ព័ត៌មានអន្ដរជាតិ
ការវាយប្រហារថ្មីបំផុត យោធាមីយ៉ាន់ម៉ាកំពុងប្តឹង និងតាមចាប់ខ្លួនវេជ្ជបណ្ឌិតរាប់រយនាក់
របបយោធាមីយ៉ាន់ម៉ាបានកំពុងបង្ក្រាបទៅលើក្រុមគ្រូពេទ្យដែលចេញតវ៉ា ខណៈមិនដល់មួយសប្តាហ៍ផងបានដាក់បណ្តឹងទៅលើវេជ្ជបណ្ឌិត១៣៩នាក់ក្រោមការចោទប្រកាន់ពីបទញុះញង់ និងកំពុងតាមចាប់ខ្លួន។
តាមសារព័ត៌មានក្នុងស្រុកបានផ្សាយថា ការវាយប្រហារចុងក្រោយបំផុតរបស់របបយោធាមីយ៉ាន់ម៉ាទៅលើក្រុមគ្រូពេទ្យដែលបានចេញតវ៉ាចាប់ផ្តើមកាលពីអង្គារជាមួយនឹងសេចក្តីប្រកាសនៃពាក្យបណ្តឹងទៅលើវេជ្ជបណ្ឌិត១៩រូប ក្នុងនោះមានទាំងនាយកម្នាក់នៅក្រសួងសុខាភិបាលផងដែលចោទថា បានជំរុញឲ្យបុគ្គលិករដ្ឋាភិបាលផ្សេងទៀតចូលរួមចលនាស៊ីវិលដើម្បីប្រឆាំង (CDM) និងគាំទ្រទៅលើរដ្ឋាភិបាលស្រមោលដែលត្រូវបានបង្កើតឡើងដោយសមាជិកសភាបណ្តេញចេញ។
ចាប់តាំងពីថ្ងៃអង្គារ៍មក របបយោធាមីយ៉ាន់ម៉ាមានបញ្ជីឈ្មោះប្តឹងទៅលើវេជ្ជបណ្ឌិត១៣៩នាក់ និងបានកំពុងមានជាបន្តបន្ទាប់ទៀត។
របបយោធានិយាយថា នឹងមានច្រើនទៀត។ នៅក្នុងបញ្ជីឈ្មោះមានអ្នកត្រួតពិនិត្យវេជ្ជសាស្ត្រ គ្រូពេទ្យឯកទេស និងជំនួយការវេជ្ជបណ្ឌិតជាដើមដែលបានធ្វើកូដកម្មនៅមន្ទីរពេទ្យរដ្ឋក្នុងទីក្រុងធំៗដូចជា យ៉ាំងហ្គោន និងម៉ាន់ដាឡាយ ព្រមទាំងនៅតាមខេត្តទូទាំងប្រទេស។
យោងតាមសេចក្តីប្រកាសប្រចាំថ្ងៃរបស់របបយោធាថា ក្រុមវេជ្ជបណ្ឌិតត្រូវបានចោទប្រកាន់តាមមាត្រា៥០៥ (A)នៃក្រមព្រហ្មទណ្ឌ។ ប្រសិនបើចាប់ខ្លួនបាន និងរកឃើញមានកំហុស វេជ្ជបណ្ឌិតម្នាក់ៗអាចនឹងជាប់ពន្ធនាគារ៣ឆ្នាំ។
ការខិតខំប្រឹងប្រែងលើការចោទប្រកាន់ និងចាប់ខ្លួនគឺជាការគំរាមកំហែងលើក្រុមវេជ្ជបណ្ឌិតដែលមាននៅក្នុងបញ្ជី។ វាក៏ជាសក្ខីភាពមួយដែលបង្ហាញថា របបនេះមានការប្រឆាំងខ្លាំងពីក្រុមគ្រូពេទ្យ។
បន្ទាប់ពីរដ្ឋប្រហារ១កុម្ភៈមក ក្រុមវេជ្ជបណ្ឌិត គិលានិប្បដ្ឋាក និងបុគ្គលិកវិស័យសុខាភិបាលទូទាំងប្រទេសរាប់រយនាក់បានចូលរួមចលនាស៊ីវិលដើម្បីប្រឆាំង។ ពួកគាត់បានចាកចេញពីមន្ទីរពេទ្យដើម្បីចេញតវ៉ានៅតាមដងផ្លូវដើម្បីទាមទារឲ្យដោះលែងមេដឹកនាំប្រទេសគឺលោកប្រធានាធិបតី U Win Myint និងទីប្រឹក្សាររដ្ឋលោកស្រី អ៊ុងសាន ស៊ូជី ព្រមទាំងមេដឹកនាំផ្សេងៗទៀតដែលត្រូវបានឃុំខ្លួន។
ចាប់តាំងពីចុងខែកុម្ភៈមក មន្ទីរពេទ្យជិត១ភាគ៣នៃមន្ទីរពេទ្យរដ្ឋចំនួន១២៦២កន្លែងលែងដំណើរការជិត៣សប្តាហ៍៕
ប្រែសម្រួល៖ វីរបុត្រ
ប្រភព៖ irrawaddy
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ