ព័ត៌មានអន្ដរជាតិ

ស្ថានការណ៍នៅម៉ិកស៊ិករឹតវឹកវរ! ក្រុមគ្រឿងញៀន បើករថយន្តបំបុកទ្វារពន្ធនាគារ រំដោះអ្នកទោស ២៣នាក់

បានផុស

៥ ខែ មុន

នៅ

ថ្ងៃពុធ ២៥ កុម្ភៈ ២០២៦

ដោយ

ប៉ូលិសម៉ិកស៊ិកកំពុងតាមរកអ្នកទោសចំនួន២៣នាក់ ដែលលោតចេញពីពន្ធនាគារក្រុង Puerto Vallarta អំឡុងការវាយប្រហារបង្កឡើងដោយក្រុមគ្រឿងញៀន Jalisco New Generation Cartel (CJNG) ខណៈស្ថានការណ៍កាន់តែវឹកវរខ្លាំងទៅៗ។

លោកស្រី Claudia Sheinbaum ប្រធានាធិបតីម៉ិកស៊ិក។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម BCC ចុះផ្សាយថ្ងៃទី២៤ ខែកុម្ភៈ, នៅទីនោះ មេក្រុម CJGN បានបិទផ្លូវ និងដុតរថយន្តដើម្បីសងសឹក ចំពោះការសម្លាប់មេក្រុមរបស់ពួកគេ គឺលោក Nemesio Oseguera Cervantes ឬ «El Mencho»។

មន្ត្រីម្នាក់និយាយថា អំឡុងពេលមានភាពចលាចល បុរសប្រដាប់អាវុធបានបើករថយន្តបំបុកទ្វារពន្ធនាគារ ហើយរំដោះអ្នកទោសចំនួន ២៣នាក់ឲ្យរត់គេចខ្លួន។

ជុំវិញករណីនេះ លោក Juan Pablo Hernández លេខាធិការសន្តិសុខរដ្ឋ Jalisco និយាយថា ការិយាល័យរបស់លោកកំពុងធ្វើការជាមួយរដ្ឋដទៃទៀត ដើម្បីចាប់អ្នកទោសដែលរត់គេចខ្លួន។

យ៉ាងណា មន្ត្រីមិនទាន់ចេញផ្សាយព័ត៌មានលម្អិតពីអត្តសញ្ញាណរបស់អ្នកទោសដែលបានរត់គេចខ្លួននៅឡើយទេ។

សូមជម្រាបថា មុនពេលស្លាប់ El Mencho គឺជាបុរសម្នាក់ដែលម៉ិកស៊ិកតាមចាប់ខ្លួនជាយូរណាស់មកហើយ។ ក្រោមការដឹកនាំរបស់បុរសម្នាក់នេះ ក្រុម CJGN បានក្លាយជាអង្គការឧក្រិដ្ឋកម្មឆ្លងដែនដ៏មានឥទ្ធិពលនិងបន្តពង្រីកខ្លួនក្នុងរដ្ឋ Jalisco ទៅកាន់រដ្ឋម៉ិកស៊ិកជាច្រើនទៀត៕

ប្រែសម្រួល៖ ណឺ មិនា