ព័ត៌មានអន្ដរជាតិ
កប៉ាល់ជំនួយដំបូងដឹកអាហារជិត ២០០ តោនពីប្រទេសស៊ីបទៅតំបន់ហ្គាហ្សា
កប៉ាល់ដឹកស្បៀងអាហារជិត ២០០ តោនទៅកាន់តំបន់ហ្គាហ្សាបានចាកចេញពីកំពង់ផែមួយក្នុងប្រទេសស៊ីបកាលពីព្រឹកថ្ងៃអង្គារ នៅក្នុងគម្រោងសាកល្បងសម្រាប់បើកផ្លូវសមុទ្រថ្មីនៃជំនួយដល់ប្រជាជនដែលស្ថិតក្នុងភាពអត់ឃ្លាន ។ នេះបើយោងតាមការចេញផ្សាយរបស់សារពត៌មាន BBC នៅថ្ងៃទី១២ ខែមីនា ។
កប៉ាល់របស់អង្គការសប្បុរសធម៌ Open Arms បានបើកចេញពីកំពង់ផែ Larnaca ក្នុងប្រទេសស៊ីប ដោយសណ្ដោងទូកដែលដាក់ម្សៅ អង្ករ និងប្រូតេអ៊ីន ប៉ុន្តែកន្លែងដែលកប៉ាល់នេះគ្រោងនឹងចូលចត នៅពេលទៅដល់តំបន់ហ្គាហ្សាមិនត្រូវបានគេប្រាប់ឲ្យដឹងនោះទេ ។
ជំនួយនេះភាគច្រើនត្រូវបានផ្តល់មូលនិធិដោយប្រទេសអារ៉ាប់រួម និងរៀបចំឡើងដោយអង្គការសប្បុរសធម៌ World Central Kitchen (WCK) ដែលមានមូលដ្ឋាននៅសហរដ្ឋអាមេរិក ខណៈដែលអង្គការសប្បុរសធម៌អេស្ប៉ាញជាអ្នកផ្ដល់កប៉ាល់នេះ ។
ស្ថាបនិក WCK លោក Jose Andres បាននិយាយនៅក្នុងសេចក្តីថ្លែងការណ៍មួយថា គោលដៅនៃការដឹកជំនួយនេះគឺដើម្បីបង្កើតផ្លូវសម្រាប់ទូក និងកប៉ាល់ផ្ទុកអាហាររាប់លានគ្រឿងផ្សេងទៀតដែលបន្តឆ្ពោះទៅកាន់តំបន់ហ្គាហ្សា ខណៈគំនិតផ្តួចផ្តើមនេះគឺដាច់ដោយឡែកពីផែនការរបស់សហរដ្ឋអាមេរិកក្នុងការសាងសង់ និងដំណើរការផែបណ្តែតទឹកនៅជិតឆ្នេរសមុទ្រហ្គាហ្សា ដែលនឹងអនុញ្ញាតឲ្យផ្តល់ជំនួយមនុស្សធម៌យ៉ាងឆាប់រហ័ស ។
គួរបញ្ជាក់ថា ជាមួយនឹងការកង្វះហេដ្ឋារចនាសម្ព័ន្ធកំពង់ផែ WCK បានបង្កើតកន្លែងចូលចតនៅហ្គាហ្សាជាមួយនឹងសម្ភារៈពីអគារដែលត្រូវបានបំផ្លាញ និងកម្ទេចថ្ម ខណៈនៅមានជំនួយចំនួន ៥០០ តោនទៀតនឹងបន្តបញ្ជូនចេញពីប្រទេសស៊ីបនាពេលខាងមុខនេះ ៕
អត្ថបទ ៖ ប៊ុន សុភាព
-
កីឡា៤ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ