ព័ត៌មានអន្ដរជាតិ
ក្រោយរកឃើញវីរុសបំប្លែងខ្លួនថ្មី N501Y ហុងកុង ហាមជើងហោះហើរមកពី៣ប្រទេស មានមួយនៅអាស៊ីអាគ្នេយ៍
ទីក្រុងហុងកុង នឹងផ្អាកជើងហោះហើរមកពីប្រទេសឥណ្ឌា ប៉ាគីស្ថាននិងហ្វីលីពីន រយៈពេល២សប្តាហ៍ចាប់ពីថ្ងៃអង្គារទី២០ខែមេសាស្អែកនេះទៅ បន្ទាប់ពីវីរុសកូវីដ-១៩បំប្លែងខ្លួន N501Y ត្រូវបានរកឃើញនៅក្នុងមជ្ឈមណ្ឌលហិរញ្ញវត្ថុអាស៊ីមួយនេះ ជាលើកដំបូង។
រដ្ឋាភិបាលបាននិយាយថា ប្រទេសទាំងបីនេះនឹងត្រូវចាត់ចូលជា “ប្រទេសមានហានិភ័យខ្ពស់បំផុត” បន្ទាប់ពីមានករណីនាំចូលជាច្រើនត្រូវបានរកឃើញនៅទីក្រុងហុងកុង ក្នុងរយៈពេល១៤ថ្ងៃកន្លងមកនេះ។
ទីក្រុងនេះ បានរាយការណ៍ពីការឆ្លងវីរុសកូរ៉ូណាថ្មីចំនួន៣០ករណីកាលពីថ្ងៃអាទិត្យ ដោយក្នុងនោះ មាន២៩ករណីជាការនាំចូលដែលជាចំនួនករណីប្រចាំថ្ងៃខ្ពស់បំផុត ចាប់តាំងពីថ្ងៃទី១៥ខែមីនាមក។
ទីក្រុងហុងកុង បានកត់ត្រាករណីឆ្លងជំងឺកូវីដ-១៩ជាង ១១,៦០០ករណីនិងស្លាប់ ២០៩នាក់។
អាជ្ញាធរហុងកុងបាននិងកំពុងទទូចដល់ប្រជាជន ឲ្យចាក់វ៉ាក់សាំងការពារជំងឺកូវីដ-១៩ ព្រោះគិតត្រឹមពេលនេះ មានតែ៩ភាគរយប៉ុណ្ណោះក្នុងចំណោមប្រជាជនចំនួន៧.៥លាននាក់របស់ខ្លួន ដែលទទួលបានវ៉ាក់សាំង។
កាលពីសប្តាហ៍មុន រដ្ឋាភិបាលបានពង្រីកគម្រោងចាក់វ៉ាក់សាំងក្នុងទីក្រុង ដោយរាប់បញ្ចូលទាំងអ្នកដែលមានអាយុចន្លោះពី១៦ដល់២៩ឆ្នាំជាលើកដំបូងផងដែរ។
គួរបញ្ជាក់ថា ក្រុមហ៊ុនអាកាសចរណ៍ដែលរងផលប៉ះពាល់ពីការហាមឃាត់របស់ហុងកុងចំពោះអ្នកដំណើរមកពីប្រទេសឥណ្ឌា ប៉ាគីស្ថាននិងហ្វីលីពីនរួមមាន ក្រុមហ៊ុនអាកាសចរណ៍ Cathay Pacific, Hong Kong Airlines, Vistara និង Cebu Pacific៕
ប្រែសម្រួលដោយ៖ Vann Vann
ប្រភព៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង