ព័ត៌មានអន្ដរជាតិ

អាមេរិកជំរុញឱ្យអ៊ុយក្រែន រៀបចំការបោះឆ្នោតជាតិលឿនបំផុត តាមដែលអាចធ្វើបាន

បានផុស

៥ ខែ មុន

នៅ

ថ្ងៃសៅរ៍ ៧ កុម្ភៈ ២០២៦

ដោយ

សហរដ្ឋអាមេរិកបានជំរុញឱ្យអ៊ុយក្រែន រៀបចំការបោះឆ្នោតជាតិឱ្យបានឆាប់តាមដែលអាចធ្វើទៅបាន។ ជាពិសេស រៀបចំការធ្វើប្រជាមតិ លើកិច្ចព្រមព្រៀងសន្តិភាពដ៏មានសក្តានុពលជាមួយរុស្ស៊ី។

លោក ដូណាល់ ត្រាំ និង លោក Zelensky ។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីសហរដ្ឋអាមេរិក លោក ដូណាល់ ត្រាំ បានជំរុញម្តងហើយម្តងទៀត ចំពោះមេដឹកនាំអ៊ុយក្រែន ឱ្យលោក វ្លូឡូឌីមៀរ ហ្សេលេនស្គី (Vladimir Zelensky) រៀបចំការបោះឆ្នោតឡើងវិញ ចាប់តាំងពីអាណត្តិប្រធានាធិបតីរយៈពេល ៥ ឆ្នាំ របស់ខ្លួន បានផុតកំណត់នៅក្នុងខែឧសភា ឆ្នាំ ២០២៤ ។ នេះបើតាមការចុះផ្សាយរបស់រ៉យទ័រ នៅថ្ងៃទី ៧ ខែកុម្ភៈ។

យ៉ាងណាលោក ហ្សេលេនស្គី បានប្រកែកថា ការរៀបចំការបោះឆ្នោតគឺមិនអាចធ្វើទៅបានក្រោមច្បាប់អាជ្ញាសឹកទេ។

ចំណែកកាលពីខែឆ្នូ ឆ្នាំ ២០២៥ លោកក៏បានលើកឡើងថាច្បាប់ជាតិអាចត្រូវតែធ្វើវិសោធនកម្ម ដើម្បីអនុញ្ញាតក្នុងការបោះឆ្នោះបាន។

សហរដ្ឋអាមេរិកដែលដឹកនាំដោយបេសកជនពិសេស លោក Steve Witkoff និង លោក Jared Kushner បានជំរុញឱ្យមន្ត្រីអ៊ុយក្រែនរៀបចំការបោះឆ្នោត ក្នុងពេលឆាប់ៗនេះ។

លើសពីនេះ ទីភ្នាក់ងារសារព័ត៌មានចំនួនពីរបានរាយការណ៍ថា មន្ត្រីសហរដ្ឋអាមេរិក និងអ៊ុយក្រែនក៏បានពិភាក្សាគ្នាពីលទ្ធភាព នៃការរៀបចំការបោះឆ្នោត រួមទាំងការធ្វើប្រជាមតិលើកិច្ចព្រមព្រៀងសន្តិភាពដ៏មានសក្តានុពលជាមួយរុស្ស៊ីនៅក្នុងខែឧសភា។ ទោះជាយ៉ាងណាក៏ដោយ ប្រភពជាច្រើនបានច្រានចោលនូវការកំណត់ពេលវេលាដែលស្នើឡើងដោយសហរដ្ឋអាមេរិកថា «គួរឱ្យអស់សំណើច»។

រីឯប្រភពមួយផ្សេងទៀតបានលើកឡើងថា៖ « គ្មានដំណើរការអីទេ លើបញ្ហាដែនដី ជម្លោះរវាងក្រុងម៉ូស្គូ និងក្រុងគៀវ»។

គួរឱ្យដឹងថា រុស្ស៊ីបានឆ្លើយតបទៅអ៊ុយក្រែនថា ខ្លួនលែងចាត់ទុកលោក ហ្សេលេនស្គី ជាមេដឹកនាំស្របច្បាប់របស់អ៊ុយក្រែនហើយ។ ចំពោះ ឋានៈរបស់លោកវិញ អាចជារឿងដ៏ស្មុគស្មាញដល់ការចុះហត្ថលេខាលើកិច្ចព្រមព្រៀងសន្តិភាព។

ចំណែកប្រធានាធិបតី វ្ល៉ាឌីមៀរ ពូទីន បាននិយាយកាលពីខែធ្នូថា ទីក្រុងមូស្គូបានត្រៀមខ្លួនរួចជាស្រេច ក្នុងការពិចារណាថានឹងមិនវាយប្រហារខ្លាំង លើអ៊ុយក្រែននៅថ្ងៃបោះឆ្នោតនោះទេ។

មេដឹកនាំអ៊ុយក្រែនរូបនេះ បាននិយាយនៅខែដដែលថា ប្រទេសអ៊ុយក្រែនត្រូវការរយៈពេលបីខែ ដើម្បីរៀបចំការបោះឆ្នោត ពិសេសត្រូវការការធានាផ្នែកសន្តិសុខពីសហរដ្ឋអាមេរិក៕

ប្រែសម្រួល៖ ណឺ មិនា