ព័ត៌មានអន្ដរជាតិ
លោក ណេតាន់យ៉ាហ៊ូ ឱ្យមេដឹកនាំពិភពលោកចូលរួមក្នុងសង្គ្រាមដែលខ្លួនចាប់ផ្តើម
សង្រ្គាមនៅអ៊ីរ៉ង់ឈានចូលដល់សប្តាហ៍ទី៤ រាល់ភាគីពាក់ព័ន្ធមិនទាន់មាននរណាម្នាក់បានបន្ធូរដៃក្នុងសង្រ្គាមនេះនៅឡើយទេ ជាក់ស្តែងអ៊ីរ៉ង់បន្តវាយប្រហារសងសឹកទៅលើអាមេរិកនិងអ៊ីស្រាអែលវិញនៅទូទាំងតំបន់មជ្ឈិមបូព៌ានិងទីក្រុងខ្លះនៅអ៊ីស្រាអែលផងដែរ។
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បានអំពាវនាវឱ្យមេដឹកនាំពិភពលោកចូលរួមក្នុងប្រតិបត្តិការ Roaring Lion និង Epic Fury របស់ខ្លួននិងអាមេរិកប្រឆាំងនឹងអ៊ីរ៉ង់ អំឡុងពេលលោកនិងមន្ត្រីអ៊ីស្រាអែលជាច្រើនរូបទៀតបានទៅទស្សនាទីតាំងដែលអ៊ីស្រាអែលរងការវាយប្រហារដោយមីស៊ីលរយៈចម្ងាយឆ្ងាយរបស់អ៊ីរ៉ង់នៅភាគខាងត្បូងទីក្រុង Arad កាលពីថ្ងៃអាទិត្យ។
លោក ណេតាន់យ៉ាហ៊ូ ព្រមានថា៖«អ៊ីរ៉ង់មានសមត្ថភាពវាយប្រហារយ៉ាងជ្រៅទៅក្នុងទ្វីបអឺរ៉ុប។ ពួកគេកំពុងដាក់មនុស្សគ្រប់គ្នាឱ្យស្ថិតនៅក្នុងគោលដៅរបស់ពួកគេ»។
យោងតាមសារព័ត៌មាន The Jerusalem Post ផ្សាយថ្ងៃទី២២ ខែមីនា មានអ្នកសារព័ត៌មានបានសួរ លោក ណេតាន់យ៉ាហ៊ូ អំឡុងពេលលោកចុះទៅមើលកន្លែងរងគ្រោះថា៖ «តើការឆ្លើយតបរបស់អ៊ីស្រាអែល ចំពោះការវាយប្រហាររបស់អ៊ីរ៉ង់យ៉ាងម៉េចដែរ»?
លោកឆ្លើយថា៖ «យើងអាចឆ្លើយតបដោយកម្លាំងដ៏ខ្លាំងក្លាបាន ប៉ុន្តែមិនមែនឆ្លើយតបលើទីតាំងជនស៊ីវិលទេ»។
លោកបន្តថា៖ «ប្រសិនបើអ្នកចង់បានភស្តុតាងដែលបង្ហាញថា អ៊ីរ៉ង់ធ្វើឱ្យពិភពលោកទាំងមូលទៅជាយ៉ាងណា ក្នុងរយៈពេល ៤៨ម៉ោងទៀតនឹងបានបញ្ជាក់ហើយ។ ពួកគេបានបាញ់ទៅលើក្រុងយេរូសាឡឹម (Jerusalem) នៅជាប់នឹងកន្លែងពិសិដ្ឋនៃជំនឿតែមួយនៃព្រះទាំងបី»។
លោក ណេតាន់យ៉ាហ៊ូ ចង្អុលបង្ហាញថា៖ «ដល់ពេលដែលត្រូវឃើញមេដឹកនាំនៃប្រទេសដទៃទៀតចូលរួម។ ខ្ញុំរីករាយដែលឃើញថាពួកគេមួយចំនួនកំពុងធ្វើដំណើរទៅក្នុងទិសដៅនោះ(ជួយអ៊ីស្រាអែល-អាមេរិក) ប៉ុន្តែយើងត្រូវការច្រើនជាងនេះ»។
គួរបញ្ជាក់ថា ការវាយប្រហារដោយមីស៊ីលរបស់អ៊ីរ៉ង់កាលពីថ្ងៃសៅរ៍បានធ្វើឱ្យមនុស្សរាប់សិបនាក់រងរបួស និងបំផ្លិចបំផ្លាញហេដ្ឋារចនាសម្ព័ន្ធយ៉ាងធ្ងន់ធ្ងរដល់តំបន់ Arad។
ទោះបីជាមានការអះអាងបែបនេះពីនាយករដ្ឋមន្ត្រីអ៊ីស្រាអែល ក៏សង្គ្រាមនៅអ៊ីរ៉ង់ដែលបានចាប់ផ្តើមឡើងដោយអាមេរិកនិងអ៊ីស្រាអែលនេះ ត្រូវបានពិភពលោកថ្កោលទោសចំពោះការសម្រេចចិត្តនេះ ហើយ សម្ព័ូន្ធមិត្តសំខាន់ៗរបស់សហរដ្ឋអាមេរិក បានបដិសេធមិនចូលរួមក្នុងសកម្មភាពសង្គ្រាមនេះទេ៕
ប្រែសម្រួល៖ ណឺ មិនា
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៩ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម