លេចចេញវីរុសបំប្លែងខ្លួនមិនខ្លាចវ៉ាក់សាំងថ្មីមួយប្រភេទទៀត កំពុងអុកឡុក អឺរ៉ុប

ជនបរទេសដែលរីករាយនឹងថ្ងៃឈប់សម្រាក កំពុងស្ថិតក្នុងហានិភ័យដោយសារតែវីរុសបំប្លែងខ្លួនមួយប្រភេទ មានដើមកំណើតចេញពីប្រទេសនេប៉ាល់​ ហើយបច្ចុប្បន្ន វីរុសបានរាលដាលដល់ទ្វីបអឺរ៉ុបហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមមន្រ្តីអះអាងថា “វីរុសបំប្លែងខ្លួននេប៉ាល់” គឺមានភាពធន់នឹងវ៉ាក់សាំង ហើយអ្នកវិទ្យាសាស្ត្ររបស់រដ្ឋាភិបាល បានព្រមានដល់ក្រុមរដ្ឋមន្រ្តីរួចទៅហើយ អំពីគ្រោះថ្នាក់នៃវីរុសបំប្លែងខ្លួននេះ។

ក្រុមអ្នកវិទ្យាសាស្ត្រ មកពីមជ្ឈមណ្ឌល Joint Biosecurity ត្រូវបានគេរាយការណ៍ថា កំពុងមានក្តីព្រួយបារម្ភអំពីការកើនឡើងនៃអត្រាឆ្លង និងការលេចឡើងនៃវីរុសបំប្លែងខ្លួននៅតាមចំណុចទេសចរណ៍។

ទោះបីជាយ៉ាងណាក៏ដោយ ប្រទេសនានា មិនទាន់បញ្ចេញតួលេខអំពីការឆ្លងវីរុសនេប៉ាល់នៅឡើយទេ។

ប្រព័ន្ធសុខាភិបាលក្នុងប្រទេសនេប៉ាល់ កំពុងឈានទៅរកការដួលរលំ បន្ទាប់ពីមានការរីករាលដាលដ៏គួរឲ្យភ័យខ្លាច ចំពោះករណីជំងឺកូវីដ-១៩។

ចំនួននៃការឆ្លងប្រចាំថ្ងៃក្នុងប្រទេសនេប៉ាល់ បានថយចុះក្រោម ១០០ករណីក្នុងខែមីនា។ ប៉ុន្តែគិតត្រឹមពាក់កណ្តាលខែឧសភា ការឆ្លងថ្មីជាង៩,០០០ករណី ត្រូវបានកត់ត្រាក្នុងមួយថ្ងៃ៕

ប្រែសម្រួល៖ Vann Vann

ប្រភព៖ The Sun

ចុចអាន៖ អ្នកវិទ្យាសាស្រ្ត ប្រាប់ទីតាំង ៩កន្លែង ដែលនឹងផ្ទុះជំងឺកូវីដថ្មី ដ៏សាហាវ នាពេលអនាគត