននិយាយក្នុងសន្និសីទកាសែតថា ៖«ប្រសិនបើអាចទៅរួច សូមពន្យារពេលមានផ្ទៃពោះរហូតដល់ស្ថានភាពល្អប្រសើរឡើងវិញសិន»។

លោកថា ការណែនាំនេះជាផ្នែកគឺបណ្តាលមកពីប្រព័ន្ធសុខាភិបាល ប៉ុន្តែក៏បណ្តាលមកពីវាមានភាពងាយស្រួលឆ្លងដោយវីរុសថ្មីឈ្មោះ P.1។

Parente សង្កត់ធ្ងន់ថា ៖«បទពិសោធគ្លីនិកនៃអ្នកឯកទេសបង្ហាញថា វីរុសថ្មីនេះឆ្លងអាក្រក់ខ្លាំងចំពោះស្ត្រីមានផ្ទៃពោះ»។

លោកបន្ថែមថា កន្លងមក ករណីឆ្លងកូវីដ-១៩កំឡុងពេលមានផ្ទៃពោះគឺផ្តោតសំខាន់លើត្រីមាសចុងក្រោយ និងពេលសម្រាល ហើយក្រោយមកអាចមានករណីធ្ងន់ធ្ងរខ្លះនៅត្រីមាសទី២ ឬតិចតួចនៅត្រីទីដំបូង។

វីរុសបំប្លែងថ្មី P.1 ត្រូវបានរកឃើញដំបូងនៅទីក្រុង Manaus ដែលបានរីករាលដាលយ៉ាងឆាប់រហ័សនៅក្នុងប្រទេសប្រេស៊ីល។ វាបានក្លាយជាកត្តាធ្ងន់ធ្ងរបំផុតស្ថិតនៅពីក្រោយការផ្ទុះរលកទី២ដែលបណ្តាលឲ្យប្រទេសនេះមានអ្នកស្លាប់ជាង៣៥ម៉ឺននាក់ ដែលជាប្រទេសមានអ្នកស្លាប់ដោយកូវីដ-១៩ធ្ងន់ធ្ងរបំផុតលំដាប់លេខ២ជាសកល ពីក្រោយលេខ១សហរដ្ឋអាមេរិក។

កូវីដ-១៩នៅប្រទេសប្រេស៊ីលបានកំពុងកើនឡើងនៃការឆ្លងខ្លាំងទៅមនុស្សក្មេង។ តាមទិន្នន័យមន្ទីរពេទ្យបង្ហាញថា កាលពីខែមីនាកន្លងទៅ អ្នកជំងឺជាងពាក់កណ្តាលគឺអាយុក្រោម៤០ឆ្នាំ។

លោកប្រធានាធិបតី Jair Bolsonaro បានជំទាស់នឹងការដាក់បំរាម ហើយបានរៀបចំកម្មវិធីធំៗដែលខ្លួនលោកផ្ទាល់មិនពាក់ម៉ាស់ការពារខ្លួនឡើយ។

សប្តាហ៍នេះ កម្មវិធីចាក់វ៉ាក់សាំងត្រូវបានផ្អាកនៅក្នុងទីក្រុងជាច្រើនដោយសារខ្វះវ៉ាក់សាំង។

ដោយសារអ្នកជំងឺកូវីដ-១៩ច្រើនបានធ្វើឲ្យមន្ទីរពេទ្យខ្វះសម្ភារៈ និងឱសថសម្រាប់ព្យាបាល។ ឱសថបន្ទាន់ទើបទៅដល់ប្រទេសប្រេស៊ីលកាលពីថ្ងៃព្រហស្បតិ៍មកពីប្រទេសចិន ខណៈជំនួញមកពីប្រទេសអេស្ប៉ាញរំពឹងថា នឹងមកដល់សប្តាហ៍ក្រោយនេះ៕

ប្រែសម្រួល៖ វីរបុត្រ
ប្រភព៖ ctvnews