ព័ត៌មានអន្ដរជាតិ
វិបត្តិមីយ៉ាន់ម៉ាកាន់តែអាក្រក់ទៅៗ មនុស្សរាប់លាននាក់ប្រឈមភាពអត់ឃ្លាន
អង្គការសហប្រជាជាតិបាននិយាយនៅថ្ងៃព្រហស្បតិ៍នេះថា បញ្ហាអសន្ដិសុខស្បៀងអាហារ កំពុងតែកើនឡើងយ៉ាងខ្លាំងនៅក្នុងប្រទេសមីយ៉ាន់ម៉ា បន្ទាប់ពីរដ្ឋប្រហារយោធា ហើយវិបត្តិសេដ្ឋកិច្ចកាន់តែជ្រៅ ត្រូវបានគេរំពឹងថា នឹងជំរុញឲ្យមនុស្សរាប់លាននាក់ទៀតធ្លាក់ចូលទៅក្នុងភាពអត់ឃ្លាន នារយៈពេលប៉ុន្មានខែខាងមុខនេះ។
យោងតាមការវិភាគរបស់អង្គការកម្មវិធីស្បៀងអាហារពិភពលោក (WFP) បានបង្ហាញថា ប្រជាជនរហូតដល់ទៅ ៣.៤លាននាក់ទៀត នឹងតស៊ូក្នុងការផ្គត់ផ្គង់ស្បៀងអាហារក្នុងរយៈពេល៣ទៅ៦ខែខាងមុខ ខណៈតំបន់ជាយក្រុងរងផលប៉ះពាល់ខ្លាំងបំផុតដោយសារតែការបាត់បង់ការងារធ្វើនៅក្នុងវិស័យផលិតកម្ម សំណង់និងសេវាកម្ម ហើយតម្លៃម្ហូបអាហារឡើងថ្លៃ។
នាយកប្រចាំប្រទេសនេះ លោក Stephen Anderson បាននិយាយនៅក្នុងសេចក្តីថ្លែងការណ៍មួយថា “ប្រជាជនក្រីក្រកាន់តែច្រើន បានបាត់បង់ការងារធ្វើ ហើយពួកគេមិនអាចមានលទ្ធភាពផ្គត់ផ្គង់ស្បៀងអាហារបានទេ”។
នៅពេលនេះ ការឆ្លើយតបរួមគ្នាត្រូវបានទាមទារ ដើម្បីកាត់បន្ថយភាពឈឺចាប់ភ្លាមៗនិង ដើម្បីការពារបញ្ហាដ៏គួរឲ្យព្រួយបារម្ភនៅក្នុងសន្តិសុខស្បៀងអាហារ។
WFP បាននិយាយថា តម្លៃអង្ករនៅទីផ្សារបានកើនឡើង៥ភាគរយ និងប្រេងចម្អិនកើនឡើង១៨ភាគរយ ចាប់តាំងពីចុងខែកុម្ភៈមក ហើយមានសញ្ញាថា ក្រុមគ្រួសារនៅរដ្ឋធានីពាណិជ្ជកម្មយ៉ាំងហ្គោនកំពុងផ្អាកបរិភោគអាហារ ឬបរិភោគអាហារគ្មានជីវជាតិ និងជំពាក់បំណុលគេ។
ទីភ្នាក់ងារនេះបាននិយាយថា ខ្លួនគ្រោងនឹងពង្រីកប្រតិបត្តិការ ដោយជួយដល់មនុស្សឲ្យបានដល់ ៣.៣លាននាក់ ហើយកំពុងតែអំពាវនាវសុំប្រាក់ចំនួន១០៦លានដុល្លារ។
ទោះបីជាយ៉ាងណាក៏ដោយ អ្នកនាំពាក្យយោធាមីយ៉ាន់ម៉ា មិនបានឆ្លើយទូរស័ព្ទភ្លាមៗដើម្បីសុំការអត្ថាធិប្បាយទេ៕
ប្រែសម្រួលដោយ៖ Vann Vann
ប្រភព៖ Bangkok Post
ចុចអាន៖ ការវាយប្រហារថ្មីបំផុត យោធាមីយ៉ាន់ម៉ាកំពុងប្តឹង និងតាមចាប់ខ្លួនវេជ្ជបណ្ឌិតរាប់រយនាក់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?