កូរ៉េខាងជើង ទាត់ចោលជំនួយការពារកូវីដពីកូរ៉េខាងត្បូង និងអះអាងគ្មានអ្នកឆ្លងសូម្បីតែម្នាក់

រដ្ឋាភិបាលកូរ៉េខាងត្បូង បានអនុញ្ញាតទៅលើគម្រោងរបស់អង្គការក្រៅរដ្ឋាភិបាល បញ្ជូនឧបករណ៍ជំនួយធ្វើចក្តាឡីស័កជំងឺកូវីដ ១៩ ទៅកាន់កូរ៉េខាងជើង សរុប ៦ អង្គការ ប៉ុន្តែការបញ្ចូនជំនួយទាំងនេះ បែរជាបរាជ័យក្រោយកូរ៉េខាងជើង បដិសេធមិនព្រមទទួលយក។ នេះបើតាមការអះអាងពីក្រសួងបង្រួបបង្រួមកូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងគោលដៅជួយទប់ស្កាត់កូវីដ ១៩ ជាមួយបងប្អូនខាងជើង កូរ៉េខាងត្បូង បានអនុញ្ញាតទៅលើសំណើរសរុប ៦ ដើម្បីបញ្ជូនជំនួយគិតជាទឹកប្រាក់ ១,៧៦ពាន់លានវុន ស្មើនិង ១,៥លានដុល្លារ ហើយតាមផែនការ គឺគ្រោងធ្វើឡើងចាប់ពីថ្ងៃ ៣១ មីនា និងបញ្ចប់ត្រឹមថ្ងៃ ១២ សីហាមកម៉្លេះ។ នេះជាការបញ្ជាក់ពីសំណាក់លោក Jeon Hae-cheol មេដឹកនាំបក្សប្រជាធិបតេយ្យនៃប្រទេសកូរ៉េ។

ជំនួយទាំងនេះ ក៏រាប់បញ្ចូលទាំងជំនួយរបស់អង្គការសុខភាពពិភពលោក កាកបាតក្រហមអន្តរជាតិ និងអង្គការ UNICEF ប៉ុន្តែយ៉ាងណា នៅតែមិនអាចបញ្ជូនទៅកូរ៉េខាងជើងបាន ដោយសារកូរ៉េខាងជើង បិទព្រំដែនយ៉ាងជិត មិនអនុញ្ញាតឲ្យមានការចេញចូលនោះឡើយ។

មកទល់នឹងពេលនេះ រដ្ឋាភិបាលព្យុងយ៉ាង នៅតែអះអាង ប្រទេសខ្លួនគ្មានករណីឆ្លងកូវីដ ១៩ នោះទេ ដោយតួលេខឆ្លងនៅតែសូន្យ។ នេះបើតាមការដកស្រង់ពីកាសែតរដ្ឋកូរ៉េខាងជើង Rodong Sinmun ចេញផ្សាយកាលពីថ្ងៃពុធ៕

ប្រែសម្រួល៖ សុភា
ប្រភព៖ Korea Times

អត្ថបទពាក់ព័ន្ធ៖

• នាំ​គ្នាសម្រុក​ចាក់​វ៉ាក់សាំងផ្តាសាយដើម្បីការពារកូវីដ ១៩ ស្លាប់ ១៣នាក់
• ទីផ្សារតុក្កតាសិចរបស់ចិនកំពុងមានកំណើនពីអតិថិជនរាប់ពាន់នាក់ អំឡុងពេលជំងឺកូវីដ ១៩