ព័ត៌មានអន្ដរជាតិ

អាមេរិកលក់យន្តហោះហ្វឹកហាត់កងទ័ពជើងអាកាសឲ្យវៀតណាម

បានផុស

៣ years មុន

នៅ

ថ្ងៃសៅរ៍ ៥ មិថុនា ២០២១

ដោយ

សហរដ្ឋអាមេរិកបានយល់ព្រមលក់យន្តហោះបណ្តុះបណ្តាលប្រភេទ T-6 ឲ្យប្រទេសវៀតណាមដើម្បីពង្រឹងជំនាញហោះហើររបស់កងទ័ពជើងអាកាស។ នេះបើតាមការឲ្យដឹងរបស់មេបញ្ជាការកងទ័ពជើងអាកាសអាមេរិកប្រចាំប៉ាស៊ីហ្វិកលោក Kenneth Wilsbach បាននិយាយនៅថ្ងៃសុក្រ។

និយាយក្នុងសន្និសីទសារព័ត៌មានតាមអនឡាញដែលរៀបចំដោយផ្នែកសារព័ត៌មានអាស៊ីប៉ាស៊ីហ្វិករបស់ក្រសួងការបរទេសអាមេរិកនៅថ្ងៃទី៤ ខែមិថុនា លោក Kenneth Wilsbach ថា ៖«យើងប្តេជ្ញាជួយដែលយន្តហោះហ្វឹកហាត់នោះនឹងត្រូវបានបញ្ជូន ហើយបន្ទាប់មកធ្វើប្រតិបត្តិការ និងធ្វើឲ្យប្រសើរឡើងនូវការបណ្តុះបណ្តាលជំនាញហោះហើររបស់កងទ័ពជើងអាកាសវៀតណាម»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា លោកមិនបានបង្ហាញទេថាយន្តហោះហ្វឹកហាត់ផ្លូវអាកាសចំនួនប៉ុន្មានគ្រឿងដែលលក់ទៅឲ្យវៀតណាម។

ឆ្លើយតបទៅនឹងសំនួរមួយអំពីកិច្ចសហប្រតិបត្តិការរវាងប្រទេសទាំងពីរនាពេលអនាគត លោកបាននិយាយថា កិច្ចព្រមព្រៀងលក់យន្តហោះហ្វឹកហាត់នេះគឺជាកិច្ចការមួយក្នុងចំណោមកិច្ចការសំខាន់ៗគួរឲ្យកត់សំគាល់។

កាលពីឆ្នាំ២០១៩ វរសេនីយ៍ទោជាន់ខ្ពស់វៀតណាម លោក Dang Duc Toai បានបញ្ចប់វគ្គបណ្តុះបណ្តាលភាពជាអ្នកដឹកនាំអាកាសចរណ៍របស់កងទ័ពជើងអាកាសសហរដ្ឋអាមេរិកដែលលោកបានចំណាយពេលហាត់បើកយន្តហោះ T-6 ជាង១៦៧ម៉ោង។

លោក Wilsbach បាននិយាយថា ចុងរដូវក្តៅខាងមុខនេះ អគ្គមេបញ្ជាការកងទ័ពជើងអាកាសវៀតណាមគ្រោងនឹងចូលរួមសន្និសីទស្តីពីអគ្គមេបញ្ជាការអាកាសប៉ាស៊ីហ្វិកនៅទីក្រុងហាវ៉ៃ សហរដ្ឋអាមេរិកដែលនឹងមាន២២ប្រទេសចូលរួមកម្មវិធីនេះ៕

ប្រែសម្រួល៖ វីរបុត្រ
ប្រភព៖ vnexpress

Related Topics:សហរដ្ឋអាមេរិក