ព័ត៌មានអន្ដរជាតិ

វ៉េណេស៊ុយអេឡាជួបជាមួយភារធារីអាមេរិក ក្នុងគោលបំណងស្តារប្រទេសជាថ្មី

បានផុស

៣ ខែ មុន

នៅ

ថ្ងៃអង្គារ ៣ កុម្ភៈ ២០២៦

ដោយ

ប្រធានាធិបតីបណ្តោះអាសន្នរបស់វ៉េណេស៊ុយអេឡា លោកស្រី Delcy Rodriguez បានជួបជាមួយអ្នកការទូតកំពូលរបស់ទីក្រុងវ៉ាស៊ីនតោន នៅទីក្រុងការាកាសក្នុងគោលបំណង «ធ្វើការផ្លាស់ប្តូរប្រទេស» បន្ទាប់ពីការចាប់ខ្លួនអតីតប្រធានាធិបតី លោក នីកូឡាស ម៉ាឌូរ៉ូ ដោយសហរដ្ឋអាមេរិក។

លោកស្រី Delcy Rodriguez និង លោកស្រី Laura Dogu ក្នុងក្រុងការាកាស។ AFP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Delcy Rodriguez បានពង្រឹងរដ្ឋាភិបាលថ្មីរបស់ខ្លួន កាលពីថ្ងៃចន្ទ ដោយតែងតាំងសមាជិកគណៈរដ្ឋមន្ត្រីជាច្រើននាក់។

លោកស្រី Laura Dogu ជាសមាជិកបេសកកម្មការទូតនៃទីក្រុងវ៉ាស៊ីនតោន ប្រចាំប្រទេសវ៉េណេស៊ុយអេឡា បានលើកឡើងនៅលើបណ្តាញសង្គម X ថា លោកស្រីបាននិយាយជាមួយ លោកស្រី Rodriguez ពីផែនការរបស់សហរដ្ឋអាមេរិកសម្រាប់ស្ថិរភាពក្នុងនិងក្រៅតំបន់ ពិសេសស្តារសេដ្ឋកិច្ចឡើងវិញ ក៏ដូចជាការផ្សះផ្សា និងការផ្លាស់ប្តូរ។

តែយ៉ាងណាគេមិនទាន់ច្បាស់នូវការលើកឡើងរបស់ លោកស្រី Dogu ចំពោះការផ្លាស់ប្តូរដែលលោកស្រីចង់សំដៅលើនោះទេ។

គួរឱ្យដឹងថា លោក ម៉ាឌូរ៉ូ ឡើងកាន់អំណាចតាំងពីឆ្នាំ ២០១៣ រហូតកងកម្លាំងអាមេរិកបានវាយឆ្មក់ចូលប្រទេស និងចាប់ខ្លួន ប៉ុន្តែរដ្ឋាភិបាលរបស់លោកជាច្រើននៅតែរក្សាតំណែងក្នុងប្រទេស។

រដ្ឋមន្ត្រីការបរទេសវ៉េណេស៊ុយអេឡា លោក Yvan Gil បាននិយាយបន្ទាប់ពីកិច្ចប្រជុំថា ការផ្តោតការទូតឆ្ពោះទៅមុខនឹងពាក់ព័ន្ធនឹងការដោះស្រាយពីការយល់ខុសគ្នា និងភាពចម្រូងចម្រាសជាប្រវត្តិសាស្ត្ររវាងសហរដ្ឋអាមេរិក និងវ៉េណេស៊ុយអេឡា។

លោកបានបន្ថែមថា៖ «យើងបានពិនិត្យមើលការសហការរួមគ្នា ជាពិសេសលើវិស័យថាមពល ពាណិជ្ជកម្ម និងនយោបាយ»៕

ប្រែសម្រួល៖ ណឺ មិនា