ក្រោយការវាយប្រហាររបស់ អ៊ីស្រាអែល រយៈពេល ១១ ថ្ងៃ ប្រជាជនប៉ាឡេស្ទីន ២០ ម៉ឺននាក់ត្រូវការជំនួយផ្នែកសុខភាពជាចាំបាច់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រោយការវាយប្រហាររបស់ អ៊ីស្រាអែល រយៈពេល ១១ ថ្ងៃ ប្រជាជនប៉ាឡេស្ទីន ២០ ម៉ឺននាក់ត្រូវការជំនួយផ្នែកសុខភាពជាចាំបាច់

បានផុស

នៅ

ក្រុមមន្ត្រីមកពី អង្គការសហប្រជាជាតិ (UN) និងកាកបាទក្រហម បានចុះទៅតំបន់ហ្គាហ្សាស្ទ្រីប ដើម្បីពិនិត្យមើលការបំផ្លិចបំផ្លាញ ពីការទម្លាក់គ្រាប់បែករយៈពេល ១១ ថ្ងៃរបស់អ៊ីស្រាអែល ដែលរួមមានការខូចខាតផ្ទះសម្បែង សាលារៀន មន្ទីរពេទ្យ និងហេដ្ឋារចនាសម្ព័ន្ធសំខាន់ៗផ្សេងទៀត ជាដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ នៅក្នុងសេចក្តីថ្លែងការណ៍មួយកាលពីថ្ងៃពុធ អង្គការសុខភាពពិភពលោក (WHO) បានព្រមានអំពី “តម្រូវការសុខភាពដែលគួរឲ្យភ្ញាក់ផ្អើល” នៅទូទាំងទឹកដីប៉ាឡេស្ទីន ដោយនិយាយថា ជម្លោះនេះបានបង្កឲ្យមានការ ផ្លាស់ទីលំនៅប្រជាជនបន្ថែម និងធ្វើឲ្យវិបត្តិមនុស្សធម៌ កាន់តែអូសបន្លាយ ។

WHO បាននិយាយថា “ប្រជាជនជាង ៧៧,០០០ នាក់ត្រូវបានផ្លាស់ប្តូរទីលំនៅ ហើយមណ្ឌលសុខភាពប្រហែល ៣០ ត្រូវបានខូចខាត ។ WHO កំពុងបង្កើនការឆ្លើយតបរបស់ខ្លួន ក្នុងការផ្តល់ជំនួយសុខភាពដល់ប្រជាជនជិត ២០០,០០០ នាក់ ដែលកំពុងខ្វះខាត នៅទូទាំងទឹកដីប៉ាឡេស្ទីន រួមទាំងតំបន់ West Bank ផងដែរ” ។

ជាមួយគ្នានេះដែរ ប្រធានគណៈកម្មាធិការ កាកបាទក្រហមអន្តរជាតិ (ICRC) បានអំពាវនាវរកប្រាក់ជាង ១៦ លានដុល្លារ ដើម្បីជួយប្រជាជននៅតំបន់ហ្គាហ្សា ។

បន្ទាប់ពីការធ្វើទស្សនកិច្ចនៅតំបន់ហ្គាហ្សា ដែលត្រូវបានបំផ្លិចបំផ្លាញ ដោយការទម្លាក់គ្រាប់បែករបស់អ៊ីស្រាអែល លោក Robert Mardini ប្រធាន ICRC បានប្រាប់ Al Jazeera ថា “ការភ័យខ្លាច ការថប់បារម្ភ និងភាពតានតឹង គឺជាពាក្យគន្លឹះដែលខ្ញុំបាននិយាយ ម្តងហើយម្តងទៀតនៅថ្ងៃនេះ” ។

ដោយអំពាវនាវឲ្យមាន ដំណោះស្រាយនយោបាយដ៏មានអត្ថន័យមួយ ដើម្បីបញ្ចប់ជម្លោះដ៏យូរអង្វែងនេះ លោកបាននិយាយថា “ទោះបីការកើនឡើងខ្លីជាងស្ថានភាពមុនក៏ដោយ វានឹងចំណាយពេលជាច្រើនឆ្នាំ ដើម្បីកសាងឡើងវិញនូវអ្វីដែលខូចខាត ពីការវាយប្រហារតែក្នុងរយៈពេល ១១ ថ្ងៃប៉ុណ្ណោះ” ។

បើយោងតាមអាជ្ញាធរសុខាភិបាល នៅតំបន់ហ្គាហ្សាបានឲ្យដឹងថា ការវាយប្រហាររបស់អ៊ីស្រាអែល មកលើតំបន់នេះ ដែលចាប់ផ្តើមកាលពីថ្ងៃទី ១០ ឧសភា បានសម្លាប់ប្រជាជនប៉ាឡេស្ទីន យ៉ាងតិច ២៥៤ នាក់ក្នុងនោះមានកុមារ ៦៦ នាក់ ហើយយ៉ាងហោចណាស់ មានមនុស្ស ១២ នាក់ ក្នុងនោះមានកុមារ ២ នាក់ ត្រូវបានសម្លាប់នៅអ៊ីស្រាអែល ដោយសារការវាយប្រហារពីគ្រាប់រ៉ុកកែត ធ្វើឡើងដោយក្រុមប្រដាប់អាវុធ ដែលមានមូលដ្ឋាននៅតំបន់ហ្គាហ្សា ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ប្រមុខសិទ្ធិមនុស្ស UN ចាត់ទុកការវាយប្រហាររបស់អ៊ីស្រាអែលលើតំបន់ហ្គាហ្សា ជាឧក្រិដ្ឋកម្មសង្គ្រាម

ចុចអាន ៖ មេដឹកនាំក្រុម ហាម៉ាស ថា នឹងមិនប៉ះជំនួយអន្តរជាតិសូម្បីមួយសេន សម្រាប់ការកសាងតំបន់ហ្គាហ្សាឡើងវិញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍៤ ម៉ោង មុន

រថយន្ត TOYOTA HILUX VIGO ប្រ​លះ​បង្គោល​ភ្លើង​បំភ្លឺ​ផ្លូវ​បាក់​អស់​១​ដើម​នៅក្នុង​បរិវេណ​បឹងកក់​

ព័ត៌មានជាតិ៤ ម៉ោង មុន

បិទ​ដំណើរការ​តូប​លក់ដូរ នៅ​ទីប្រជុំជន​ផ្សារ​វាល​យន្ត ក្រុង​ស្វាយរៀង រយៈពេល​៨​ថ្ងៃ ដើម្បី​ទប់ស្កាត់​ជំងឺ​កូ​វីដ​-១៩

ព័ត៌មានជាតិ៤ ម៉ោង មុន

ក្លឹប​កំសាន្ត​មួយ​ ត្រូវ​បាន​អគ្គិភ័យ​បំផ្លាញ​ជា​លើក​ទី​២​អស់ទាំង​ស្រុង

កីឡា៥ ម៉ោង មុន

ជិត​ដល់​ថ្ងៃ​ឡើង​ការពារ​ខ្សែក្រវាត់​! Pacio បាន​បង្ហើប​អំពី​ការ​ជួបគ្នា​លើក​ទី​៣​ទល់នឹង Saruta

ព័ត៌មានជាតិ៧ ម៉ោង មុន

សប្បុរសជន​ផ្តល់​អង្ករ​១០​តោន ជូន​រដ្ឋបាល​រាជធានី ដើម្បី​ជួយឧបត្ថម្ភ​ជីវភាព ពលរដ្ឋ​រងគ្រោះ​ឬ​រង​ផល​ប៉ះពាល់​ធ្ងន់ធ្ងរ​ដោយ​មេរោគ​កូ​វីដ​-១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services