ព័ត៌មានអន្ដរជាតិ

មេ UN អំពាវនាវឲ្យរៀបចំរចនាសម្ព័ន្ធសន្តិសុខអន្តរជាតិឡើងវិញ ខណៈច្បាប់ប្រើកម្លាំងបាយកំពុងរីករាលដាល

បានផុស

៤ ខែ មុន

នៅ

ថ្ងៃអង្គារ ២៤ កុម្ភៈ ២០២៦

ដោយ

នៅក្នុងទីក្រុងហ្សឺណែវប្រទេសស្វីស, អគ្គលេខាធិការអង្គការសហប្រជាជាតិ(UN) អំពាវនាវថា គួររៀបចំរចនាសម្ព័ន្ធសន្តិសុខអន្តរជាតិឡើងវិញ ដើម្បីឆ្លើយតបទៅនឹងសណ្តាប់ធ្នាប់ពិភពលោកដែលកំពុងផ្លាស់ប្តូរយ៉ាងឆាប់រហ័សនាពេលបច្ចុប្បន្ន។ នេះបើយោងតាមរ៉យទ័រ កាលពីថ្ងៃទី២៣ ខែកុម្ភៈ ឆ្នាំ២០២៦ ។

លោក Antonio Guterres អគ្គលេខាធិការអង្គការសហប្រជាជាតិ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Guterres និយាយថា៖ «យើងកំពុងរស់នៅក្នុងសម័យកាលនៃភាពវឹកវរ។ សណ្តាប់ធ្នាប់អន្តរជាតិដែលកំណត់ឲ្យមានទំនាក់ទំនងសន្តិសុខអស់រយៈពេលជិត៨ទសវត្សរ៍មកនេះ ប្រែជាកំពុងផ្លាស់ប្តូរយ៉ាងឆាប់រហ័ស។ ដើម្បីឆ្ពោះទៅមុខបាន យើងត្រូវបង្កើតរចនាសម្ព័ន្ធសន្តិសុខអន្តរជាតិថ្មីមួយ។ រឿងនេះត្រូវផ្អែកលើការវិភាគដោយឈ្លាសវៃពីស្ថានភាពអន្តរជាតិ»។

មិនត្រឹមប៉ុណ្ណឹង UN ព្រមានទៀតថា សិទ្ធិមនុស្សកំពុងស្ថិតក្រោមការវាយប្រហារនៅទូទាំងពិភពលោក ចំណែកការរំលោភបំពានច្បាប់អន្តរជាតិក៏កាន់តែធូររលុងជាងមុនដែរ។ នីតិរដ្ឋកំពុងត្រូវបានគ្របដណ្ដប់ ដោយច្បាប់នៃការប្រើកម្លាំងបាយ។

លោកបន្តថា៖ «នៅជុំវិញពិភពលោក សិទ្ធិមនុស្សកំពុងដើរថយក្រោយដោយចេតនា មានទាំងយុទ្ធសាស្ត្រ និងជួនកាលយ៉ាងមានមោទនភាពទៀតផង»៕

ប្រែសម្រួល៖ ណឺ មិនា