ព័ត៌មានអន្ដរជាតិ

ម៉ាឡេស៊ីស្លាប់ដោយកូវីដប្រចាំថ្ងៃច្រើនបំផុតជាប់កំណត់ត្រាថ្មី

បានផុស

៥ years មុន

នៅ

ថ្ងៃព្រហស្បតិ៍ ៣ មិថុនា ២០២១

ដោយ

ប្រទេសម៉ាឡេស៊ីនៅថ្ងៃពុធ ទី២ ខែមិថុនា បានប្រកាសពីករណីស្លាប់ដោយកូវីដ-១៩ច្រើនបំផុតប្រចាំថ្ងៃគឺ ១២៦នាក់ ចាប់តាំងជំងឺកូវីដ-១៩បានផ្ទុះឡើងនៅប្រទេសមួយនេះ។

ប្រទេសនៅអាស៊ីអាគ្នេយ៍មួយនេះបានកំពុងឃើញករណីឆ្លងកូវីដ-១៩ហក់ឡើងខ្ពស់ខ្លាំងបំផុតដែលផ្នែកខ្លះបណ្តាលមកវីរុសបំប្លែងខ្លួនថ្មី ហើយការដាក់បំរាមបិទទូទាំងប្រទេសរយៈពេល២សប្តាហ៍ទើបចាប់ផ្តើមកាលពីថ្ងៃទី១ ខែមិថុនា។

អាជ្ញាធរបានឲ្យដឹងដែរថា នៅថ្ងៃពុធ ម្សិលមិញនេះដែរ ករណីឆ្លងថ្មីមានចំនួន៧៧០៣នាក់។

វាជាចំនួនមរណភាពដោយកូវីដ-១៩ប្រចាំថ្ងៃច្រើនបំផុតលើកដំបូងនៅប្រទេសម៉ាឡេស៊ី ចាប់តាំងពីចំនួនស្លាប់ច្រើនបំផុត៩៨នាក់កាលពីថ្ងៃសៅរ៍ចុងសប្តាហ៍មុន ហើយករណីឆ្លងថ្មីក៏ជាប់កំណត់ត្រាដែរគឺ ៩០២០នាក់។

រហូតដល់ពេលនេះតួលេខឆ្លងកូវីដ-១៩សរុបនៅប្រទេសម៉ាឡេស៊ីឡើងដល់ ៥៨៧ ១៦៥នាក់ ហើយតួលេខមរណភាពសរុបឡើងដល់២៩៩៣នាក់។

នាយករដ្ឋមន្ត្រីម៉ាឡេស៊ីលោក Muhyiddin Yassin កាលពីថ្ងៃចន្ទដើម្បីសប្តាហ៍នេះទើបតែបានប្រកាសគម្រោងចំណាយប្រាក់ចំនួន ៣០២ប៊ីលានដុល្លារអាមេរិកដើម្បីជាជំនួយដល់ការដាក់បំរាមរឹតត្បិត។

ប្រទេសម៉ាឡេស៊ីនឹងដាក់បំរាមបិទខ្ទប់ពេញបន្ទុកទូទាំងប្រទេសចាប់ពីថ្ងៃទី១ ដល់ទី១៤ ខែមិថុនា នេះដើម្បីទប់ស្កាត់កូវីដ-១៩ដែលកំពុងរាតត្បាតខ្លាំង។ នេះបើតាមសេចក្តីប្រកាសព័ត៌មានដែលបានផ្សាយលើផេករបស់លោកនាយករដ្ឋមន្ត្រី Muhyiddin Yassin នៅយប់ថ្ងៃសុក្រ ទី២៨ ខែឧសភា។

សេចក្តីប្រកាសដែលចេញដោយការិយាល័យនាយករដ្ឋមន្ត្រីឲ្យដឹងថា គ្រប់ផ្នែកនៃសកម្មភាពសេដ្ឋកិច្ច និងសង្គមនឹងត្រូវបិទទាំងអស់នៅក្នុងបំរាមបិទខ្ទប់ពេញបន្ទុក។ មានតែផ្នែកសេដ្ឋកិច្ចសំខាន់ និងសេវាកម្មដែលមាននៅក្នុងបញ្ជីរបស់ក្រុមប្រឹក្សាសន្តិសុខជាតិប៉ុណ្ណោះដែលនឹងអនុញ្ញាតឲ្យដំណើរការនៅក្នុងដំណាក់កាលបំរាមបិទខ្ទប់ដំណាក់កាលទី១៕

ប្រែសម្រួល៖ វីរបុត្រ
ប្រភព៖ CNA