ព័ត៌មានអន្ដរជាតិ
អ្នកស្លាប់ដោយកូវីដនៅ ប្រេស៊ីល ភាគច្រើនជាប្រជាជនវ័យក្មេងអាយុក្រោម ៣០ ឆ្នាំ ហើយកើនឡើងជាង ១ ពាន់ភាគរយ
ប្រជាជនប្រេស៊ីលវ័យក្មេងកំពុងរងផលប៉ះពាល់កាន់តែខ្លាំងឡើង ដោយសារជំងឺកូវីដ ១៩ ខណៈអ្នកដែលមានអាយុ ២០ ឆ្នាំ បង្ហាញពីការកើនឡើងយ៉ាងខ្លាំងនៃការស្លាប់ គិតមកត្រឹមក្នុងឆ្នាំនេះ ។ នេះបើយោងតាមរបាយការណ៍ ដែលចេញផ្សាយដោយវិទ្យាស្ថានជីវសាស្រ្ត Fiocruz កាលពីថ្ងៃសុក្រ ។
វិទ្យាស្ថាននេះបានរកឃើញថា ចំនួននៃការស្លាប់ដោយសារជំងឺកូវីដ ១៩ ស្ថិតក្នុងចំណោមប្រជាជនដែលមានអាយុចន្លោះពី ២០ ទៅ ២៩ ឆ្នាំ បានកើនឡើងជាង ១,០០០ ភាគរយនៅដើមឆ្នាំនេះ ពោលនៅមុនពេលដែល ប្រទេសប្រេស៊ីលចាប់ផ្ដើមយុទ្ធនាការចាក់វ៉ាក់សាំង និងនៅពាក់កណ្តាលខែមេសា ។
ការស្រាវជ្រាវបានរកឃើញថា ការស្លាប់ក្នុងចំណោមអ្នកដែលមានអាយុពី ៣០ ទៅ ៣៩ ឆ្នាំ បានកើនឡើង ៨១៩ ភាគរយ រីឯអ្នកស្លាប់ក្នុងចំណៅមក្រុមអាយុពី ៤០ ទៅ ៤៩ ឆ្នាំ បានកើនឡើង ៩៣៣ ភាគរយ ។
Fiocruz បាននិយាយថា ការកើនឡើងនៃការស្លាប់របស់ប្រជាជនវ័យក្មេង អាចមកពីកត្តាការបន្ធូរបន្ថយនៃការរឹតបន្តឹង ឬការហត់នឿយនៃការបង្ខាំងនៅផ្ទះ ។
យោងតាមការស្រាវជ្រាវនេះបានឲ្យដឹងថា អាយុជាមធ្យមនៃអ្នកជំងឺសម្រាកព្យាបាលនៅមន្ទីរពេទ្យ បច្ចុប្បន្នេះមានអាយុប្រហែល ៥៨ ឆ្នាំ បើប្រៀបធៀបនឹងអាយុ ៦២ ឆ្នាំនៅដើមឆ្នាំ ខណៈអាយុជាមធ្យមរបស់អ្នកដែលបានស្លាប់ដោយសារជំងឺកូវីដ ១៩ បានថយចុះមកនៅត្រឹម ៦៥ ឆ្នាំ បើធៀបនឹង ៧២ ឆ្នាំក្នុងខែមករា ។
ការសិក្សាបានបង្ហាញថា ស្ថានភាពនៅប្រេស៊ីលនៅតែធ្ងន់ធ្ងរ ។ រដ្ឋចំនួន ១៤ មានអត្រាអ្នកចូលក្នុងបន្ទប់សង្គ្រោះបន្ទាន់ (ICU) ខ្ពស់លើសពី ៩០ ភាគរយ ខណៈដែលរដ្ឋចំនួន ៧ ផ្សេងទៀតមានកម្រិតចន្លោះពី ៨០ ភាគរយទៅ ៨៩ ភាគរយ ។
គួរបញ្ជាក់ថា គិតត្រឹមពេលនេះប្រទេសប្រេស៊ីល មានករណីឆ្លងជំងឺកូវីដ ១៩ សរុប ១៤,២៣៨,១១០ ករណី និងមានអ្នកស្លាប់ចំនួន ៣៨៦,៦២៣ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ កូវីដ នៅប្រេស៊ីល ២៤ ម៉ោងចុងក្រោយ ឆ្លងថ្មីជាង ៤ ម៉ឺនករណី ស្លាប់ ១,៦៥៧ នាក់
ចុចអាន ៖ ស្លាប់ច្រើនទៅៗ ប្រេស៊ីល បើកការស៊ើបអង្កេតលើលោកប្រធានាធិបតី Bolsonaro
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)