Connect with us

ព័ត៌មានអន្ដរជាតិ

អ៉ីស្រាអែល​រក​ឃើញ​ករណី​រលាក​បេះ​ដូង​​តិច​តួច​ប្រហែល​​ពាក់​​ព័ន្ធ​នឹង​វ៉ាក់​សាំង​ Pfizer

បានផុស

នៅ

ក្រសួង​សុខាភិបាល​អ៉ីស្រាអែល​នៅ​ថ្ងៃ​អង្គារ៍ ទី​១ ខែ​មិថុនា​បាន​និយាយ​ថា ខ្លួន​បាន​រក​ឃើញ​​​​ករណី​រលាកបេះ​ដូង​មួយចំនួន​តូច​ដែល​តាម​ការសង្កេត​​​គឺ​នៅ​លើ​បុរស​វ័យ​ក្មេង​ដែល​បាន​ចាក់​វ៉ាក់សាំង​ការពារ​កូវីដ-១៩ Pfizer នៅ​ប្រទេស​អ៉ីស្រាអែល​ដែល​ទំនង​ជា​ពាក់​ព័ន្ធ​នឹង​ការ​ចាក់​វ៉ាក់សាំង​។

ក្រុម​ហ៊ុន​វ៉ាក់សាំង Pfizer បាន​និយាយ​ថា ខ្លួន​​រកមិន​ឃើញ​មាន​អត្រា​អ្វី​ខ្ពស់​​​​ពាក់​ព័ន្ធ​នឹង​​អាការ​ដែល​គេ​ស្គាល់​ថា រលាក​បេះ​ដូង​ ដែល​ជា​ទូទៅ​កើត​មាន​​នៅ​លើ​ប្រជា​ជន​ទូទៅ។ យ៉ាង​ណា នៅ​ថ្ងៃ​អង្គារ៍ ក្រុម​ហ៊ុន​វ៉ាក់សាំង​នេះ​មិន​ទាន់​មាន​ការ​ឆ្លើយ​បំភ្លឺ​ភ្លាម​ៗ​ទេ។

វ៉ាក់សាំង​
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួង​សុខាភិបាល​បាន​និយាយ​នៅ​ក្នុង​ការ​បង្ហាញលទ្ធផល​នៃ​​​​ការ​សិក្សា​មួយ​ថា នៅ​ប្រទេស​អ៉ីស្រាអែល មាន​ករណី​រលាក​បេះ​ដូង​២៧៥​នាក់​ត្រូវ​បាន​រាយការណ៍​ចន្លោះ​ពី​ខែ​ធ្នូ ឆ្នាំ​២០២០ និង​ខែ​ឧសភា ឆ្នាំ​២០២១ នៅ​ក្នុង​ចំណោម​ប្រជា​ជន​ជាង​​៥​លាន​នាក់​ដែល​បានចាក់​វ៉ាក់សាំង​រួច។

ក្រសួង​បាន​និយាយ​​ដោយ​យោង​​​លើ​ការ​សិក្សា​​ដែល​ត្រូវ​បាន​ធ្វើ​ឡើង​ដោយ​អ្នក​ជំនាញ​៣​ក្រុម​​ថា អ្នក​ជំងឺ​ភាគ​ច្រើន​​​មាន​​អាការ​រលាក​បេះ​ដូង​ដែល​ត្រូវ​ចំណាយ​ពេល​សម្រាក​ពេទ្យ​មិន​លើស​ពី​៤​ថ្ងៃ​ឡើយ ហើយ​៩៥​%នៃ​ករណី​​ទាំង​អស់​នោះ​​មាន​អាការ​​ស្រាល។

ការ​សិក្សា​រក​ឃើញ​ថា ៖«​ប្រហែល​ជា​មាន​ពាក់​ព័ន្ធ​​រវាង​ការ​ចាក់​វ៉ាក់សាំង Pfizer ដូស​ទី​២ និង​ការ​លេច​ឡើង​នូវ​អាការ​រលាក​បេះ​ដូង​ក្នុង​ចំណោម​បុរស​អាយុ​១៦​ឆ្នាំ​ទៅ​៣០​ឆ្នាំ»។

យោង​តាម​ការ​រក​ឃើញ​ ករណី​ភ្ជាប់​ត្រូវ​បាន​គេ​សង្កេត​ឃើញ​ថា​មាន​ក្នុង​ចំណោម​មនុស្ស​ប្រុស​អាយុ​១៦​ទៅ​៣០​ឆ្នាំ​ច្រើន​ជាង​ក្រុម​អាយុ​ផ្សេង​ទៀត។

ការ​ចាក់វ៉ាក់សាំង​នៅ​ប្រទេស​អ៉ីស្រាអែល

មជ្ឈមណ្ឌល​សម្រាប់​ការគ្រប់​គ្រង និង​បង្ការ​ជំងឺ​ឆ្លង​អាមេរិក​កាល​ពី​ខែ​មុន​បាន​ណែនាំ​ឲ្យ​មាន​ការ​សិក្សា​បន្ថែម​ទៀត​ជុំ​វិញ​ករណី​ពាក់​ព័ន្ធ​នឹង​រលាក​បេះ​ដូង និង​វ៉ាក់សាំង mRNA ដែល​មាន​ Pfizer និង Moderna។

ប្រទេស​អ៉ីស្រាអែល​បាន​កំពុង​ឈាន​មុខ​គេ​​នៅ​ក្នុង​ពិភព​លោក​សម្រាប់​កម្មវិធី​ចាក់​វ៉ាក់សាំង​ទទួល​បាន​ជោគជ័យ​ដល់​ប្រជា​ជន​របស់​ខ្លួន។ ប្រជា​ជន​ប្រមាណ​៥៥​%​ហើយ​ដែល​បាន​ចាក់​វ៉ាក់​វ៉ាក់សាំង​រួច​រាល់៕

ប្រែ​សម្រួល៖ វីរបុត្រ
ប្រភព៖ CNA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤១ នាទី មុន

លម្អិតការវាយប្រហារភេរវកម្មនៅរុស្ស៊ី ខណៈមនុស្សស្លាប់ កើនដល់ ១៣៧នាក់

បច្ចេកវិទ្យា១៦ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១៦ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១៧ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១៧ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម